مساعدة في نشاطي" ديار العز"

[شهلاء]

السلام عليكم
عندي نشاط بسويه وهو عرض الازياء لمناطق المملكة المختلفة زي الشرقية ونجد وابها وعسير ووو
المشكلة اني مااعرف الازياء بكل منطقة ياليت تساعدوني بالصور والمقالات المختصة لو تكرمتوا
وشكرا مقدما لكل من بيساعدني
ومن فرج كربة عن اخيه فرج الله عنه كربة من كرب يوم القيامة

[مهــا]

كيف تبين أفكار للبس أو عبارات مثلاً ... وكم عدد البنات عندك اللي بيسون الفقرة



وإن شاء الله راح اساعدك

[شهلاء]

هلا اختي مها
اول شي اشكرك جزيل الشكر والله يحسبها لك في ميزان حسناتك لمساعدتي
انا بصراحة ماحددت عدد البنات لاني الى الان ماقدرت احصل معلومات شبه متكاملة عن المناطق المتوفر معلومات عنها عن الازياء والتقاليد
انا بحدد عددهم حسب المناطق الي تتوفر عندي معلومات كاملة عنها
بس مشكلتي اني اصلا مااعرف وش الازياء التقليدية للمناطق
انا فكرت في اني اسوي عن ( عسير - ابها - الجنوب - الشرية - نجد - حائل او القصيم )
<<< عندها امل تحصل معلومات كافية
بانتظارك اختي وياليت بعد باقي الاعضاء يساعدوني لو بصورة او مقال
الاهم هي الصور حتى اعرف شكل الملابس

[شهلاء]

No Help ???????

[•°o.O (أم ليــــــــن) O.o°•]

الزي العسيري هو يعتبر رمز لمنطقة الجنوب كلها تقريبا لانه يختلف اختلاف بسيط من منطقة لاخرى ..
يكون عادة من القماش المخمل او اي نوعية ثانية ومطرز بالوان متعددة وتلبس معاه اكسسوارات فضية مثل القلادة والحزام ويوضع على الشعر المنديل الاصفر او الشيلة اللي اطرافها ملونة..

هذي صورة لين وهي لابسة الثوب العسيري..

وهذي صور ثانية توضح لك الالوان والتطريزات والاكسسوارات..

[شهلاء]

هلا ام لين
الله يجزيكي كل خير وجعله في ميزان حسناتك
تقريبا عرفت ملابس عسير مع اني مو عارفة كيف بسوي هالازياء او من وين اجيبها
عموما مشكووووووووورة
وعقبال بقية الاعضاء يساعدوني

[•°o.O (أم ليــــــــن) O.o°•]

لاشكر على واجب عزيزتي..
من وين تجيبينها هذي أمرها هين اكيد عندك طالبات من الجنوب قوليلهم يجيبون الثياب العسيرية اللي عندهم ويلبسونها..
واتوقع بالنسبة للوسطى والشرقية الدراعة (الجلابية) او الثوب الزم والبخنق يلبسونه معاه(مثل الخمار بس من التل ومطرز بالذهبي)..
وفي فكرة حلوة بعد سووها معلمات في المدرسة اللي كنت ادرس فيها كانت فكرتهم تقريبا مثلك وقالوا قصيدة معشوقتي معشوقتك وكل مايجيبون طاري منطقة يطلعون بنات بزيها الشعبي ومعاهم شي رمزي لها في سلال ويوزعونه على الحضور مثل القصيم >>الكليجة .. عسير>> باقة مشموم وحبق ونباتات عطرية ثانية يمكن ماتعرفينها وهكذا...
اتمنى اكون أفدتك ...

[الواثقة بالله]

تلاقين الملابس هذي في محلات اللي تبيع جلابيات

أو تروحي باب جده القديم

اذا انتي في جده

لكن المعروف في الجنوب
في المنطقة تلبس البكر منديل أصفر مزين برسومات وردية وتضع على راسها ( مكعس) وهو ورد أو ريحان أو غير ذلك على شكل طوق أو عقد .. فالكل يعرف انها بكر وغير متزوجة ..
أما المتزوجة فتلبس فوق المنديل سواد ..

طبعا لم يكن نساء المنطقة في ذلك الزمن يغطون وجوههم لأن المذهب السائد كان الشافعي ..

تلبس العروس ثوب عسيري .. وتنفش شعرها ..
وتلبس ( رشرش) وحزام وبناجر وخواتم
ويزينونها البنات بالحناء على شكل نقوش جميلة

[شهلاء]

ارجع اشكرك جزيل الشكر ياام لين على معلوماتك الي اكيد بتفيدني
وانا ناوية اني اسوي قصيدة تراثية على كل منطقة مثل ماقلتي واخلي الطالبات يوزعون اكلات شعبية
بس الله يعيني على جميع المعلومات وماباقي على النشاط الا شهر ونص تقريبا مدة التدريب

شكرا يااخ نسيم على معلوماتك
وللاسف اني مو في جدة عشان اجيب هالملابس
بس ان شاء الله احاول ادبرها

[مهــا]

شهلاء ...


في فكرة ثانية ..

بإستخدامك للبروجكتر وتعرضين صور لكل منطقة ( طبعاً عالسريع ) لمنظر منها أو معلم منها وصور لأزياءها .. هذا العرض أثناء مالطالبة تقرأ مالديها من معلومات عن الزي وطريقة لبسه وخاماته ثم تخرج الطالبة بزيها لتعرضه عالجمهور ...






إكتبي بقوقل في صور وتطلع لك إللي تبين

[شهلاء]

هلا اختي مها
فكرة حلوة بعد بالبروجكتر
وانا الحين انتظر اجمع المعلومات الكافية عشان اعرف وش بسوي