استفسار عن التجاوز في مادة اللغه الانجليزيه..

**سكاكرر** · 16-12-2012, 12:47 AM

السلام عليكم ورحمة الله وبركاته...

اخواني واخواتي انا معلمه جديده ومو فاهمه موضوع التجاوز هذا...مديرتي تقول لي حاولي تساعدين الطالبات بالدرجات..شلون اساعدهم وهم لايقرون ولايكتبون تأسيسهم غلط للعلم انا ادرس متوسط..

ياريت تفيدوووني ربي يسعدكم..

**gochi** · 19-12-2012, 06:08 PM

هذا تعليمنا الحديث ببساطه ..
توزيع درجات اهم شي ينجح الطالب ، الله يرحم ايام ماكنا نقطع نفسنا عشان نص درجه
انا نفس الوضع يجوني بحب خشوم عشان انجحهم
جدران فصلي فهمت القرامر وهم لا

ان جيتي للنظام مالهم حق يطلبون درجات ، وان ماحبيتي تزيديهم من حقك ترصدي درجاتهم مثل ماهي
بس الله يعينك اذا الرسوب زايد تجي لجنه وتحقيق حسب ماسمعت

**bigevil** · 19-12-2012, 09:07 PM

التجاوز ين حصول الطالبه عندك على 28 درجه حتى يتجاوز عنها النظام وتنجح بس .. يعني المديرة تقولك وصليها الى 28 درجة بأى وسيله ....... وبقولك شي ترا كل الشعب كذا ما يفهمون بالدراسة واهاليهم لا يربونهم ولا يعلمونهم ويبغونهم ينجحون فوقها ... الا من رحم ربي عشان ما يجيني احد ويقولى لا تعمم ......

تصدقين لو ادرس غنم يمديها فهمت واللي عندهم ما يفهمون عندي طلاب يجيبون لى الجلطه المستعجلة وفي الاخير مضطر انى انجحه بأي وسيلة لان هذا من مصلحة المدرسة ورغبة الوزارة ... بس مدري متى اخص الماجستير واشرد من التعليم ...

الله يعينا بس

**سكاكرر** · 23-12-2012, 04:14 AM

جزيتم خيييراااا

فعلا اللي يقهر انو تكون مضطر تنجح الكسلانين

الله يكون بالعون

**eric 22** · 26-12-2012, 12:23 AM

ولله غبنة ناس تتعب وتذاكر وناس ما همها في النهاية كلهم ينجحون بغض النظر عن الدرجات
لكن من بعض الاهالي الله يهديهم ما عودوا عيالهم على الدراسة والاهتمام