استفسار عن الدفاتر =/

[koko00koko]

السلام عليكم

خواتي صاحبات الخبره
حبيت استفسر عن دفاتر للصف الاول المتوسط ؟
أنا بدات التدريس هذا الترم -الحمدلله -
وطلبت من البنات دفاتر ونكتب فيها كل يوم الكلمات الجديده أو قرامر !
هل هذا صحيح ! وش المفروض أعطيهم بالملخصات ؟
دايم يجيني احساس انه ناقص =/

طلب ثاني
ياليت تعطوني افكار أسويها للبنات اللي دفاترهم كامله ومرتبه
صراحه بعضهم مسويه كأنه تحفه فنيه ^^ يا عمري عليهم
ودي أحط لهم شي حلو بالدفتر =)

لا تحرموني خبرتكم

[sweet peach]

وعليكم السلام و رحمة الله وبركاته

مرررررررحبا بك أختي الكريمة

بالنسبة للدفتر تمام يكتبوا المفردات الجديدة وشرح مبسط للقرامر مع أمثلة ..
بس أنا حسيت انه مايمديهم يكتبوا الملخص بسرعة.. وخطهم صعب في التصحيح فطبعتلهم هذ التيرم ملزمة وعليهم يكملوا الفراغات اللي فيها بس...

وبالنسبة لسؤالك عن تشجيع للدفاتر المميزة.. فكنت أطبع بطاقات فيها عبارات حلوة بالكمبيوتر وأسجل عليها اسم الطالبة وألصقه لها على الدفتر من بره, أو ممكن بشريطة مرررررة يفرحوا فيها.. و هذه المرة اخترت أفضل ملزمة مرتبة من كل فصل وأعطيتها هديه بسييييييييطة (شكولاتة) بس بجد يفرحوا فيها..

و مووووووفقة يا عسل

[koko00koko]

أهلااا استاذتي

حلوه فكرة الملازم مره اعجبتني وكنت افكر فيها
بس لأان منهجهم كله الوان وكذا فكون انها راح تكون ملونه خفت أكلف على الطالبات و ترددت مرره
السنه الجايه ان شاءالله =)

يمكن لاني توي مبتدئة بالتدريس أخاف أكون مقصره مع الطالبات مره
شايله هم هالأمانه

جزاك الله خير ^^

[بياع الكلام]

مرحبا

بالنسبه للدفاتر انا ملغي فكرة الدفتر من حياة طلابي

كل شيء موجود بكتاب الطالب والنشاط


اعطي كل فصل في اخر حصه في الاسبوع قطعه او محادثه يكتبونها باوراق

انا طابعها ومجهزها ويسلمونها لي منها احتسب مشاركه للطلاب اللي مستواهم

ضعيف شوي والاهم تعليمهم الكتابه وتحسين الخط


بس الطريقه هذي ماتنفع الا مع الاعداد القليله