تكفووووووووووون ردووو على سؤالي بخصوص التقييم

[الجوووود 99]

السلام عليكم ورحمة الله وبركاته
أخباركم إن شاء الله مبسوطين ؟؟
لو سمحتووووا انا محتاسة مرره بالتقييم وطريقته اول مره ادرس سادس وبصرااااحه ماتوقعته كذا
الله يخليكم عندي استفسار الطالبة الي تتقن المهارات اللي عندها نجمه كلها تاخذ 1 صح؟
طيب اذا اتقنتها كلها الا مهاره وحده كم تاخذ ؟؟
واذا اتقنت جميع المهارات اللي عندها نجمه ومااتقنت واحده او ثنتين من المهارات اللي ماعندها نجمه كم اعطيها ؟؟
ادري طولت با أسألتي بسسس والله اني محتاره ومدري كيف بااقيم ياااارب عونك
وسؤال اخير هل مهارات الفترة الأولى تتكرر ثاني في الفترة الثانيه ؟؟
الله يجزاها خير اللي تررررررررد علي وتساعدني ويرزقها من حيث لا تحتسب

[bigevil]

اهلين

انا اساعدك بكل شي

واى سؤال يخطر على بالك لا تترددين ابدا انا موجود

نجي الى اسئلتك

الله يخليكم عندي استفسار الطالبة الي تتقن المهارات اللي عندها نجمه كلها تاخذ 1 صح؟

نعم اللى عندها نجمه مهارة اساسية اذا اتقنت تاخذ 1 واذا ما اتقنت تاخذ 4 مافى شي ثاني غير كذا يا تنجح ب 1 او ترسب ب 4

طيب اذا اتقنتها كلها الا مهاره وحده كم تاخذ

تكتبين قدام كل مهاره تتقنها 1 اما كل مهاراه ما تتقنها تاخذ 4 ان شاء الله اتقنت كل المهارات الا وحده وهى مهارة اساسية اللى لعيها نجمه 4 اما اذا كانت غير اساسية على حسب الاتقان تعطينها 1 او2 او 3

واذا اتقنت جميع المهارات اللي عندها نجمه ومااتقنت واحده او ثنتين من المهارات اللي ماعندها نجمه كم اعطيها

اعطيها 1 اذا اتقنت بشكل ممتاز و 2 بشكل جيد جدا و 3 بشكل جيد و4 لم تتقن نهائيا وهذي المهارات الغير الاساسية هى اللى يكون فيها الفروق الفردية اللى بين الطلاب وكل مهارة تتقيم لوحدها مالها علاقه بالباقيه

وسؤال اخير هل مهارات الفترة الأولى تتكرر ثاني في الفترة الثانيه

فيه مهارات مستمرة مثل قراءه الكلمات تمشي معاك واى مهارة الطالبه ما تتقنها تمشي معها حتى نهاية العام يعني مثلا مهارة نمعرفة لاارقام من 1الى 100 اذا ما عرفها طالب عندي اعيدها له واذا استمر ما تقنها تبقى معاه للفترة الثانيه مع اشعار الفترة الثانية تنزله نفس المهاراة ذي فى الاشعار ولو استمر الطاب الحمار ما يعرف تنزل معاه فى الفترة الثالثة حتى يقن او يرسب ..

طبعا موضوع الاتقان انت تقررينه يعني انا اذا غلط الطالب غلطتين فى الورقه اعتبرة اتقن اذا غلط اكثر لا وتقدرين تختبرين الطلاب اكثر من مهاراة فى ورقة وحده ..
اهم شي ومعلومه مهمه اى طالبه عندك ما تتقن لازم تحتفضين بااوراقها حتى تصير اثباتات لانهم بيسألونك ليش اخذت 4 فى المهاراة فلازم من الاثباتات وكمان ترسلين تقارير لاولياء الامور عن مستوى الطالبه ومذكرة الواجبات تكتبين فيها انها ما تقنت

لو سمحتووووا انا محتاسة مرره بالتقييم وطريقته اول مره ادرس سادس وبصرااااحه ماتوقعته كذا

بالعكس تراه بسيط .. هو فىالبداية تحسينه صعب س تراه بسيط وانا معاك اساعدك بكل شي

وش رايك شرحت لك اللي تبينه .. اى استفار انا موجود وترانى تخصص سادس هههههههههههههه

بروح ادور لى قهوة وارجع

[الجوووود 99]

جزااااااااااااااك الله خيرررر شررررح وافي
الله يفرجها بوجهك ويسعدك وين مارحت بصراحه ماقصرت ابدااا
والله كنت بكلم المشرفه تفهمني وبصراحه مااحب اكلمها بس قلت اذا مالقيت رد بكلمها
لكن ماقصررررررت خيووو الله يوفقك دنيا واخرة
سؤال صغينووون واسفه على الازعاج
يعني في سجل المهارات الخاص بي اكتب جميع المهارات يعني في سجل الفترة الاولى اكتب جميع المهارات ونفس الشي في الفترة الثانيه بحيث انها راح تتكرر معاي و الا اكتفي بكتابة مهارات الفترة الاولى التسعه وبورقه ثانيه اكتب مهارات الفترة الثانيه العشرة بس

مدري تفهم سؤالي او لا

[bigevil]

عاادي اسألى متى ما تبين ولا تستحين انا اساسا فاضي طول اليوم على النت والتلفزيون

فى كشف افترة الاولى يطلع معاك طالبه او ثنتين مثلا باقى عليهم مهارات انت تعطين عليهم علامه وتسوين لهم ورقه خاصه تكتبين فيها المهارات الباقية لهم وتبدا الفترة الثانية سويلهم خلال هذي الفترة اختبارات للمهارات اللى من الفترة الاولى مثل طالب الجامعه لما يحمل مادة ويدخل الترم الثاني والمادة معاه بس الفرق انك ختبرين الطالبه المتأخرة اى وقت من لافترة الثانية واذا خلاص طفشتى منها مافى امل تتعدل كل اوراق القياس اللى سويتها لها تحطيها فى ملف اضافه الى التقارير اللى رتسلينها الى اولياء الامور وكمان لما تكتبين فى مذكرة واجباتها خذي المذكرة وصوري توقيعك وكتابتك فيها وخليها فى ملف لما احد يسألك ليش اخذت 4 تكون اوراقك جاهزه

الحين بحمل لك ملف حق تقارير اولياء الامور وانت استخدميه .. استني احمله بس شوي

[bigevil]

شوفى الرابط هذا

http://www.saudienglish.net/vb/showthread.php?t=43389


وشوفى كمان اللى بالمرفقات وفى كمان غيرة بدورة لك


ان شاء الله ما قصرت معاك واذا تبين شي بس اسألى وانا بالخدمه

[bigevil]

وشوفى الرابط هذا كمان

http://www.saudienglish.net/vb/showthread.php?t=87056

[الجوووود 99]

الله يوسع لك في الدنيا والأخرة ويفرج لك وين مارحت
اللهم اني أسألك له مفاجأه جميلة لآيسع قلبه تصديقها ، وتدمع عينه عند سماعها
اللهم قدر له الخير حيث شئت ثم أرضه به ،
اللهم اجعل حياته أهنأ و أسعد و أجمل من كل توقعاته
اللهم اكتب له في أيامه القادمة فرحة تغير بها مجرى حياته للأبد ..
اللهم أسعده ثم أسعده ثم أسعده حتى تبلغ السعادة منتهاها ..
اللهم آآآآآمين ..
إن شاء الله ماراح اتردد بسؤالك في أي موضوع يصعب علي وربي يعدي ها الترم على خير .

[bigevil]

الله يوسع لك في الدنيا والأخرة ويفرج لك وين مارحت
اللهم اني أسألك له مفاجأه جميلة لآيسع قلبه تصديقها ، وتدمع عينه عند سماعها
اللهم قدر له الخير حيث شئت ثم أرضه به ،
اللهم اجعل حياته أهنأ و أسعد و أجمل من كل توقعاته
اللهم اكتب له في أيامه القادمة فرحة تغير بها مجرى حياته للأبد ..
اللهم أسعده ثم أسعده ثم أسعده حتى تبلغ السعادة منتهاها ..
اللهم آآآآآمين ..
إن شاء الله ماراح اتردد بسؤالك في أي موضوع يصعب علي وربي يعدي ها الترم على خير .

اللهم آمين



وكمان لو تدعين ريال مدريد يجيب الدوري السنه ذي اكون شاكرلك

ان بالخدمه دايم لا تترددين بس اسأليني وانا ما اقصر

[tech_tech]

ايو والله اجابات وافيه وضحت لي كثييييير من الاستفسارات انا زيك الجوود اول مره امسك سادس والمشرفه الى الان ماشفتها