ممكن تعلموني؟؟؟؟؟؟؟

**إحساس صادق** · 21-09-2007, 12:51 PM

عندي طلب وهو أبغى أتعلم الإنجليزي
من الصفر من البداية والله إنه معاناتي
ممكن أحد يعلمني كل شي أبغى أتعلم المحادثة
تمناياتي أنكم تساعدوني
أختكم
إحساس صادق
إن شاء الله مايخيب ظني فيكم

**طالبة_07** · 22-09-2007, 07:55 AM

:36_4_12:مرحبا اختي احساس شد انتباهي طلبك بصراحه اللي انصحك فيه كثره قراءة الانجليزية سواء مجلات اوجرائد وتترجمينها هذي طريقتي اللي كنت اتبعها اضافه الى التحدث حاولي تتكلمين انجليزي خصوصا مع اهل اللغه الاجانب او الهنود اللي يتكلمون الانجليزيه لان اللغه عندهم قويه خصوصا المفرادات هذا بالنسبه للمدرسين عندنا ..ما أعرف شلون عندكم اما الاغاني او الافلام مااعتقد انها بتفيدك لان اغلبها لغه عاميه يعني slang بالنسبه لي مانفعتني ولكل شخص رأيه في طريقه الاستيعاب اختاري الافضل,,اهم شي الاراده,, وشوفي اللي يناسبك واختاريه وربي يوفقك للي يحبه ويرضاه
تقبلي تحياتي

**إحساس صادق** · 24-09-2007, 03:10 AM

شاكرة لك انك حسيت في
طبعاً إرادتي قوية بإذن الله وحلوة فكرتك
أنا قلت بشتري قصص أطفال بالانجليزي
وأحاول اتعلم منها

**البـارع** · 24-09-2007, 03:23 AM

لان اغلبها لغه عاميه يعني slang بالنسبه

اللغة العامية هي الدارجة, ومهمة..

أعتقد التلفزيون والكمبيوتر افضل وسيلتين للتعلم ..

مثلا برنامج اوبرا على mbc4 جدا رائع وجاد وتستفيدين منه الكثير ..

وانصحك بالابتعاد عن المعاهد, لأنهم نصابين هدفهم الفلوس ويعطونك الشهادة حتى ولو ما استفدتي شي المهم انك دفعتي ..

وفي مهارات التعلم, ركزي على المفردات والقراءة,,

اما القرامر فركزي فقط على الازمنة الماضي والحاضر والمستقبل وبقية القواعد مع الوقت ,,,

**إحساس صادق** · 24-09-2007, 03:28 AM

شاكرة لك أخي بارع على نصائحك
وفعلاً المعاهد اهم شي عندهم الفلوس
وإن شاء الله بحاول اتعلم

**DR AHLAIN** · 24-09-2007, 03:30 AM

وعليكم السلام ورحمة الله وبركاته،

طبعاً البدايه هي تكوين قاعدة من المفردات بحيث تكوني فضولية لمعرفة الكلمات الي تمر عليك وتعرفين معناها ونطقها وموقعها بالجملة.

تحتاجين قاموس سواءً الكتروني ناطق او عادي او كتاب وافضل قاموس

يكون

انجليزي -عربي

عربي -انجليزي

انجليزي -انجليزي

علماً ان الموقع يحتوي على الكثير من الروابط والمواقع التعليمية مثل مواقع المفردات المصورة واذا ماحصلتيها ابحث لك عنها ان شا الله

وهذه هي البداية

وحنا جاهزين لأي خدمة اختي

**إحساس صادق** · 24-09-2007, 03:46 AM

مشكور وما تقصر يا دكتورنا العزيز
معنى الكلمة ونطقها سهل علي إن شاء الله
لكن موقعها مدري يعني
والقاموس عندي
الوافي وعندي كتاب انجليزي -عربي
عربي -انجليزي
وبحاول أتعرف على
عدد من المفردات وموقعها

**DR AHLAIN** · 24-09-2007, 03:53 AM

قاموس انجليزي- انجليزي

يتيح لك خدمة وضع الكلمات في جمل مختلفة

ويسهل عليم معرفة موقعها وطريقة استخدامها ومرادفاتها ايضاَ

**إحساس صادق** · 24-09-2007, 03:59 AM

احس إنها صعبة شوي لكن ماعليه بحاول
لأن القاموس كله انجليزي خلاص بوقف
إلى هنا لحد ما استوعب واركز شوي في
الكلمات

**DR AHLAIN** · 24-09-2007, 04:05 AM

الموضوع حبة حبة

1- الحصول على الكلمة
2- معرفة المعنى من اي قاموس
3-معرفة الاستخدام والمرادفات (من القاموس الانجليزي -انجليزي)

ومافي الموضوع صعوبة ان شا الله :)