للي يدرسو ميغا غول 2 ممكن دخول

[عشقي المدينه]

السلام وعليكم لكل الحلوين
بغيت اسال بس عن ميغا غول 2 لانه جديد ع الكل مافي دروس بور بوينت وغيرة ولا المنهج يساعد ف ان الواحد يدبر صور ولا يستعمل وسائل
معليش بطفشكم بشوية اساله
1 ايش الوسائل اللي تستعملوها عشان بس يلفت شوي انتباة الطلبه والطالبات النايمين لاتقولو استماع انا ماسكه 24 حصه مايمديني كل من شويه داخله فصل بعفشي سويتها الفصل الاول كم حصه وطفششششت موووت واستسلمت
2- بالنسبه لدرس الاستماع هل لازم تحطو السي دي عشان يسمعو هو حلو مو صعب بس عطوني حل كيف اسوي طريقع تسهل علي اسوي درس الاستماع بس زي ماقلت انا 24 حصه حسيت صعبه على شايله الاب والسماعات فالله يعافيكم كيف اشرح درس الاستماع
3- بالنسبه لدرس الرايتنك كيف تعطوة والوحدات صايرة تعابيرهت مو مرررة مني فاهمه كيف اسهل لهم درس الرايتنك
4 زي متو شايفين كتاب الطالب لوحدة في تمارين كثيرة وكمان كتاب التمارين تمارينه بالهبل انا الفصل الاول ماتطرقت لكتاب التمارين الا شي بسيط جدا عشان المنهج جا بعد الدراسه بشهر لكن الحين طبعا من ابداية الترم والكتب عندنا فهل تعطون كل شي يعني احس كتاب التمارين مالامه داعي كثرة تمارين من دون داعي
انا ودي اختار تمارين سهله واعطيهم مو كل شي بس المعلمه اللي تعطي نفس المنهج ف مدرستي تعطيهم كل شي وانا محتارة والمشكله التمارين مو محلوله حقت كتاب التمارين فاخاف احل شي غلط وكمان صعبه كل من شوي اسئل زميلتي عن حل التمارين لانها هي تحضر يوم بيومه وانا احيانا اسبقها بدرس او درسين ولما اسئلها تقول لسه ماحضرت انا احضر يوم بيومه
طيب ايش اسوي اناااا والله طفشت انا ماقول المنهج صعب بس ابغا طريقه تسهله للطالبات خصوصا ان نسبة الرسوب ف الانجليزي اكبر نسبة رسوب من اي مادة ثانيه لا وبعد كانو حاطين الانجليزي اخر يوم في احد يذاكر اخر يوم لا وكمان انجليزي طولللت عليكم اسفه بس من جد محتاجه للمساعدة
الله يوفق ويسعد ويحقق كل من يرد علي وكمان اللي يقرا ومايرد الله يسعدة يارب مالوم احد اذا مارد من حلاة المنهج بس

[حاملة القرآن]

ربي يعينا ويعينك

والله حتى انا محتارة في الوسائل

[shawaf]

عزيزتي المعلمة بالنسبة للأوديو أنا حاط كل الأوديو بجوالي وجايب لي سماعات تركب على الجوال وهي قوية طبعاً وأيضاً بها مخرج usb كما في الصورة التي بالأعلى وكمان السماعة صغيرة الحجم وسهلة الحمل وصوتها ممتاز وما عليها غبار وتوجد بمعظم محلات اللأكترونيات.
أما بالنسبة للواجبات وحل التمارين عني أنا طبعاً أعطيهم إياها بنهاية الأسبوع يوم الأربعاء ويسلمونها يوم السبت وطبعا ما أركز كثير على عليها يعني : واجب درس أو درسين حقت الأسبوع كامل أو مجموعة فقرات من كل صفحة.

[ترف الوله]

حل التمارين في كتاب المعلم من الخلف اخر الصفحات اذا خايفه ان تعطينهم حلول غلط ةبالنسبه للتمارين عطيهم اياها كلها موانت الي اخترعتي المنهج ولا انتي الي كتبتيه فيه مدارس تدرس المنهج القديم الي صعب عليها الله لايهينها تحول نظام عادي

[Rosalia]

انا عانيت نفس المشكلهبس بصراحه حاولت اريح عمري بالنسبه للكلمات انا اشرح الكلمات الجديده بكل حصه كالعاده وفي نهاية الوحده اجمعها بورقه واكتب معانيها فتصير لهم مرجع ومنها تجي اسئله الحروف الناقصه او الصور او الفراغات او التوصيل والقواعد اشرحها على حصتين لانها مهمه وهم حاطين 4 قاعدات بكل درس واعمل لهم اوراق عمل وكمان اوراق مراجعه لنهاية الوحده ومنها يشوفو البنات طريق الاسئلة اما التعابير اللى جننتني فكان عندي عذر ان المنهج جاي نتاخر وانه مافيه وقت فما شرحتها لهم بس اعطيتهم تعبيرين نهاية الترم مواضيعها من الكتاب بس انا جايبتها من برى وجاهم واحد منها في الاختبار
اما الحين فبصراحه قاعده ادور على طرق فعاله لتفعيل حصص الكتابه

[عشقي المدينه]

جزاكم الله الف خير يارب

[Sarah20]

الله يعينك

[دمعة غربة]

كلنا حايسييين

[iceteacher]

حياتي والله حاسه فيك بالنسبه ليا معايا معلمه رائعه و متعاونه ماسكه المنهج فالترم الاول كان جولات و صولات لكن حخبرك كيف احنا ماشين
1- التحضير من الطالبات مهم جدا جدا على الاقل استخراج الكلمات الصعبه و معرفة الفكره العامه و لتشجيع الطالبات على ذلك الطالبه اللي حضرت الجديد اسألها فيه و اذا جاوبت ما اراجع معاها الحصه اللي بعدها فتكون في امان و تاخد المشاركه
2- بالنسبه لدرس الاستماع لازم السي دي لتدريب الطالبات
3- بالنسبه لدرس الرايتنك انا اشرح الطريقه المطلوبه للكتابه و ابدأ بكتايتي انا على السبوره فينسخوها لكن بعد كدا اطلب منهم يكتبوا متلها بتأليفهم الخاص حتى لو الوقت ما ساعدهم غلى الاقل حاولوا و يكون واجب بالملف
4 كتاب التمارين اختاري التمرين السهل اللي يدعم الفكره الاساسيه للدرس مش كله و ادا ناويه تدخليه في النهائي لا بد تحليه معاهم و تصححيه لكن ادا لا اعملي عليه تشيك في الحصه اللي بعدها حتى تساعدي الطالبات في درجات الواجب
بالنسبه لتسهيل المنهج اتفقنا انو نعمل مراجعه شامله لكل وحده و تكون في نفس الوقت اوراق عمل نحلها بالحصه مع الطالبات لاننا بنعطيهم الاوراق كامله قبل ما نبدا بالوحده و بالتالي هي الاوراق الوحيده اللي حتدخل في النهائي بالأضافه للتعابير
اتمنى اكون افدتك و لو بالشيء البسيط

[منااااوي*]

مساء الخير حبيت اعطيكم طريقتي الخاصه اتمنى تفيدكم أولا التركيز على الكلمات المهمه ولا تكون كثيره المهم الافكار الاساسيه الرايتنق لازم حصتين الاولى اعرض لهم بوربوينت يتضمن الكلمات والصور اللي تساعدهم على كتابة المقال نحاول مناقشة الموضوع و تحاول الطالبات تكوين جمل بسيطه بعد كذا اطلب من كل مجموعه تكتب مقال صغير كل مجموعه فيها سبع طالبات كل طالبه تكون جمله صحيحه و يعطوني اياها اليوم الثاني اناقش الاخطاء ونصححها ثم يعيدون كتابة الموضوع - اما الاستماع لازم يسمعون علشان الاستماع اساس تعليم الspeakingوكل فتره بتحسين صار نطقهم احسن و صارو يستوعبون - انا اخصص لهم ربع ساعه في كل وحده اسمعهم مقطع قصه او انشوده انجليزيه واخليهم يسمعون ويكتبون اي كلمه ويقولون اي جمله حفظوها هذي الطريقه ساعدتهم كثير - أٍسسسسسسسسسسسسفه على الاطاله واتمنى التوفيق للكل

[Hulfuth]

Diabetes Osteoporosis Fluid retention in the legs and face Increased appetite and weight gain Stretch marks Mood swings Joint pain Cushing s syndrome High blood pressure Increased risk of infection buy cialis online usa To begin, fertility therapy can be expensive