ياليت احد يدلني في هالحوسة ..يالخبراء حياكم^^

**مدرسُ** · 05-03-2012, 01:51 AM

السلام عليكم ورحمة الله وبركاتة

والله مدري وش قصة هالمنهج هو وزارتنا ماساعدتنا ننجح في مسايرته او العكس السبب فينا

درسة من سادس الى ثالث متوسط والله ماقد هنقت في منهج زي هالمنهج وبالعكس منهج سادس فهموه سادس وماشي زي اللووووووز ..

انا في هجره (بداوه)المنهج متاخر وصل .... ثقافة انجليزي مدمورة في المجتمع

يعني متابعة منزلية (5-) تحت الصفر ياجماعة الخير ماعرفوا الحروف الى 4 طلاب والباقي يغلطوا

اتنكس بالفصل من شان يحفظوا ولاعندك احد كل يوم عذرهم ياستاذ محد يعرف انقليزي في البيت

حبايبي هالمنهج يبيني امر على المفردات والقواعد مرور الكرام والمطلوب بس انه يسمعها لو لقطها اهلا وسهلا او لا لازم يحفظ كل شي ...

واش اسوي في هالناس الي مافي امل تحفظ الحروف خير شر ... احد يعلم الحروف باسلوب قلطه عشان يتفاعلوا ..والله دمروا اهلي

**معلمة إنقلش** · 05-03-2012, 06:57 PM

^

الله يعينك يارب
اخوي احنا الكتب وصلتنا من بدري لكن برضو مو ملحقين
المنهج كثير ومليان
وحصتبن ماتكفي دروس وانشطه
مشكله اللي يطرح منهج جديد ومو مجهز له
رابع وسادس يبي لهم مدرسين مفرغين لهم
وتزيد حصص رابع الى 3 على الاقل
اما هالتخبط والحوسه وهالزحمه
ويبون الطالبات والطلاب يفهمون ولازم نفهمه غصب !!
اكيد ماراح يمديني صح او لا
وللاسف فيه اشياء كثيره اضطر امر عليها مرور الكرام
انت اهم شي خلهم يحفظون الحروف والباقي حسب وقتك

**مدرسُ** · 07-03-2012, 10:33 AM

الله يعطيك العافية اختي

بالفعل حصتين ماتكفي يبيلهم معمل عشان الواحد يوصل المعلومة بهالمنهج زين بس الله كريم

**boob128** · 09-03-2012, 01:34 AM

هلا هلا اجل وش اقول انا الي الكتب ماوصلت الا ب 14-4 بالله وشلون امشي المنهج ب حصتين كل الدروس بتصير مرور كرام

ت

**norule** · 10-03-2012, 12:52 AM

مع تقديري للقائمين على الكتاب .. لكن بجد وش يحسون بالله يوم حطو الوحده الثالثة اللي موضوعها eid celebration
اللي اعرفه .. انه المنهج يكون مزامن للاحداث.. يعني اي ديانة تحتفل اللحين حتى اليهود خلصو عيدهم ..
والكتاب دش والايفالويشن للترم الثاني عن الريدينق والرايتنق ... يعني اش اعمل مع العالم اللي ماتذاكر اوقف المنهج وارجع للالفابيت عشان اقيمهم ؟؟؟؟
منهج محتاج لدراسه بكل ذمه وامانه وتركيييييززززز.. خلاص شبعنا تقليد جيبو للغوين سعودين او اجانب مو مشكله اهم شي عالم مفتحه تعرف وضع الطلاب عندنا وتحط ع اساسه منهج .. ويتم توزيهة من بدري مو يتلحلحون يوم الترم يخلص يجيبولنا الكتب

**Al-Ano0od** · 10-03-2012, 09:01 PM

بالفعل .. حصتين قليل
مع انه انا ادرس بمدارس و البنات عندهم خلفيه .. بس تبقى المشكله انهم ما في امل يذاكرون عشان تثبت المعلومه ..

ثاني شي حصه وقتها 40 دقيقه ابشرح فيها و االا احل معاهم ال workbook والا ال spilling والا القص

انا بصراحه الدرسين الاخيره امر عليهم مرور الكلام
اهم شي المعلومه في الدروس الالوى ..

طبعا لا يفوتكم الاهالي بما انه ما عندهم خلفيه عن الاجلش يبوني احل حتى ال h.w مع الطالبات

وش السوااة ..