لو كنتي بنفس الموقف وش بتسوين ؟؟

**همس الغروب** · 02-10-2012, 06:11 PM

السلام عليكم ورحمة الله وبركاته

مساكم الله بالخير عضواتنا الحلوات والنشيطات ..

ويعطيكم العافيه ع المنتدى الاكثر من رائع ..

بادخل بالموضوع على طول لاني مو من اللي يعرف يضبط مقدمات ومن ذا الحكي

ابي رايكم بموقفي المحزن وهل فيه ادارة تعليم تقوم بهذا العمل

زي مانتم عارفين تقريبا مر اكثر من شهر على الدراسه ومشينا بالمنهج وكل شي تمام والوضع

احسسسن مايكون .. وزي ماتعرفون باقي كم اسبوع ونرصد الفتره الاولى ..

الا اتفاجاء بادارة تعليمنا الموقره وهي تابعه للمدينة المنوره في احدى المحافظات تقوم بتغيير المنهج

بمنهج اخر غير القديم .. وبهذا الوقت المتاخر جدا .. المنهج للامانه ماطلعت عليه بس

وصل للاكثر من قريه واكيد بيجي لمدرستي ..

يقولو ان المنهج لاول متوسط والاول ثانوي ..

والمنهج يحتوي على عشرة فصول .. ويبونا نترك القديم ونبدا بذا الجديد .؟؟؟؟

وش ذا التسيب الى متى واحنا نعاني من عدم التدقيق بالمناهج قبل تجربتها .؟؟

يعني ع الاقل لو خلوه ببداية السنه كان الوضع عادي . بس بعد اكثر من شهر ومنهج

دسسسم 10 فصول .. لمتى ذي العشوائيه ؟.؟

مايكفي منهج رابع السنه الماضيه فيه من الاخطاء مالا يعد ولا يحصى ..

يعني انا الحين قربت ادخل بالوحده الثالثه في منهج اول ثانوي المنهج القديم ..؟

يعني شوي واخلص نص المنهج .. كيف باخلص منهج من عشرة فصول بفتره لاتتجاوز العشرة اسابيع او

اقل ..؟؟

سؤال وابي اجابه .. هل هذا القرار بس وصلنا احنا ولا فيه مناطق ثانيه

صار عندهم نفس الشي .. لان صراحه حالتي النفسيه تعبانه بالمره ..

تحياتي لكم ..

تالا* · 02-10-2012, 11:56 PM

وعليكم السلام
بالنسبة للمنهج ماوصلنا للحين
واتوقع بيكون فيه شبة بالمنهج القديم .. يعني لو وصلك المنهج شوفي الفرق واشرحي الدروس الي ماشرحتيها واتركي الي موجود بالمنهج القديم
ولو انا بمكانك والوقت ضيق راح اشرح الدروس المهمه جدا اولا واذا حصلت وقت بارجع للاشياء الثانيه
بالنسبة لطول المنهج بامكانك تدمجين درسين بدرس
مثلا الريدنق مع الورد ستدي والرايتنق مع الاكتيفيتيز وهكذا .. طبعا القرمر بحصه لحاله لانه بيكون طويل ويحتاج فهم فلاتدمجينه مع شي ثاني

واخيرا لاتشيلين هم المنهج لانه ممكن مايوصلك.. يعني لاحقه على الهم .. استمري بمنهجك القديم واتركي التفكير في شي ممكن مايصير اساسا

**star light** · 03-10-2012, 12:30 AM

السلام عليكم ورحمة الله وبركاته

حسبنا الله و نعم الوكيل .. احنا منطقة الرياض نفس المشكلة ما وصلت الكتب إلا بعد ثلاث اسابيع من بداية الدراسه

النكته ان الكتب إلي ألغوها طبعة السنة هذي ! يعني هم نفسهم ما كانوا عارفين ان المنهج بيتغير ... لا تخطيط و لا دراسه للموضوع !

**Nada.Q** · 04-10-2012, 07:42 AM

هذا اللي انا خايفه منه والله حتى ملازم للبنات للحين ما طبعت تراكمت علي التمارين ما حليتها معهم والسبب اني انتظرهم يأكدون وش المنهج بالضبط

تخبط وعشوائية في هالوزاره بحياتي ما شفته :s

**همس الغروب** · 04-10-2012, 01:58 PM

اختي تالا ان شاءالله اخذ بنصيحتك .. شاكره لك مرورك

star light حتى انا لاحضت ان الكتب طبعه ذي السنه بس من جد يحطو منهج ويقولو للمعلمات يلا خلصو

ذا المنهج باي طريقه طيب فيه طالبات شذنبهم ولا تبون نتبع طريقه الحشو السقيم حاله لانعلم على ماذا تنتهي

الى الله المشتكى .

طيب اللي عندهم الكتب شسمه وهل راح القاه وكيف وضعنا صراااااااااااااحه مادري شسوي مرره حايسه

احنا للحين ماجتنا كتب متى يمدي اخلص المنهج والبنات كيف بيستوعبو ؟؟؟؟

صراحه ماقول الا حسبي الله وكفى كنا ماشيين والوضع اوك ليش كذا ؟؟؟

بس رجاء اللي جاهم المنهج يقول لنا اذا موجود له اوراق عمل وتحضير هنا بالمنتدى

**ترااتيل** · 05-10-2012, 01:55 PM

معقوووووله الحين يغيروه
عموما طالما ماوصلك المنهج خليك ع القديم امشي عشان ماتتاخري لانهم متخبطين وبمليون قرار
الله يستر انا في قريه خارج المدينه وماوصلنا شي من هذا الكلام

**charm girl** · 05-10-2012, 03:30 PM

السلام عليكم ورحمه الله وبركاته
انا نفس وضعكم ماشيه بمنهجي تمام وكل شي تمام
الى الاسبوع الماضي بكل بساطه وصلت الكتب واتصلت الموجهه وقالت اشرحي المنهج الجديد وان شاء الله بيكفيك الوقت
سالتها عن الطالبات وتقييمهم بلغوني ان التقييم راح يكون على المنهج القديم وبعد كذا ابدي بالمنهج الجديدد
بكل سهوله ولا كان شي صار
نصيحه توقفو عن شرح المنج القديم الكتب راح تصلكم وملزمين بشرحها لان بتوصل كتب للفصل الثاني مختلفه
الله يرزقنا الصبر

**star light** · 08-10-2012, 06:41 PM

هذا القسم بيفيدك كثير
http://www.saudienglish.net/vb/forumdisplay.php?f=141

منهج traveller هو المنهج الجديد الي تم توزيعه بمنطقة الرياض ... ما ادري إذا باقي مناطق المملكة نفس الشيء او منهج اخر .. اتمنى تفيدونا .

**همس الغروب** · 08-10-2012, 06:53 PM

للاسف منهجنا منهج فلآينج هآي

وهو منهج نظام المقررات ولا اعلم كيف يتم تطبيق منهج للمدارس المطوره فيه مدارس

عاديه وتوها تجي الكتب اليوم وواضح ان المنهج صعب

ولم استفد كثيرا من القسم الموجود هنا لقلة اوراق العمل

فلا اعلم كيفية توزيع الدرجات والمشاركه

متحطمة كليا )=

**حلا المملكه** · 08-10-2012, 08:01 PM

وانا كمان الله يسامحهم اليوم بدات في الوحدة الثالثه
الا اتفاجا بالكتب الجديده اللي وصلت المدرسه
ووزعوها عالبنات ومطالبه ابدا بالشرح غدا
ومنهجنا عن challenges

**حلا المملكه** · 08-10-2012, 08:03 PM

حسبنا الله ونعم الوكيل

**free soul445** · 21-10-2012, 11:55 PM

ياعمري عادي
انا العام درست المنهج القديم لاولى متوسط وباقي على الاختبارات النهائيه شهر واسبوعين

واجبرتني الموجهه اسحب المنهج وابدا بالجديد...............حتى في الاختبار النهائي اجبروني اعمل اختبار متكامل على جدول المواصفات

وربي ششي يرفع الضغط