أي الأطفال كنت؟؟؟؟؟؟؟؟؟ قولوا بصراحه

**ام بسمه** · 26-05-2006, 05:36 PM

السلام عليكم
يختلف الاطفال في سلوكهم وتصرفاتهم ونفسيتهم ..
لذلك .. هناك نماذج مختلفه من الأطفال كنا في يوم من الأيام مثلهم ..
الطفل البريء
في المنزل تجده حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه .. :cool:
الطفل العنيد
يطبق نظام البيت بالعناد .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه ..

الطفل الحنّـان
يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون اهله من الصداع المستمر .. :(
الطفل المادي
هذا الطفل مايرد السلام الا ( بفلوس ) ..
تعامله مع اهل المنزل .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..
الطفل الفتّــان
تجد عند هذا النوع جميع اخبار المنزل ..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً .. :D
الطفل العله
يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها .. :(
الطفل الداج
هذا الطفل مستحيل يجلس في المنزل ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق .. :eek:
الطفل الملسون
يستانسون اهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..
الطفل اللزقه
تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..احياناً يضطرون يطلعون من نافذة المنزل للهروب منه .. ولكن للأسف يجدونه بانتظارهم في السيارة ..ويسألهم ليش تأخرتوا عليّ .. :rolleyes:
الطفل الهادي
هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله .. لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات .. :o
الطفل القوي
اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم ..:cool:

م ل ط و ش

اعترف لكم انا كنت بشخصية الطفل الهادي بس الحمد لله يوم كبرت اخذت حقي وزياده

**الغاليه** · 26-05-2006, 06:54 PM

يمكني كنت العنيد...

لأني عنيده للحين :D

تسلمين ام بسمه...

**زهرة وفى** · 26-05-2006, 06:57 PM

الطفل الهادي
هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله .. لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

من جد هاديه واشين شي اني تعودت ان امي اللي تغدني :(

**ملاك القمر** · 26-05-2006, 07:29 PM

وعليــــــــــــكم الســـــــــــــلام
الطفل الحنّـان
يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون اهله من الصداع المستمر
<<< ومازالت ما عقلت الي الحين لكن تطورت صارت تحن علي المديرة والمعلماات :D
يسلمووووووو

**ام بسمه** · 26-05-2006, 07:41 PM

المشاركة الأصلية كتبت بواسطة [color=#8B0000

واشين شي اني تعودت ان امي اللي تغدني [/color]:(

ترجمي يا زهرة وفى ما فهمناها (قصمان)
لكن شكلنا بنتصاحب انا وياك نفس الطبع
+++++++++++++++++++++++++++++

لكن تطورت صارت تحن علي المديرة والمعلماات

الله يعينهم عليك يا ملاك القمر لكن حلو....... الإعتراف بالحق فضيله

+++++++++++++++++++++++++++++++++

يمكني كنت العنيد...

لأني عنيده للحين
شكل ولدي يالغاليه طالع عليتس

++++++++++++++++++++++++++++++++++++++
ارجو من الباقين الدخول والإعتراف

**زهرة وفى** · 26-05-2006, 09:01 PM

يعني امي عودتني توكلني بنفسها ماتخليني اكل واحوس

لذلك الحين صرت كذا لو يجي غدا عشا والا بلاها

او لما كنت في الدراسه ماتوعدت اني ادور الاكل ان جعت نمت :)

**sokara** · 26-05-2006, 09:33 PM

على فكره شخصيتي الطفوليه كوكتيل

1- والله كنت دلوعه

لنو كنت فرحة العيله وطايرين بالبنوته ......................>وربي صادقه

2- لزقه .......................>يعني يخرج ابويا يخرجون أخواني مدرسه عمل مع اصحابهم انا معاهم معاهم

3- حبتين عناديه مو مره نتيجه للدلع ..........................> لكن وربي عمري مااتضربت ونا صغيره الا مره وحده من أخوي لني جننتو مسكين وعلى فكره عمرو ماكررها وكان عظه وعبره لغيره ياحبي له اموووووت فيه وربي الله لايحرمني منهم يااااااااااااااااااااااار ب جميعا
ويجعلهم بصحه وسلام دوووووم يارب

يسلمو أم بسمه على هيك نقل

**حمامة** · 26-05-2006, 11:29 PM

شوفي والله عن نفسي أنا اصنع على حسب الظروف والناس اللي قدامي ..

مره طيبة وهادية .. وأكثر الأحيان لزقة ..

وأغلـــــــــــــــــــــ ـــــــــــــــــــــــــ ــب إلا طول حياتي عنيــــــــــــــــــــــ ــــدة ولا أحد يوقف قدامي بالحنة ..

شكرأ على النقل يا أم بسمة

**@ومضة@** · 27-05-2006, 01:33 AM

ألف شكر أم بسمة

عن نفسي كنت هادئة جدا >>>>>>>>>>>

لكن لما كبرت طلع الصوت

**Prime Rose** · 27-05-2006, 01:44 AM

بصراحه ماتذكرني يوم كنت انا بزر..

بس اللي متأكده منه..

اني حبوبة وشاطره بعد..

وووبس

**ميس** · 27-05-2006, 02:19 AM

في المنزل تجده حبوووب وطبيعي 100 %
لكن مع دخوله المدرسة .. ( تنمحي ) شخصيته جدااااااااااااااااااااااا ااااا
ومازلت مقهوووووووووورة على شخصيتي وأنا في الابتدائي

ولايمكن أنسى إني كنت هااااااااااااااادية وهذا اللي طمع البنات فيني
لايمكن انسى ان اللي لي لغيري يعني من أحد يمدح شي من أشيائي
أمدها له يعني مافي يوم رجعت البيت إلا أنا موزعة نص الشنطه

حتى البنات الكسولات يعطوني دفاترهم وأكملها لهم

حتى مره وهذا الموقف قااااااااااااااااااااهرني للحين

كان معاي عمل فني والمعلمة هددت اللي ماتجيب وحده من البنات
خذته وقالت قولي انك نسيتي تنفذين العمل وسويت زي ماتبي وعوقبت
وهي خذت الدرجة والمدح :( >>>> شكلها ناوية تجيب العيد :)

أم بسومة الله يعافيك يالغلا
متصفح زااااااااااخر بالذكريات

**فصوولي** · 27-05-2006, 02:22 AM

الطفل البريء << الحمد لله اجد نفسي البراءه يوم كنت صغير والدليل على ذالك أني مسكين ما اخذ حقي بيدي اخذه بالنعله وانتم بكرامه .

الطفل العنيد <<< من ناحيه العناد والله فيني بس عقال الوالد يؤدي الغرض

الطفل الحنان << انواع الحنيه فيني دليل على ذالك اني كنت احيان أغسل الواعين مع أمي في المطبخ

الطفل المادي <<< والله ان الريال ما يجي الا بشق الانفس ولكن الله يخلي ثوب أخوي ابراهيم كل ما علق ثوبه يبي يقيل لطشت منه خمسة ريال وسيده على البقاله عشان ما ننفضح

الطفل الفتان <<< يجي مني والله اذا كرهت واحد سويت عليه فتنه والدليل اني مره كنت بتضارب مع واحد من عيال حارتنا اكبر مني بالجسم عشرين الف مره عير وهرش وكبير في نفس الوقت ويوم ما قدرت اصفقه رحت لحارس المدرسه اللي بحارتنا وقلت له شف ثامر تراه يشخمط على جدار المدرسه بالبخاخ وراح وطقه وصاح ثامر

الدلوع <<< حاولت اصير دلوع اكثر من مره بس ماش ما ظبت معي الدليل اني سرقت عروسه اختي اللي اصغر مني وصرت احطها في سريري وانام وانا محتضنها على بالي دبدوب ويوم شفاتني الوالده مهصت اذني لين عرفت ان الله حق واتهموني بالداشر والعاهر << والله على النيه ما معي فلوس اشتري دبدوب

الطفل العله << كنت والله مب عله وبس ؟؟ رافع ضغط ابوي اذا بغيت شي كل ما شفته طلبت منه واذا عيا يعطيني ادور عليه اي غلطه واهدده بأمي عشان يخضع لطلباتي

الداج<<< كنت والحمدلله تلاشت الظاهره يوم وصلت المتوسط لاني كنت ازهم على بيت واحد من اصدقاي واخذ منه واجب الرياضيات واحله لاني اخاف من مدرس الماده

الملسون <<< الحمد لله جميع منتدى سعودي انقليش يشهد لي ان الصفه هذي مهيب فيني << لا يكثر

اللزقه << ما من تلزق والله الا اذا صارت لي حاجه والا فيه روحه للملاهي مع اهلي اجلس بالبيت لين يقولون يلا مشينا والا هم ما ودهم يروحون بي دارين اني بغثهم هناك

الهادي <<< ما علي فيني هدادوه واللي خلاني اصير هادي الوالده يوم كانت تدربني على المشي تقول هدى هدى

القوي<<< صحيح انا قوي بس على اللي اضعف مني لكن اذا هو اقوى صار صديقي

الله يعطيك العافيه يا ست الحبايب أم بسمه يا حبيبه

**Mr.X** · 27-05-2006, 12:50 PM

أما أنا كنت لزقة بشكل غريب شغلتي اعد النعال الله يكرمكم والللللله لو ينقص واحد تجيني هستيريا وين راح وليه وليه ما كلمني ....والله لاعلم...... ((وبعد ما انضرب لأني علمت ))....... والله لاعلم ابوي

Mr.X

**ام بسمه** · 27-05-2006, 05:02 PM

اشكر الجميع على صراحتهم واعترافاتهم
وخصوصا فصوولي اللي يظهر انه جامع كل الشخصيات فيه (وترى الحنان .على النون الأولى شده .يعني بس يحن ويكرر طلبه الين يجيبون له اياه بس يبون الفكه ).
اما Prime Rose
ف شكل لديك ما تخفين ...........
اما ميس .انا تقريبا كنت زيك فلا تحزنين
حمامه ما شاء الله عليك دبلوماسيه
اما سكره فما اقول الا يا حضك وعلى فكره انا عندي اخوي الكبير محمد يا حبي له قد ضربني اكثر من مره بس يا حلو ضربه .........

Mr. X هوايه غريبه اكيد انك هالحين تحكم على الناس وتعرف شخصياتهم بما يلبسون

وين الباقين ما يتحفوننا بإعترافاتهم خصوصا احد معين حتى الآن ما حضر احب انه او انها ت_ي شرفنا

**English Lover** · 27-05-2006, 07:12 PM

كنت الطفل المنحوس ....

اللى النحاسه واجيب العيد دايما....مع اني كنت ذكي هههههههههههه كثر منها

مثلا اذا تزحلق الراعين مع الدرج انا اول واحد يطيح ويتكسر ومابكي الا اذا نزل دم

اذا لعب العيال كورة اول من يتكسر وتضرب الكورة وجهه

اذا صارت هوشه او ل من ينفلق انا

اذا لعبنا الغميمه دايما يكشفون بسرعه ...مع اني اجي باماكن زينه على ماعتقد

اذا لقانا ابوي نلعب وقت الصلاة وبغى يضربنا مايمسك الا انا .. من التناحه مانحاش معهم

وماتحلى المقالب من الاخرين الا علي

وما يزلق مع الدرجان ويصدم الجدران الا انا من بين اخواني

وما يصك باب السيارة الا على اصبعي وما تطيح الاعراض من فو ق الدواليب الا وانا تحتها

وهلم جرة ههههههههههههههههههههههههه هه

بس هذا اول

انا الان غيييييييييييييييييييييييي يير مثل جدة غير

**Romantic Boy** · 27-05-2006, 09:06 PM

الظاهر طفولتي انا والاخ English Lver متشابهة :D كلنا منحوسين

بس كنت مشكلجي وعنيد في نفس الوقت :D الحمدلله عقلنا من زمان :D

بس النحاسة الظاهر مطاردتني للحين :(