اسوأ منهج على الاطلاق (فضفضة )

[Rose]

اولاً المنهج سيء جداً وطويل وممل

ثانياً كتاب المعلم اسوء من المنهج نفسه

يعني تفتح الكتاب ماتدري وش تشرح ولا من وين تبدا !!

اربع مهارات في كل وحده !! قراءه كتابه استماع محادثه !!

والمعلم ما يدري يترجم ولا يشرح
لان مستحيل تتكلم انجليزي والطلاب عندك مو فاهمين شي

بعض المشرفين يقولك انكلم انجليزي ولا تخاف مع الوقت بيفهمون عليك
طبعاً بعد ماينتهي الترم

تأسيس الطلاب غلط من البدايه
يعني الطالب يجي من الابتدائيه للمتوسط وهو مو عارف الحروف ولا الارقام
ويطلع من متوسط وهو مايعرف المضارع البسيط من المضارع المستمر

والمنهج يساعد على غباء الطالب والمعلم في نفس الوقت لانه يكرر القواعد في كل مرحله دراسيه
لين يمل الطالب من المنهج ومن المعلم

منهج ترفلر مافي اسوء منه بين كل المناهج
وفوق هذا الفصل مليان طلاب حول الاربعين ولو بتستخدم التقنيات الحديثه بيروح الترم وانت محلك سر
في الوحده الاولى

بعد خبرة اكثر من 16 سنه في التدريس اي واحد يقولك غير ذا الكلام ترى ماعنده سالفه

مره جاني مشرف من كم سنه قالي ليش ماتقسم الطلاب وتسوي قروبات
قلت تعرف كم طالب عندي؟ قال لا
قلت 42
قال حتى ولو تقدر تقسمهم
قلت اجل حياك الفصل قسمهم معي خل اتعلم منك واستفيد من خبراتك
دخل معي الفصل وبعد ما ضبط الفصل وقسمهم مضبوط وسوى القروبات حقته
انتهت الحصه

حلوه طريقتك مع المشرف
خليهم بدل الفلسفه يعطونا منهج مستوى 5 وهم مادرسوا المستويات اللي قبل وطالبات للاسف اساسا ماعندهم اساس لغه يبغوني اتكلم انجلش معهم واعطيهم منهج مصمم لمستوى طالبات B2 يعني upper intermediate level
حدث العاقل بما يعقل يعني الكتاب مصمم لطلاب من هذا المستوى كيف اعطي ناس مستواهم اقل من مبتدي

[kreemu]

المنهج غير مناسب لمستوى طلاب وطالبات الثالث ثانوي