المقصف ولا الريادة؟؟؟

**geyana** · 09-09-2006, 10:52 PM

السلام عليكم ورحمة اللة وبركاتة
يا بنات للامانة ايش رايكم بالمقصف!؟ لانة المديرة قالت لي تاخذين المقصف بدل الريادة.
هل مسكة متعب ولا لا وهل الريادة افضل اعطوني رايكم!!

**حمامة** · 09-09-2006, 11:00 PM

فوز ...

كلها تعب لكن المقصف ميزته إنك ما تمسكين ريادة ولا احتياط ولا نشاط ولا مناوبة ...

عن نفسي لأصير بياعة أحسن

**Prime Rose** · 10-09-2006, 12:01 AM

اذا تبين نصيحتي؟

امسكي اي شي لو حتى 24 حصه ولا تمسكين المقصف!!

لأن السالفه مو سالفة بيع وشراء..

ملفاتته غثا! وحساباته تعوّر الراس!

وكل يوم يعطونك فواتير وش كثرها ولازم تفرزينها وتعبنها من جديد في السجلات..وتحسبينها..لو طلع نقص بتعرضين نفسك للمسائله!

ولو زياده..بيغفرونها لك!!!!!!!!!!!!

المعتاد عليه في المقصف ..ان معلمات الرياضيات هم اللي يمسكونه لأنه قريب من منهجهم!

فاذا تبين الراحه ابعدي عنه!

(( من واقع تجربة زميلات لي))

والله يوفقك

**إحساسي شمالية** · 10-09-2006, 03:21 AM

السلام عليكم
اختي فوز بكل أمانة انا جربت المقصف سنتين ورغم ان عدد طالباتنا قليل جدا وبضاعتنا محدودة إلا أنه عمل ممل جدا ومتعب وكله فواتير وحسابات ومسائلات ... وانت مسؤولة مو بس عن فواتير المقصف مسؤولة عن فواتير النشاط والتدبير وخلافه .... وياويلك اذا فيه نقص في الميزانية تضطرين احيانا تدفعين من جيبك الخاص ... بصراحه اي عمل بالمدرسة اهون من المقصف وقرف المقصف ... إلا اذا كان لك هواية تصيرين بياعة وعندك مواهب تجارية فهذا شئ ثاني ... اعرف مدرسات ابدعوا بالمقصف وخلوه كأنه سوبر ماركت بس بصراحه هم قلة ... لأنه فعلا يبغى هواية ومزاج ...

انت قدري ميولك وامكانياتك وتعرفين وش احسن لك المقصف او الريادة...

اتمنى اكون افدتك...

اختك..
احساسي شمالية

**geyana** · 10-09-2006, 08:39 PM

كل الشكر للاخوات حمامة ,برايم روز, واحساسي شمالية على الردود
انا شكلي رح ارفض لانة مو داخل مزاجي من الاول بس ان شاءاللة المديرة تتجاوب معي
دمتن بود اخواتي العزيزات

**Rose** · 13-09-2006, 01:25 PM

المشاركة الأصلية كتبت بواسطة Prime Rose

اذا تبين نصيحتي؟

امسكي اي شي لو حتى 24 حصه ولا تمسكين المقصف!!

لأن السالفه مو سالفة بيع وشراء..

ملفاتته غثا! وحساباته تعوّر الراس!

وكل يوم يعطونك فواتير وش كثرها ولازم تفرزينها وتعبنها من جديد في السجلات..وتحسبينها..لو طلع نقص بتعرضين نفسك للمسائله!

ولو زياده..بيغفرونها لك!!!!!!!!!!!!

المعتاد عليه في المقصف ..ان معلمات الرياضيات هم اللي يمسكونه لأنه قريب من منهجهم!

فاذا تبين الراحه ابعدي عنه!

(( من واقع تجربة زميلات لي))

والله يوفقك

كلام سليم 100%

وكل يوم ماتجلسين مع زميلاتك في الحصص الفراغ تجلسين فقط تعدين الفلوس

**ORCHIDA** · 13-09-2006, 03:02 PM

الرياده اريح لأنها مره في السبوع.. لكن المقصف يوميا ..

**bata** · 13-09-2006, 11:52 PM

لا
لا
لا للمقصف

مع ان في بعض المناطق التعليميه رجعوا البنات اللي يشتغلون في المقصف ويصرف لهم الراتب من ايراد المقصف........زز

اريح للمدرسات مساكين هم ناقصين زيادة اعمال
وعلشان البنات المساكين ماينقطع ارزاقهم....

**miss. English** · 16-09-2006, 02:39 AM

مره مسكت المقصف يوم اختننننقت
قلت طلعوني ولا وربي اجني على بناتكم

**geyana** · 17-09-2006, 01:52 PM

روز ,كل الحب ,باتا ,مس انجلش
كل الشكر لكم والحمد للة قلت للمدير ووافقت اني اخذ ريادة بدل المقصف
ومرة اخرى كل الشكر للي نصحوني ونورني قبل ماتطيح الفاس بالراس.
دمتم بود