افكاري للدرس النموذجي lesson 20 ما رائيكم

[بانا]

عندي درس نموذجي في الدرس العشرين

درس supermarket - school - hospital - airport


ولي اسبوع افكر بالوسائل وما طلع معاي الا هذي الافكار

الوسائل التعليمية :

1- مجسم للمباني واضع عليها بطاقات مثلاً : المطار - المسجد -المدرسة

واجيب دميتين : ذكر وانثى

مع الذكر اسئل Where is he ?

مع البنت اسئل : Where is she ?


2-وراح اسوي لهم وسيلة : اوجد الكلمة الضائعة

3- وهذا بجانب الصور والفلاش كاردز .


ايش رائيكم .......... اسعفونا يا اهل الخبرة توني جديدة على التدريس هذي اول سنة لي .

وياليت اللي عندة تحضير درس نموذجي يحطه هنا عشان اتبع الخطوات .

وجزا الله الجميع كل الخير

[عبوره]

خيتي انا نفسك عندي هالدرس وماني عارفه شسوي له وبالنسبه للدميتين أحس مالها داعي بالدرس يبي لنا وسيله تعتمد او تركز على الاماكن اكثر شي ومادري والله يمكن فكرتك تكون اضبط والله محتاره ّ!!

اناشالله نلاقي احد يفيدنا.

تحيااتي لك

[ام باسل]

السلام عليكم اختي العزيزه الدرس النموذجي يكون افضل لما تكون التكلفة ميسرة ايش داعي المجسمات لو تسوينه عروض فلاشية افضل

[عبوره]

عروض فلاشيه ؟؟

طيب كيف اعرضها بالفصل ؟؟؟؟

[روعة العمر]

تقدري تعرضيها بالبروجكتور

وبالتوفيق

وبصراحه الا فكار حلوة

دعواتي معك

[*روح الدعوه*]

فكره رائعه اذا هي جاهزه الله يقويك عليها

[ام بسمه]

سلام
فيه في مكتبة دار القافيه سي دي فيه جميع دروس سادس بور بوينت
المكتبه في الريان بالرياض

[بانا]

افكاركم يالغالين

درسي بعد بكرة


الله يعين اللي يساعدني

[ام لمار_1_]

السلام عليكم
اقترح انك تخلين الدرس لعب ادوار من الطالبات
يعني وحدة تمثل مريضه وتسالين بWHERE لانهم اخذوها يعني الشخص المريض وين يروح وحاولي تقللين الكلام تكثرين الحركات لان لغتهم جدا بسيطه وكذا اSUPERMARKET تسالين اذا ابي عصير فواكه خضار فين اروح
تسجلين صوت اذان وتسألين فين ذا الاذان يعني خليه تمثيل ومن الطالبات اعطيهم افكارك من قبل ولا تكثرين عليهم الكلام باذن الله تستفيدين

[ندى]

فكرتي في الدرس وأتمنى إنها ما تكون متأخرة


استخدمت هذي البوستر

عبارة عن صورة مبسطة للمدينة طبعا هم يكونو أخذو city

سيارة فيها family يخرجون من ال house ويبدأون يتعرفون على الأماكن الموجوده في المدينة

كل ما مريت تتركين فرد من أفراد العائلة فيه

بعد ما تنتهي من شرح الأماكن تشرحي Where


بحيث الأب يبدأ يبحث عن أفراد عائلته و تطلبين منهم يساعدونه

..

[k61k]

شكراااااااااااااااااااااا اااا

[ا س ي ل]

ياأخواتي ذوات الخبرة اللة يعطيكم العافية ابي منكم مساعدة في تحظير درس نموذجي اللي هو درس 22 او 23 او24اللة يخليكم مع العلم انة اول درس نموذجي في حياتي وصادف اول سنة تدريس.

[بانا]

مرحبا جميعا


ابشركم

الحمد لله الدرس عدا وطلع تمام


وكان عبارة عن قصة بطلها أحمد


وسويت مقدمة كلام على كل صورة ولمت اسئل اعرض الصورة عليهم واقول الكلمة

واكثر ما عجب الحاضرين اوراق العمل

والحمد لله احس انه هم وانزاح وعقبال الباقين يارب لاني حاسة فيهم

[•°o.O (أم ليــــــــن) O.o°•]

يرفع للفائدة..

[جاكوار2]

السلام عليكم ارجو الافادة كيف نتكلم مع البنات باالانجلش او العربي مثل المقدمة

[bigevil]

والله يا جماعه الخير انا اختلف معاكم شويه .....
انا سويت حصه نموذجيه العام حضرها اكثر من 15 شخص ما بين مدرسين ومشرفين واداره مدرسه . غير الطلاب 30 طالب .. انا استخدم السي الدي المستخدم للصف السادس . اللى هو عباره عن عرض بوربوينت .. بس الدروس ما تستاهل وقت كثيره فى الشرح والايضاح .. المهم الطالب يعرف ينطق ويفهم المعنى ويستخدم .. فى هذا الدرس بالضبط انا استخدمت صور وعلقتها على السبوره وبعد ما عرفتها كامله ونطقها جميع الطلاب . صرت اطلع اكبر عدد منهم على السبوره حتى يسأل الطلاب بأستخدام where والطلاب يجاوبون وانا ادور بين الطلاب واشوف الطلاب اللى مو متحركين ولا يشاركون . واركز عليهم حتى انه فى نهايه الحصه تقريبا كل كل الطلاب يجاوبون ويشاركون .. مو المهم طريقه الشرح بشكل مبالغ فيه .. المهم ان يفهم اكبر شريحه من الطلاب المفردات واستخداماتها ونطقها ... ويمكنك استخدام طريقه بسيطه وهى الصور بدل المجسمات ..

صدقوني خلوا اكبر عدد من الطلاب .. او الطالبات يتكلمون بالحصه ويجاوبون ويشاركون .. وراح تلقون انكم طلعتوا من الحصه وانتم راضين كل الرضى عن الاداء ..
وجهة نظر خاصه ..

[honey girl]

[2uonly]

[*blue-sky*]

للـــرفــــــــــــــــــ ـع

[ذكرى الفيضه]

انا عندي فكره ممكن تقسمين الفصل كمدينه وتدورين فيها انتي والبنات كرحله وتتعرفون على مرافق المدينه هذا الي عندي

[أ. دلال الجعيد]

انا عندي فكره ممكن تقسمين الفصل كمدينه وتدورين فيها انتي والبنات كرحله وتتعرفون على مرافق المدينه هذا الي عندي

كثير حلوة فكرتك

وانا كمان عندي يوم الاثنين << ادعو لي



قررت اعمل بالفلين الاسود المضغوط شارع و الصق عليه ورق ابيض خطوط

و مجموعات الطالبات الاربعه راح يمثلوا الأماكن ( المسجد و المستشفى و السوبرماركت و المطار )

وانا راح امثل المدرسه




ان شاء الله اصور لكم التفاصيل كلها قريبآ

[نسمة حب]

بس ياليت احد عندة انشودة عن الدرس يكون افضل

[fraeh]

[مـلاك]

صدقوني خلوا اكبر عدد من الطلاب .. او الطالبات يتكلمون بالحصه ويجاوبون ويشاركون .. وراح تلقون انكم طلعتوا من الحصه وانتم راضين كل الرضى عن الاداء ..
وجهة نظر خاصه ..

فعلا انا جربت هالشيء بدرس my family
وتفاعلوا مره مره >>فرحت من فرحتهم

انا لسى ماوصلته ولاني قريبه بعد تهو تها

بس استفيد من خبراتكم

[أ. دلال الجعيد]

للأسف غيرت الدرس ،، يعني لآ تستنوا اللي وعدتكم فيه <<

بس بوعدكم بتفاصيل درسي الثابت < ما بغت

اللي بيكون 21 shapes ان شاء الله يوم الاثنين هذا


فادعوا لي pleeeeease