في مرحلة التطبيق .. محتاج نصائح !

**Vicente** · 15-02-2007, 06:21 PM

السلام عليكم ورحمة الله وبركاته ::

يا اخوان انا تخرجت والحمدلله مدرس لغة افغانيه , قصدي انجليزيه

وبعد يومين راح ابدأ التطبيق في المدارس وبيني وبينكم احس اني ما اديرها

يعني انا اطبق في المتوسط , ومحتاج نصائح تقدمونها ومنكم نستفيد

مثلاً

كيف ابدأ المحاضرة الاولى ؟

أفضل طريقة تحضير دروس لأول مره

اشياء عامه بالتدريس بالانتظار

**Mr.X** · 15-02-2007, 09:41 PM

ههههههه

الله يسعدك ويوفقك ان شاء الله

اولا انصحك بالأذكار من الصباح

ثانيا حاول تاخذ منهج اولى بس حلو وبسيط

ثالثا التحضير ممكن تتطلع على بعض التحاضير للفائدة وتحضر انت أحسن

رابعا لا يدبسونك بقية المدرسين بالحصص حاول تطلع بنسبة بسيطة من الحصص

خامسا انتبه لاتعطي المدرسين وجه ترى كل شوي وواحد طالبك تاخذ عنه حصه

سادسا ابدأ الحصة كأنك تدرسهم من سنين ...خل الوضع عادي

سابعا اول شي خلهم يراجعون الدرس الماضي (( اذا كان اول الترم سمع لهم الحروف او اي شي ))

ثم اكتب على السبورة الدرس واشرح واسأل ,,,,,,,الخ

عاشرا لا تعطيهم وجه اول شي حتى لو شفتهم ضعيفيين ويا حليلهم

والله يسعدك ان شاء الله والشغلة بسيطة جدا

واي شي حنا حاضرين

Mr.X

**حمامة** · 15-02-2007, 10:48 PM

مثل ما قال Mr.X

وإبدأ عادي ..

ولا تشتكي لأحد من صعوبة الوضع فهي تعتبر نقطة ضعف لك ..

**sha3oola** · 20-02-2007, 03:29 AM

اول شى احمد الله انهم متوسط
ثانيا اذا دخلت ابدأ بالسلام وبعدين
good morning؟
how are you students?
what is our date today?
هذي طبعا مهمه وتسمى
warming questions
عدين اسأل عن الينت و اللسون
وبدأبثقه ولا تكون شديد مررره هذا احنا البنات بس ما ادري عنكم
وحاول تقسمهم مجموعات وكل مجموعه تختار لنفسها اسم وهذا يساعدك في أوراق العمل
أخيرا ترى انا جديده بالتدربس وانشاءالله اكون أفدتك بشى لأني مثلك متوسط
sorry لطول السالفه

good luke brother

**Vicente** · 22-02-2007, 02:45 AM

يا اخوان الله يعطيكمـ العافيه

فعلاً افدتوني الله يوفقكم نصائح تنفعني وباحاول اتذكرها اكيد

سؤال اخير يا اخوان كيف بيكون ترتيب التحضير مثلأً

worm up

الاهداف

التقويم

الواجب المنزلي وهكذا

نقاط مهمه احس اني مضيع فيها

واعذرونا على السطحيه منكم نستفيد

**نونة القلب** · 22-02-2007, 03:16 AM

اية والله وانا بعد جديدة وماني عارفة وشلون ادرس
مثل ثالث ابتدائي احس صعب اني بتكلم معهم بالانجليزي وشلون ذولي بيفهمون ؟؟؟؟؟
بالله عطونا هيد لاينز باهم الاشياء الي نتبعها في طرق التدريس

**المحيط الهادي** · 22-02-2007, 03:55 AM

الله يوفقك أخوي

وأنتي أختي كمان

أخوي التحضير مثل ماقالوا شوف التحاضير الموجوده هناك عرضيه وطوليه جاهزه أطلع عليها

أختي مافيه شي صعب ومن جهة نظري إذا ثالث والله ما أفيدك

لكن رأيئ مافيه مشكله في أستخدام العربيه البسيطه في المعاني

وكلمات التشجيعيه في اللغة الإنجليزيه

وفقكم الله لما يحبة ويرضاه

**حمامة** · 22-02-2007, 11:38 AM

للإستفادة ..

هذه ورقة نموذج تحضير ...

**Vicente** · 23-02-2007, 08:38 PM

الله يعيطكمت العافيه

مشكورة اختي حمامه جعلها الله في ميزان حسناتك

**Prime Rose** · 23-02-2007, 08:46 PM

انا بس بأقول:

الثقة هي اساس كل شيء..

ولو ارتبك الانسان بيلخبط كثير..واحتمال ينسى..

فالأفضل وبما انك في مرحلة البداية ... وقبل الدرس تشرحه أكثر من مرة على احد قريب.. (( او حتى بدون وجود أحد )) لأن هذا بيرتب الفكرة ببالك بشكل واضح..

والأفضل يكون وقت التدريب على الشرح مقارب لوقت الحصة العادية.. حتى يزن الشخص نفسه والكلام اللي بيقوله ويعطي كل شي حقه..

وبالأول والأخير.. الممارسة هي خير معين.,.

حاول تاخذ حصص كثيرة.. وبدون ماحد يدخل لك فيها..

وهذا بيساعدك..وبيزيل الرهبه والخوف والقلق..

وبالتوفيق

**dremy-girls** · 26-02-2007, 01:12 AM

[مشكورين عالمعلومات ونا بعد الاسبوع الجاي عندي training
نبغى النقاط المهمه

**sha3oola** · 26-02-2007, 04:11 AM

مثل ماتفضلو الأخوان التحاضير ملياااانه خصوصا بموقعنا بتلاقي نماذج كثيره بس انتبه لأن عادة لمل يدخل لك المشرف بيشوف دفتر التحضير ويقارن الخطوات بالحصة عشان كذا حاول يكونون مثل بعض ورتب نفسك ولا تنسى الهدف الديني في الحصه واستخدم العبارات التشجيعيه مثل:
club ur hands grea t v-good
لاتركز على احد معين وحاول تسحب منهم الاجابه come on < yes> right> what else
والله اشياء كثيره بتصير لا إراديه وبتحس نفسك تتطور كل حصه
ولو احد الاعضاء عنده اضافه يااااالييت يفيدنا
:36_4_12:

**البـارع** · 26-02-2007, 03:35 PM

الله يوفقكم جميعاً, المهم والأهم لطالب او طالبة التربية العملية اولاً هو ضبط الصف يعني باختصار لا تعطون الطلاب وجه, الا بعد مرور شهر حتى يتعودون على الجدية منكم وتكونوا مرتاحين لاعطاء ما لديكم.
اما من ناحية التحضير فالاهم هو التحضير الذهني يعني قبل بداية الدرس يكون فيه تخطيط سليم للمهارات وعرضها والتنبه كثيرا لعامل الوقت.
وبالنسبة للتحضير العادي على النوته بالامكان الاستفاة من الخبرات الموجودة في المنتدى وانا جاهز لمساعدة اي شخص منكم ويوجد عندي التحضير كامل بالطريقة العرضية وهو المفضل تربويا وبنموذج اكثر من رائع من نصميم استاذ مشارك في طرق التدريس,والكثير من الوسائل التعليمية وعروض البور بوينت. للتواصل abumaimoon@hotmail.com
والله يوفقكم دنيا واخرة

**جوري99** · 02-03-2007, 05:04 PM

شكرا جزيلا وانا بعد استفدت من الموضوع بس انا خايفه من التايمينج اخاف انه يكون فيه بروبلم

**ليلي الم** · 02-03-2007, 05:19 PM

اهم شي هو الثقه في القدرة على العطاء

ثانيا ترتيب الافكار حاول ترتب افكارك حتى لو تكتب الافكار متسلسله بكارد وتمشي على حسب تسلسلها

الترتيب يفيدك في حكايه الوقت

ثالثا التنوع في الوسائل يقرب المعلومه للطالب بجهد اقل يعني كل ما شارك الطالب بالدرس واستنتج معاك المعلومه المراد شرحها كل ما كان استيعابه افضل
بالمتوسط استخدم حركه الطلاب في الفصل مثلا اذا كان فيه حوار اكتب لوحتين ورق مقوى وحط فيها خيط بحيث يعلقها الطالب اثناء قراءته للحوار
وفي الكلمات الجديده استخدم الصور
والالعاب الجماعيه مطلوبه اكتب جمل بسيطه على ورق ملون واختار طالبين يرتبونها واللي يرتب اسرع له هديه
وممكن استخدام تمثيل الشخصيات بابسط الامكانيات

بشكل العام المرحله المتوسطه تحتاج للكثير من الحركه في الفصل وتحتاج الى صبر ولين من قبل المعلم
الطالب لما يستمتع بحصه المعلم راح يحرص دائما على التميز فيها

**sailor3232** · 02-03-2007, 06:42 PM

انا كمان ياجماعة معلمة جديدة
وابغى افكار عشان الطالبات مايملوا

**the master** · 02-03-2007, 06:59 PM

لاتعطون الطلاب وجه......لاداخل الفصل ولاخارجه .............وهذي النصيحه طول ما انت مدرس.........حتى بعد التقاعد
هذي نصيحتي لكل متدرب

**بنت الجيران** · 20-08-2007, 03:20 PM

انا عضوة جديدة ومعلمة جديدة بعد,,,

الحمدلله تم قبولي معلمة للمرحلة الابتدائية,,,وكانت لي تجربة بسيطة من قبل
المشكلة اني محتارة في التعامل مع الصغار
وخاصة مثل ماقالت وحده من الاخوات كيف اتكلم معهم انجليش طول الوقت احسهم مايستوعبون يقطعون القلب!!
هل اتساهل معهم بحكم انهم صغار؟
والا انجليش طول الوقت مع الايام يتعلمون؟؟
انا مقتنعة باهمية الاناشيد ,,أعطيهم كل اسبوعين انشودة جديدة؟
هل اعتمد على عروض البوربوينت والا افضل الطرق التقليدية من فلاش كاردز ولوح وايتمز؟؟
افيدونا الله يجزاكم خير