جددي من افكارك في الشرح

[ليلي الم]

من واقع خبرتي <<<عشر سنوات بتدريس الثانوي
لاحظت ان الاجيال الجديده مو مثل اجيالنا في التعلم تلقي وحفظ وبس
اسلوب الالقاء والرتابه المكرره في كل درس تكره الطالبات في الماده<<< مع انهم خلقه ما يحبونها

عشان كذا جربت بعض الافكار معاهم وكتاب المعلم حطيته بالدرج وقفلت عليه.

الفكره الاولى طريقه المجموعات رائعه وفعاله مع جميع المراحل
اولا قسمي الفصل لمجموعات على حسب عددهم
ثانيا خلي كل مجموعه تختار لها لون معين <<سوي لهم بطاقات بلونهم بسيطه من كراسه ملونه او شرائط المهم يكون لهم لون يميزهم بالحصه.
ثالثا خلي كل مجموعه تختار لها اسم <<<بتتعجبين من الاسماء اللي يختارونها بس خليهم على كيفهم.
رابعا قائده المجموعه تقوم بقياده زميلاتها في الالعاب التعليميه وتقوم بتصحيح مذكرات زميلاتها وتكتب لهم عبارات تشجيعيه <<في كل اسبوع تتغير القائده حسب رغبه المجموعه بس لازم انتي تشيكين على تصحيحها.
خامسا اختاري درسين بالاسبوع تكون بطريقه المجموعات وحطي جدول للنقاط وبنهايه الشهر المجموعه اللي تحصل اكبر عدد تكرمينهم او تكافئينهم بطريقتك .
هذا بيخلي فيه جو من المنافسه والمرح بالفصل.

الفكره الثانيه فكره الانتخابات
كل فصل ترشحين فيه مجموعه من الطالبات المتفوقات او ممكن اللي تبي ترشح نفسها وزميلاتهم يختارون وحده منهم تشرح لهم درس او حتى فقره من اي درس يعني ممكن تتدرجين من السهل للصعب وعلى حسب مستوى بناتك.طبعا لازم تشجعينهم على استخدام وسائل تعليميه جديده يرغبون فيها وممكن يستعينون بزميلاتهم في مشاهد تمثيليه او غيره .
ممكن يكون هالشي اسبوعيا او حتى في حصص المراجعه الممله وبعدين بنهايه الترم يوضع صندوق لترشيح معلمه متميزه من هالطالبات يرشحونها زميلاتها للقب.ويتم تكريمها.

الفكره الثالثه لغز الاسبوع
اختاري لغز يكون سهل اسبوعيا واللي تحله تضاف لمجموعتها نقطه.

الفكره الرابعه تغيير جو الفصل
ممكن تعطين الدرس باي مكان غير الفصل مثلا درس الشاي اعطيهم اياه بالتدبير وخلي طالباتك يسوون الشاي ويشربونه صدقيني راح يستمتعون.
درس رمضان اعطيهم اياه بمصلى المدرسه.
درس الادب اعطيهم اياه في مكتبه المدرسه واستعيني بكتب المكتبه في شرحك.
اعرضي لهم اشرطه فيديو في حصص الاحتياط القاتله مثلا ممكن تلاقين اشرطه فيديو عن الماء بالعلوم او عن التوسعه او عن القطب وبيئته الثلجيه

الفكره الخامسه
خلي طالباتك يساعدونك في عمل الوسائل للدرووس طبعا ما اقصد الخطاطين انا اقول بناتك بايديهم وانتي معاهم مثلا يكتبون كلمات الدروس على ورق مقوى ملون وباشكال جذابه
يسوون لك دروس باور بوينت مهما كانت بسيطه واللي ما تعرف تخلي زميلاتها يعلمونها بحصه الحاسب.
درس الشاي وحده تجيب لك انواع من الشاي ووحده تجيب غلايه من بيتهم ووحده تجيب السكر ووحده تجيب الاكواب ووحده توزع اكواب الشاي عليهم وهكذا . كل ما كان فيه تعاون وحسو انهم يساهمون في دروسهم كل ما صارت الماده محببه لهم وكل ما تقبلو منك اي معلومه

الفكره السادسه
اللي هي البنتومايم
ممكن تعطين بنت عنوان الوحده وهي ترسم على السبورة او تستخدم التمثيل بدون كلام <<اختاري الوحدات السهله
وزميلاتها يخمنون عنوان الوحده
عندك وحده الشاي, وحده النفط, وحده الغذاء,الدعم العربي , الماء, حمايه البيئه, الخط , المستكشفون السعوديون في القاره القطبيه ....الخ

الفكره الاخيره اختبار الذاكره
اكتبي الكلمات الجديده على بوستر واختبري ذاكره بناتك بعد خمس دقايق شيلي البوستر وشوفي من تقدر تتذكر اكبر عدد من الكلمات

همسه:
لا تستخدمين التهديد بالدرجات <<<لاحظي بنات هالجيل ما يحبون الشي يجي بالغصب
لا تستهيني بعقول طالباتك <<< هم اكبر ناقدات للمعلمه وطريقه شرحها وممكن يشرحون احسن منك فاستخدمي الشي اللي يحسون انه يسهل عليهم المعلومه.


اتمنى اكون افدتكم

[* روح الدعوه *]

صراحه


































































































إبداع وفعلا نحتاج لأساليب جديده في الشرح لكسر الروتين الممل

حتى المعلمه نفسها ما راح تمل بالعكس راح تشتاق لحصتها دائما


























الله يعطيك العافيه

















أرشح مثل هذا الموضوع للتميز

[hadi10]

ممتاز جداً عليك بهالافكار الرائعة ,,,, اكثر من جميله والله

انا معلم ماني معلمه بس حبيت ادخل واشوف الموضوع كان شيق ,,,
والله اني ابحث على الجديد دائماً واقصد الافكار اللي فيها نشاط لاني والله ما احاول اشرح ولا درس بالطريقة الممله ,, استخدمت الملعب والمكتبه والمقصف واستخدم دائماً وفي كل كلاس المشاهد التمثيليه وفي اول سنه حصلت على جائزة معلم متميز في المنطقة وهذا كله مو عشان اقول اني متميز لا بالعكس هذا تأكيد وتأييد للأفكار الجميلة المطروحه فوق ,,,, وراح انفذها مع طلابي وما يتناسب مع مستوياتهم ,,,
الله يجزاك خير ويجعلها في موازين حسناتك

[شيهانه البر]

انا جربت طريقة القبعات الست وكانت رائعة
وكذلك أحول بعض الأمور الى مشاهد تمثيلية أو غنائية بدون موسيقى

[معلمة لغة]

افكار حلوة ... لكن مع الاعداد الكبيرة ما اعتقد تنجح
الفصل حيصير فوضى مرررررررررررررة
50 طالبة و أربع فصول
انا يا دوب اخلص الدرس

[Prime Rose]

والله ياليلي الم ان افكارك رائعه جدا...





وباذن الله بأطبق منها الشيء الكثير..
















دمتي خبيرة



مبدعه.....

















:)




كل التحايا

[oO Laila Oo]

مراحب ليلي الم ... منورة منتدى ثالث ياقمورة

وافكارك رائعة وفعلا تنم عن خبرة وثقة في جودة واتقان الاداء

ربي يسعدك على اتاحة الفرصة لنا للاطلاع عليهم

الله يجعل لياليكِ كلها افراح وخالية من كل الم .. ودمتي بود ..

[Q.cat]

افكار ماشاء الله عليها رائعه
انا استخدم طريقه المجموعات وكل مجموعه لها شجره
ولكل اجابه مميزه اغرس لها زهره
وبنهايه الوحده اكافئ المجموعه ذات الزهور الاكثر


وما شاء الله عليهم تشوفون الطالبات متوزعين قبل لا ادخل من شده الحماس




موفقه عزيزتي ليلي الم

[ليلي الم]

واااااااااااااااااااااااا ااااااااااااااو احرجتوني بردودكم

شاكره لكم جميعا مروركم الكريم

اختي "معلمة لغه" زحمه الفصول مو عذر حاولي وراح ينضبطون لو حسوا انهم جزء من الشرح انا عندي فصول العلمي اربعين بكل فصل ومع ذلك هم اللي يطلبون مني انهم يساهمون في الدروس واكتشفت ان عندي مواهب لكن للاسف ما استغليناها

[باروود]

ماشاء الله افكار جميلة جدا

[معلم الساحة]

فكره رائعة الله يعطيك العافية

[gama]

الله يعطيك الف عافية . وتاكدو ان الفصل النايم من معلمته و كذلك النشيط

[Samaya]

الله يعطيكـ العافيه

وربي يسعدكـ ويخليكـ

[happydream]

[GLOW="FFCC00"]تسلمي على هالأفكار الرائعة

ربي يوفقك ويسعد أيامك ويجزيك خير على هالإبداع[/GLOW]

[blue eyes]

من جد أفكار رااااااااااااائعة وربي



أنا معلمة توي جدييييييييييييييدة


وعلى طوووووووووووول راح أدرس ثالث!!!!!!!!!!!!!!!


أحس بثقل المسؤلية


بس بإذن الله راح أنجح


درست ترم من قبل برايفت انجلش في مدرسة أهلية

وبعدها على طول ثالث ثانوي أحسها نقلة كبيييييرة


الله يعينا على تأدية الأمانة
ويوفقنا لكل خير


ويجزيك عاااااااااااااااااالي الجنان لأفكارك المبدعة

[LaMsA]

من جد أفكار رائعة واما عني أنا أحب أحول درسي لتمثيلة هذا أكثر شئ يبسط طالباتي.

[Noufah]

ليلي الم الله بس يهديك وأنتي توصفين الأفكار عيشتيني جو آخر ومدارس غير مدارسنا وفصول وطالبات ؟؟؟؟؟؟؟؟ بصراحة بالنسبة لي خيال في خيال لأنك تتكلمين علمياً عن مجموعة لا تتجاوز العشرين طالبة وتناسيتي أن بعض المدارس يتجاوز العدد الأربعين ولعلمك انا عندي طالبات من غير كراسي لعدم توفرها وللحين بنخلص السنة وكل ثلاث على كرسين والجو الي قلتي عليه مابيكفي الوقت لتطبيقه اذا فرضنا درس مقدمة لوحدة وكلمات للدرس قد تتجاوز العشر كلمات مع أسئلة وإجابات وتصحيح إجابات وشغلة طويلة عريضة وكله كوم ونفسية البنات قبل درسك كوم ثاني يامن مادة يا من البيت وهكذا وغير وغير """"" ترانا يالله نشرح الدرس ويدوب يستوعبون

[*امور*]

ماشاالله بصراحه افكار روووووووووووووووووووووووو ووووووووووووووووووووووووو وووووووووووووووووعه وفعلا هذا اللي يعجب الطالبات

[SPARKLE]

مشكوووووووره افكار رائعه
بس يبغالها وقت ووحده عندها خبره بالتدريس علشان تضبط التايم

[dodo]

افكار جميلة الله يجزاك خير
انا اليوم درسي عند ثاني عن صنع القهوة السعودية وصيت البنات يجبوا الاغراض وطبقنا الدرس عملي ومع نهايه الدرس كانت القهوة جاهزة قلت للبنات اللي تخلص كتابه الدرس هي اللي تتقهوى اول

فكانت الحصة من جد ممتعه

[همس الازاهير]

أفكار رائعة !!! يعطيك العافية

[قلوب الشهد]

روووووووووووووووووووووووو وعة افكارك ممكن اطبقها مع الادبي لكن العلمي لا اضن




ليييييييييييييييييييييييي ييييييييييييييييييييييييي ييييش؟؟؟؟؟؟















لاني دائما حصتي بعد حصة الرياضيات
















و الصبوره على اخرها ( مليانة )










وما فيه امل القاهم مستعديييييييييييييييييييي ن ؟؟؟بارك الله فيك وجزاك الله كل خير

[ارين]

روووووووووووووووووووووووو وووووووعه سلمت يمينك
والينا بالمزيييييييييييييييييييي ييييييييييييييييييييد

[NINA-NINA]

صراحة لجميع المعلمات ................ اذا كنت في قرية ......... فاستغلي الفرصة
أعداد قليلة وفصل كبـــــــــــــــــــــــــــــــبــــــــــــــــ ــــــــير
فهذا يساعد على صنع هكذا جو
والشكر الجزيل لكاتبة الموضوع ............ أسلوبك يدل على احترافيتك ونباهتك ........... بارك الله فيك ونفع بك الاسلام والمسلمين

[tootiii]

طيب اللي عدد طالباتها 4وش تسوي؟