افكار لدرس ordinal numbers

[ريم22]

السلام عليكم ورحمة الله وبركاته........ اخباركم ياحلى منتدى لو سمحتو ابغاكم تساعدوني لاني بحاجه لكم بالمره.............
انا الاسبوع القادم تبي تجيني الموجهه وتحضر لي وهي اول مره تشرفني وانا متعينه هاذي السنه ويقولون لي هذي الموجهه قشره ودقيقه جدا وما يعجبها العجب الله يخليكم ابغاكم تساعدوني بافكاركم الاكثر من رائعه انا ادرس ابتدائي ومتوسط وحطيت في بالي ادخلها عند سادس في درس ال
ordinal numbers
هاه ايش رايكم الله يخليكم لاتبخلون علي بافكاركم ................ وشكرا جزيلا

[قناص السعادة]

أهتمي في الأمور التالية :

1- الإعداد الكتابي بما فيها توزيع المنهج.

2-الإعداد الذهني .

3- الوسائل التعليمية ( من السهل ان تنقد المشرفة اي معلمة لعدم استخدامها الوسيلة)

4- السبورة استخدميها وانتبهي من اي خطأ فيها في التاريخ او ....

5- المقدمة اجعليها رائعة واجلبي انتباه جميع من في الفصل.

6- اعتبريها غير موجوده امامك ولا تلتفتين الى تصرفاتها في الفصل (دام هي قشره)

7-هذا أهم شي عند الاجتماع كوني مصغية لكلامها وكرري (نحن نستفيد من خبراتكم) كرريها فهي مفيده .

في نظري هذه أساسيات، والله يوفقك.

[مــلك الحرف]

بالنسبه للدرس الثاني
اذا لم تستخدمي الحاسب الالي .. يعني اذا ما فيه معمل لغة انجليزيه.. بتشرحين الدرس في الفصل .. واول ما تبدين اسالي الطالبات مين جابت الاول على الفصل (( في النصف الاول )) ومين جابت الثاني والثالث وهكذا
واشرحي الدرس بهذه الطريقه .. على سبيل المثال..

Hind is first.
Sara is Second.
وهكذا .. ثم اكتبي جمل على السبوره والطالبات يكملنها ... على سبيل المثال ........ Hind is

ثم اسالي الطالبات عن اول بنت جالسه في الصف ... واللتي تليها.. بان الاولى first ,والثانية second ,i وهكذا

اكتبي الاعداد على السبوره من واحد الى عشرة... واكتبي the ordinal number امام كل رقم وخلي بعض البنات يقرونها... او يتهجوا الاسبيلنق تبع كل كلمه...

وفي النهايه لخبطي الكلمات والحروف على السبوره وخليهم يوصلوا بينها .. ثم انتقلي الى كتاب التمارين وخليهم يشتغلوا.. وبهذا اكيد وفيتي وما قصرتي .. يعني بتعطيك 99%.

[زهرة وفى]

الله يوفقك ويسعدك كلام اخواتنا واخوانا وفوا وكفوا

انا سويت حركه وكان البنات ماشاء الله احسهم فاهمين حلو بالمره

سالتهم عن الحصه بالانجلش What is period


قالوا فور قلت راح نقول فورث

واكتبها على السبوره 4th

وابدا اشرح :)

لهم

في نيو ورد

كتبت

first

who can read

who can spell

who can tell me where is the first letter

راح تقول حرف f

والله يوفقك ويسهل امرنا ومرك يارب

[smasm]

الله يعطيك العافيه جميعا كفيتوا وفيتوا ...

[ريم22]

الله يوفقكم يارب جميعاً وماقصرتوا ابداً ومشكورين على الافكار الرائعة

[•°o.O (أم ليــــــــن) O.o°•]

وهنا أيضاً..

حبيت اعرض فكرة ممتعه للاطفال
فكرة الدرس في الكتاب
سباق سيارات ومنه نتعلم كلمه الاول والثاني والثالث.......

اذا حطيتوا من الادوات سيارات صغيرة ملونه مو صور.. اقصد العاب من ابو ريالين
راح يتشوقون الطلاب اكثر

يعني نجيب لوحه فلين ونرسم عليها خط السباق

ونحط في مكان كل سيارة (وشر) الوشرات حدايد صغيره مثل القرش
اما نحفره في الفلين او نلزقه بتيب شفاف

ونحط في كل سيارة صغيره من تحت تيب المغناطيس
هذا يوجد في المكتبات شريط مغناطيس فيه لزق

ونكتب كلمات الدرس في قطع منفصله من الفلين (ولو تكون مطبوعه من كمبيوتر افضل)

يعني المغناطيس يكون في الكلمات وفي السيارات

واللوحه مافيها الا وشرات للسيارات ووشرات للكلمات

بحيث ان الطالبه تاخذ كلمه الاول وتلزقها عند السيارة الاولى وتقول جملتها مثلا السيارة الاولى حمراء

وبهالطريقه نقدر نغير الوان السيارات بسهوله

وممكن يكون التطبيق خيول مثلا

والوشر والمغناطيس طريقه سهله في كل الدروس احسن من الدبابيس والتيب

اتمنى تعجبكم الفكرة وتستفيدون من الطريقه
وبالتوفيق للجميع
اختكم

[•°o.O (أم ليــــــــن) O.o°•]

المزيد....

أشكرك
تشبه فكرتي بس أنا لزقت السيارات على الفلين بغراء مسدس و رسمت خط النهاية
و كتبت بالكمبيوتر ترتيب الأرقام و خليت البنات يلصقونها أمام السيارات

و دمتم سالمين

ولا يهمك
اعتقد انك تقدر تعطيهم درس
First
Second
Third
Fourth
Fifth
Sixth
Seventh
Eighth
........................

وكلمات زي Race .......
.Fast
Faster
Fastest



وتسوي فيها مسابقات بالسكوترز او الرول سكيترز

[•°o.O (أم ليــــــــن) O.o°•]

ورقة عمل ordinal numbers

http://www.saudienglish.net/vb/showthread.php?t=19265

فلاش كاردز...

http://www.saudienglish.net/vb/showthread.php?t=7166

[غلا2008]

يسلمو
االله يجزاك خير

[book2]

thanks alot

[Boora]

thanks sooo much friend

[روووني]

الف الف شكر لك

[bigevil]

معليش على المداخله البايخه ذي .. بس صراحه فى شي ملاحظ عند المعلمات ..

انتم ليش تخافون من المشرفه ... وش بتسوي يعني .. حتى لو طلعتي فى اسوء حالاتك وانت تشرحين .. وش بيصير بتتفلسف شوي . وانت بعد تفلسفي ... لا تخلينها تدخل من اساسه .. قوليلها مانى مستعده تعالي بعدين ..
او اعطي الدرس عادي زي ما تدخلين الفصل كل يوم ... ليش تعطون حجم لها وهي لا تملك اى شيء .. مجرد موجهه فقط .. تقول سوي كذا وسوي كذا ..بس .. وانت قولى طيب ابشري .. ولا كانك سمعتي شي ..
انا جانى المشرف قبل نهاية الترم الاول وقايل ابي الجدول حقك .. قلتله خلص الترم واذا تبي تزورني تعال الترم الثاني .... والعام نفس الحكايه جانى وقلتله ذي حصة تمارين .. وراح ورجع بعدها بأسبوعين ... وطلب منى حصه نموذجيه .. وخليتها درس الوجبات meals وجاب معه 7 معلمين و2 مشرفين ومع المدير والوكيل وحضر 4 من المدرسين ... وعادى اعطيت الدرس المعتاد .. بدون تكلف ... حتى دقت الحصه لما وزعت عليهم اوراق العمل ..يعني متأخر ولا واحد منهم قال شي ... .....
بس ملاحظ جميع المعلمات يهابون المشرفه .. ما ادري ليش ..... والا الانظمه والقوانين عند تعليم البنات يختلف عن تعليم البنين ....
الترم اللى فات قدام عيني مدرس طرد المشرف .. وقاله ما عندى دفتر تحضير .. وشيل ال7 درجات حقت التحضير ما ابيها ........ وجلس المشرف يتوعد ويهدد .. ويقول بسوي وبفعل .. ونهايتها جاء بعد يومين يعتذر للمعلم ..
والامثله كثيره ..............
عادى المشرفه او المشرف حامل بكارويوس مثلك بالضبط ... وش اللى يخليه مرعب .. بالعكس المدير اللى عنده صلاحيات اكثر منه وهو اللى يقدر يسبب مشاكل مو المشرف ...
ما ادرى وشو السبب ......... انا نرفزتني كلمه المشرفه قشرا .. واذا قشرا وش بتسوي ... صدقيني ولا شي .
وهم كذا اذا شافوكم ارخيتوا .. صاروا كل يوم يجون يتفلسفون .... وفيهم نسبه كبيره ما توجه للاشراف والاعمال الاداريه الا من فشله بالتعليم ..... طبعا ما اعمم اقول شريحه منهم ... فصدقيني لا تعطينها وجه ... عادي اعتبريها شخص عادي ولا تعطينها اى اهتمام ... وشوفي كيف يتغير الوضع ..

مجرد وجهة نظر ....

[escape]

^
^
صح لسانك


انا وحده متوظفه على البدل ومع ذلك مشووته المشرفه تشويت ..

و من وقعت عقدي امس وهي جايه تقول يالله ابي احضر لك دورة تنشيطيه لسادس ابتدائي بحضور معلمات من مدارس ثانيه

قلت مافي شي يلزمني اسوي هالدوره..اذا ابسويها ابسويها لبناتي بدون حضوركم..

وما اعطيتها اي اهميه من الفصل الاول

و لا يهم تقييمها في اي شي

انتي وسعي صدرك وتوكلي على الله.و اشرحي الدرس وركزي على الطالبات اهم شي ..حطي في بالك توصيل المعلومه والمتعه بالدرس ..واعتبريها غير موجوده بالفصل نهائي..

و احضري معك وسائل واعتمدي طريقتك اللي متعوده عليها..لاتسوين الدرس مره مره اووفر وبعد كذا الطالبات ينصدمون من الطريقه ولا يتفاعلون معك



الدرس هذا شرحته امس بالقروب ورك..العمل التعاوني...سويتهم مجموعات من 8 طالبات


وخليت الوورك شيت ..ورقة العمل تعتمد على ترتيب المجموعه


يعني فيه تمرين بسيط وبعدها يسجلون اسمائهم ..كل قروب يبدون يكتبون اسمائهم بالترتيب الابجدي..مين اللي first

ومين اللي second

و هيك لحد مايخلص عدد القروب..ويكون كل هالتطبيق على الورق بعد نهاية الدرس..كذا تضمنين ان المعلومه وصلت لهم

وبالتوفيق ياارب ..

[افكادو]

بالنسبه لي انا اول ما بديت الحصه راجعتهم في الارقام
بعدين قلت لهم مين يبغى يلعب ابغى ثلاث بنات طبعا بالانجليزي تحمسوا ورفعوا ايديهم

بعدين صفيتهم عند الجدار قدام الطالبات طبعا وسعنا شوي قلت لهم راح نعمل race ,وبالحركه فهموا انه سباق
طلبت من باقي البنات يعدون ون تو ثري ويبدأ السباق وحددنا الاول والثانيوالثالث

طبعا انا طابعه شكل كأس البطوله ومغلفته تغليف حراري وعطيت المركز الاول الكاس ورفعت يدها يعني فايزة وخليتها توقف فوق كرسي والثانيه جنبها والثالثه بعد

بعدين صفقوا لهم البنات وكررنا السباق بس برجل وحده يعني قفز واتبعت نفس الطريقه
وبقية الاعداد طلعت 10 بنات وصفوا طابور وحددنا مكان كل وحده

الحصه حلوة مره وممتعه

اتمنى انك استفدتي

[Toofy]

أدري أنا داخله عرض بس كلام الأخ big evil من وجهة نظري غير صحيح المشرفة وظيفتها أنها توجهنا في بعض الأمور خصوصاً اذا كانت المعلمة جديدة على التدريس (من واقع تجربة) وبعدين أنت جاي تدرس مو جاي تتهاوش أو تعاند بعدين كيف طلابك ما تبيهم يعاندوك وأنت أصلاً تعاند مسؤولك
بعدين بالأسلوب تقدر تكسب وتخلي كل شي على كيفك

[Fofah]

مشكورين جميعا افدتونا
جزاكم الله خير

[تفانـي]

ياليت كل درس يخصص له مجال للنقاش لطرح الفوائد


بالنسبة لهذا الدرس .. شرحته كل سنة بطريقة لكن هالسنة أحس إني شرحته بطريقة مرضية والحمدلله مشتملة ع

هدف ديني..

بدون ما ألجأ للعربي زي كل مرة بدأت بهذا السؤال بعد رسم خريطة ذهنية للصلوات المفروضة الخمس:
How many times we pray a day

What is the first prayer
the second ......etc

طبعا لم يخلو الموضوع من استخدام أصابع اليد للعد ...وجدت ما شاء الله ان التلميذات فهمن ما يقابلها من اعداد..

وتم استنتاج باقي الأرقام ع نفس المنوال.


وسلااااااااااااامتكم

[Nn2]

ما شااااااااااااااااااء الله فعلا أفكار ممتعة و يا ليت لو نكررها مع كل درس .. ممكن نسأل عن الأيام و الأشهر الهجرية طبعا what is sunday ? كتطبيق طبعا ..

[buffy-ya]

السلام عليكم ورحمة الله وبركاته
اولا اعتقد ان الاخوان والاخوات ماقصروا معك,انا استخدمت نفس طريقة اخي الحربي في الشرح وماشاء الله استوعبوا الدرس بسرعه البنات
ثانيا:انا والله معك اخي big evil والله مدري متى نتعلم ونفهم ان المشرفه حالها حالي,خريجة بكالريوس ووومابيدها شي,يعني احيان تجيك وحده ممتازه وراقيه في تعاملها وتقدر تستفيد منها000واحيان تكون ماعندها ماعند جدتي,يعني والله مهزله لما تقولك ممتاز وهي معبيه دفترها نقد؟؟؟؟؟..............
لكن مافي اليد حيله

[فجر22]

بالعكس كلامه صح 100 ب100
لانه عدد كبير من المشرفات صرررررررررراحة غير مؤهلين لان يكونوا مشرفين ..

[الوجوود]

[الصديق الكبير]

والله مجهود جداً رائع



وشكراً لكم

[النور 1]

مششكوررررين تفضلتوا علينا جزاكم الله خييييرا