اغلـــــــــى اجتهـــــــــــــادي
من حقي الصمت.... ومن حقك البوح
....................................حقي عتابك وأنت حقك عـنـــادي
يا صاحبي في ما تســويه مسمـوح
....................................خذ راحتك وذا يعتبر شـي عـــادي
لكن فسر كل الأسباب بوضــوح
....................................وبعدها ......... كـلٍ يمشي بــوادي
من يوم شــفـــتك تخلط الجــد بمـزوح
....................................حلفت ما أخلي عليك اعتمــــادي
كنت احسب انك بالوفا جيت..وتروح
....................................وأثرك تحاول كل يوم اضـطهـــادي
وجهت لك نقدي معرف ومشـروح
....................................والحمد لله بان فيك انـتــقــــــادي
تنسى وتجرح بعد ما كنت مجـروح
....................................الكره عندك رمز والحب غـــــــادي
حاولت ترتيبك وأنا كلي طمـــوح
....................................تعبت ..... ولكن مـا تحقق مـرادي
حماسك المعهود ما منه مصـلـوح
.................................والجمر مهما احمر يصبح رمـــــــادي
اللي بقالك عندي أحزان وجــروح
....................................واللي بقالي عندك أغلى اجتهــادي
العام كنت أشوفك أغلى من الـروح
...................................واليوم أشوفك للأسف شخص عادي
المفضلات