كيفية التعامل مع الطالبات المشاغبات .... نقاش

[The Consellor]

يا أخواتي العزيزات مافيه شي مستحيل....
والله أنا جربت طالبات مشاغبات وكسلانات اهتميت فيهم وركزت عليهم حبوني وصاروا يهتمون بمادتي رغم إنهم ضعاف فيها وصاروا يحاولون يشاركون عندي ويفرحوني بكل طريقة....
الطالبات عندهم مشاعر وأحاسيس ومايرضون أحد يدوس على كرامتهم ويهينهم ويهزئهم ويحبون اللي يحسسهم بأهميتهم...فكل ماتعاملينهم بشكل راقي وحلو يكونون لك أحسن...
وحاولي قدر الإمكان تجاهل تعليقاتهم عليك وقابليها بالإهتمام والابتسامة الساحرة ،، والله راح يستحون منك ويحسون إنهم أخطئوا بحقك وبعدين راح تلاقينهم مثل الخاتم بيدك...
وحاولي إنك تأثرين فيهم قدر الإمكان وتطورين من نفسك لاتقولين هذا أسلوبي وتعودوا عليه،،،
وخاصةً المشاغبات حاولي تتقربين منهم حتى تنجحين بتغييرهم للأفضل....
والله يوفقنا وياك لكل خير......

[Endless Hope]

The Consellor



بارك الله فيك


و احلى تقييم لك

[Penitent]

السلام عليكم ورحمة الله وبركاته

بصراحة الردود مفيدة جداً من تجارب مختلفة وأنا أدرس متوسط وثانوي والمشكلة فقط مع ثاني وثالث ثانوي وتقريباً أن المرحلة الإنتقالية لسن المراهقة لها دور . وعجبني رد أحد الأخوات قالت هذه مهنة الأنبياء عليهم السلام وكم عانوا وتحملوا في سبيل إيصال الرسالة .

[آهااات الزمان]

الله يعينك

بس عن تجربة

العصبية والصراخ عليهم مارح تزيدهم الا تمرد (لانهم وصلوا للي يبغونه _انهم ينرفزونك)

والطيبة الزايده مارح تجيب لك الا بلاوي اكتر

صدقيني شخصيتك في حضورك ونظراتك تراها ابلغ من الكلام

يعني خليهم يحسوا انك قويه من غير صراخ او غيره

أول ماتدخلي الفصل لا تبدأي في شئ الا لما يهدوا ((وانا بصراحة افرض عليهم يوقفوا ويردوا السلام من باب الانضباط فقط))



طلعي دفتر الدرجات واسألي في الدرس اللي قبل

اشرحي درسك بالانجلش كله ولا تترجمي كلمة بالعربي

سوي تطبيقك بدفتر الدرجات طبعا

لو جيتي في يوم وهم باقي مسوين ضجة اختبريهم اختبار مفاجئ

ولا تعطيهم لاوجه طيب ولا غيره

خليك رسميه

((انا الحمدلله طالباتي اخذ واعطي معهم وفهمت منهم اساليبهم في التعامل مع المعلمات فكان اغلبهم يقولون احنا نعرف شخصية الواحده لما ننرفزها وبناء عليه نمشي معها طول السنة واكثر من يحيرنا اللي تتعامل رسمي ونحس انها مو واضحه شخصيتها وبصراحه هذي الشخصية تفرض احترامها ونخاف منها غير عن الباقين))

وبعدين ثاني ثانوي معدلهم تراكمي فهم يحتاجون الدرجات مرررررررررة

خصصي ردجتين سلوك وارتاحي

يعطيك الف عافية هذا افضل اسلوب وانا مجربته والله ماينضبطون الا بهالاسلوب وخصوصا اذا الاعدادكبيرة

اعذب المنى لك

[Nejood]

مرت علي النوعية هذي من الطالبات ........وكنت منتدبة .......ومثلك كنت خبرة عشر سنوات و معروفة بشخصيتي القوية...........المشكلة انهم يرفضون الاوامر لو قلتي قومي من مكانك او اوقفي.......و بعدين طرحت عليهم اتفاق وش رايكم اعطي الدرس بنصف ساعة واخلي لكم ربع ساعة تسون فيها الي تبون ........والحمدلله مشى الحال .....وصرت اعطي درسي وبعد نصف ساعة اصك الباب و اجلس برا.........بس جد 55 الله يعينكم .......المشكلة لما يقولون ابدعوا وكريتيف ثينكنق..........اول اضبطوا سلوك الطالب تجاه المادة والمعلم وبعدين نبدع ..........

[سما الود]

اشغليهم بنشاط معين مثل الكتابه وزعي عليهم اوراق عمل في نهايه الحصه اعملي لهم اختبار واحسبيها من ضمن درجه الاختبار الشهري
وادعي الله ان يصلحهم ويهديهم و يجعلهم مثل ماتبين

[سارونه الامووره]

انا طالبه متدربه والطالبات قمه في قله الذوق لدرجه انو هزأوو المشرفه وهزأونا كلنا وطردونا من الفصل والمصيبه انو من زعل المشرفه قالت انتو السبب ماتعرفون تتعاملون معاهملكن الله يعين انا بصراحه قررت ادخل واشرح واذا ازعجوني كالعاده رح افرق بينهم هذا افضل حل

[فهد99]

[Mrs. Jaguar]

جزاك الله خيرا

[وردالخال]

السلام عليكم

يجب اولا الحزم مع الطالبات وعدم السماح لهم باي احاديث خارج الدرس حتى بعد انتهاء الدرس

ايضا لا تشعريهم انهم استفزوكي واثاروا اعصابك

حاولي تساليهم فجاة وتصعبي اسلوبك في الاول الى ان ينضبطوا

[thing]

انا من رايي ادخلي عليهم وعطيهم امتحان بدروس شويه واسئله متوسطه بس اخسفيهم بالدرجات المشاغبات طبعا بس لا تعتمدينه وشوفي اذا يبغون يحسنون الدرجات ولا اصلا ماهمهم
والله يعينك
انا الحين اطبق وعندي درس لثاني علمي الله يسهل

[احلى سلافه]

ارى الحل الوحيد انك تغيرين الاماكن وتشغليهم

[هموسي المزيونة]

شكراً لك على هذه الكلمات الرائعة

[طموحي أكبر]

ربي معاك....
بس حاولي تتقربين منهم اكثر
وابدآ لاتجعلين الشدة والاوامر هي الرابط بينك وبينهم
لانهم راح يسوون كل شي بيشوفونه مزعج لك..
.
انا برضه ادرس ثاني ثانوي..
واحاول اتساهل معاهم واكون خفيفه في الحصه عليهم..
بس طبعا مع شوية حزم ... يمنعهم من الغلط بخاصة وقت شرح الدرس.....
وحسسيهم انك تحبينهم وتهمك مصلحتهم...وانك راح تساعدينهم ياخذوا درجات عاليه اذا هم ساعدوك على هالشي....
وذكريهم انه الانجليزي يحسب لهم الدرجه بأربع درجات....يعني اللي تنقص 3 تضربها في 4 وبتطلع 12....

.
وبالاخير ربي ييسر لك امورك....

[عآلي مستوآي]

لو غيرتو الاماكن راح تلقوا اوراق من تحت الطاولات

انا طالبة وخبيرة بحركات البنات واشووف انا وصاحباتي وش نسوي بالحصة

بس والله ان الابله تجيب دفتر المخالفات لكن معانا لاحياة لمن تنادي

والله العظيم مخلين الابله صفر عالشمال

وشوفي المشاغبه مشاغبه من يومها ماتقدرين تغيرينها لو عطيتيها كلمه قالت والله لأقعد لها انا ماحد

يكلمني ويهزاني

افضل شي اشرحي درسك واطلعي فهموا مافهموا بالطقاق صراحة

هم جابو لأنفسهم

وخليهم يشاغبوو على كيفهم بالاخير بيشوفونك ماتكلمتي ويطفشو ويسكتو

[قمر المملكة]

السلام عليكم ورحمة الله وبركاته
الله يكون في عونك يا اختي نسيم الفجر
واشكر كل اللي قدمو أرائهم وحاولو المساعدة
....

[ENGLISH 4U]

بحسب تجربه بسيطه كوني صديقه للطالبه تكسبينه

[bibi]

الله يعيني انا بعد احس ادبي متمردين حيل

[خريجه]

اسال الله ان يكون في عونك اختي


عدد مصيبه بصرااااحه..


ماابي اتفلسف لانه بصراحه في فصول 42 طالب ..
اقصى شيء درست .. والحمدلله ان هذا الشيء تركته


والله الطلاب نفسهم كنت ادرسهم قبله بسنه ..
لكن اش سويت ..

-قبل ابدأ الدرس الجديد افتح الكشف واسال فالدرس القديم ( لو الكلمات بس )
- خمس واجبات فالفتره كل واجب بدرجه .. ورصدت فالكشف
- كل وحده باختبار .. اظن او كل وحدتين .. لااتذكر ..
بس نوعية الطلاب من جنبها .. رغم سهولة الاسئله .. ( نموذجين للفصل تحاشيا للغش)
الاسله اختيارات وسهله .. بس مستحيل اترجم له ..

من ادخل افتح السجل وبالدرجات ..
الفتره الاولى رصدت الدرجات زي ماهي ..
المدير زعل والوكيل .. لكن هالاثنين ماكانوا مكاني فالفصل ..

الفصل صرت ادخله .. اشوف الكره فعيون الطلاب ..
جاني من قال لي ( استاذ نبيك زي قبل ) قلت لهم ( من اللي تغير انا ولا انتم )


ارتحت ..
العقاب لابد من وجوده ..


اهم استراتجيات التغلب ع الثرثره الزايده ..

( فرقوا بينهم في المضاجع )
( لاتدقق على كل كبيره وصغيره )
( البرووووووووود من غير اهمال )
( الطالب الضحيه يجب ان يكون عضه لمن بعده ) << اذا كان قليل ادب ..




طبعا مني ادرى منك فهالاشياء ..
ومثلك اعلم واخبر ..

لكن حبيت اشاركك لو بالدعاء..

واسال القوي العزيز ان يعينك,,,


دمتم بود

[Y Salem]

بسم الله الرحمن الرحيم
والله الموضوع جذبني بالمره لاني عانيت منه وبعد تجربت سنتين توصلت للاتي
انا كنت اعصب واخاصم وابغى كل بنت تفهم وتحفظ الدرس ولان الاعداد كبيره جاني الضغط وماستفدت شيء
بعد كذا صرت طيوبه وحبوبه بس البنات ماينعطون وجه
والسنه هذي اكتشفت الحل السحري وخصوصا اني ولدت بعمليه ويادوب اتكلم اولا جمعت روقان الدنيا كله وصرت البنت اللي تشاغب اروح لها بنفسي واخليها تنقص نفسها بيدها واذا زودتها كل شوي اسالها بالدرس لحد ما اطفشها يعني ابين لها كل مازدتي شقاوه زدت بالاسئله
عذرا على الاطاله لكن هذا الموضوع يجب ان ياخذ حقه من النقاش

[خريجه]

بحسب تجربه بسيطه كوني صديقه للطالبه تكسبينه

لااااااااااااااااااافشل طريقه اتبعتها من تجربتي

[أروجي]

يا ليت يسون فيهم مثل ما يسون في بنات الكليه
اللي تنحاش من الحصه او تغيب اكثر من 3 مرات حرمااااااااااااان من الماده
اللي تعيد اكثر من من سنتين طي قيد يعني تقعد في بيتها : سنتين
الاستاذه في الكليه لها هيبه ومعامله خاصه ويحرصوون الطالبات على انها تاخذ عنهم فكره زينه

[أروجي]

والله بعد التطبيق عرفت قد المعلم ومقدار التعب في شرح الدرس حتى لو كان سهل
يا رب معلماتي يسامحوني

[الهضاع]

Thank you so much

[نوارة جدة]

فعلا الطالبات يعرفوا شخصية المعلمة من اول يوم


ويعملوا لها اختبار بمواقف عشان يشوفوا كيف ويسمروا طوال العام


ضعي خطوط حمراء في الحصة والتامل لا يتجاوزونها وطبقيها على الجميع لا تفرقي بينهم وبين الممتازات

عشان يحسوا بالعدل


وخصصي درجتين للسلوك داخل الفصل


كثري من المهارات الكتابية عشان ينشغلون وثانيا 55 بفصل وين احنا بمدرج جامعة


30 وصعبة التركيز عليهم كيف 55 الله يكون بعونك