الله يجزاكم الجنه >>unit:11

**M!ss Reem** · 25-02-2008, 10:52 PM

السلام عليكم ورحمة الله وبركاته الله يخليكم جميعا...

انا طالبة تربيه وعندي درس الاربعاء بعد بكرا الوحده 11 الدرس الاول

مره مرتبكه تو وصلني الخبر

بصراحه ماعرف كيف ولا فيه احد من العائله تخصص

انجليزي..

ياهل الخبره علموني

كيف ابد وايش اقول بالضبط اثناء الدرس والوسائل وياليت احد يقولي عن افكار

وتطبيقات ومقدمه وشرح لقيت عندكم هنا اكثرها بوربونت بس انا ابس شرح عادي....

ابي شرح الدرس نفسه التحضير مو مشكله انا اطلعه من هنا ...

الله يخليكم بصراحه محتاجتكم ومالكم إلا الدعاء..

ومشكورين مقدما ...

**•°o.O (أم ليــــــــن) O.o°•** · 26-02-2008, 12:08 AM

بقليل من البحث ستجدين ماتريدين ... جربي هذا الرابط..

http://www.saudienglish.net/vb/showthread.php?t=33946

**M!ss Reem** · 26-02-2008, 02:59 PM

أم لين

يسلمووو ياعمري قولي امين جعلك انشالله تدخلين الجنه من غير حساب يارب..

بصراحه مرررره حلو الموضوع اللي يعافي الكاتبه ويجزاكم خير كلكم ..

بغيت اسالكم من وين احصل السي دي تبع conversation اللي بنفس الدرس ابي

او اقدر احمله من النت اللي تعرف وين تحط لي الرابط اللله يعافيها ..

وسوال ثاني =معليش تحمولوني مالي غيركم .

اقدر اشرح كل lesson 1 مره وحده احس ماتكفي الحصه مقدمه ومحادثه وقاعده.

ايش رايكم احذف Grammar واكتفي بالصفحه الاولى

بليييييييييييييييييييز ردوا بسرعه درسي بكرا

**ميميm** · 03-03-2008, 11:51 PM

الله يعينك أقوووووووووول أنا مثل حالتك ولكن أرجوووك أذا وجدتي صور أو مقدمه بالأنجليزي خبريني ؟ وأنتضرك وش تقولين عن درسك إن شاء الله الأربعاء...أرجوووووووووووووووووووووك أريد أستفاده منك,,,الله يوفقك,,,آآآآآآآآآآآآآآآمين

**سلام999** · 21-03-2008, 11:20 PM

انا مثلك

**Um Rakan** · 22-03-2008, 01:49 AM

same same

**كردوس التغلبي** · 23-03-2008, 12:28 AM

مشكورين الله يعطيكم العافية

**هوووب** · 23-03-2008, 01:25 AM

بالنسبه للمحادثه خذي الشريط من أستاذة الماده
لأن الوزاره موفره الشريط
وإذا مو عندها إنتي إقرأها لهم من كتاب المعلمه
مرتين يسمعولك والكتاب مقفل وفي الثالثه يحلون الجدول
وإنتي تقرأين وبعدين شوفي إجاباتهم
بس قبل إشرحيلهم فكرة الجدول

.................................................. ......

بالنسبه لقسيم الدروس كل ليسون ياخذ حصتين بمعنى
كل صفحه حصه
بس إنتي خذي الجزء الأول في حصه والمحادثه والقاعده في حصه
أفضلك
ولا تسهبي في شرح الحادثه أكثر من الازم وأسهبي في شرح القاعده

أتمنى أفدتك وغيرك وبالتوفيق

**roose2** · 23-03-2008, 09:17 AM

الله يعطيكم الع

افية

**الحولا** · 23-03-2008, 09:40 PM

بارك الله فيك

**Reeami** · 09-03-2010, 08:19 PM

اللي بيشرحون الجزء الأول من الدرس اللي هو الshopping

بقولكمـ طريقة زميلتي لأني حضرت درسهـ أيآم تربيتنآ

دخلت وبسسسسسرعهـ قسمت الفصل كل أربع طاولات مع بعض .. يعني صار الفصل مقسم اربع اربع اربع وهيكـ :)

المجموعه الأولى حطت على طاولتهم ملابس ( ايقآله محل ملابس)
المجموعه الثآنيهـ حطت عندهمـ كآبتشينو وقهوه و و و ( ايقآله كوفي)
المجموعهـ الثآنيهـ ( البنك ) وحطت فلوس مصورة
ومجموعه اخرى حطت عندهم علب ادويه ( يعني صآرو الصيدليهـ )

طووووووط جت المعلمه والمشرفه < بدأ الجد الحين ههههههه

سوت زميلتي ( اللي علية الدرس ) نفسهآ رآيحه للمول ( وتشرح لهم معنى كلمة مول وتكتبهآ ضمن النيو وورد ،، او تعرضهآ بفلاش كآرد )
ثم بدت تجول بين الطآولات < عآيشة الجو اختنآ تحسبه صدق بالسوق خخ
ورآحت لمحل الملابس وشرحت معنآه بالإنقلش Dress shop وشرت منهم
ثم رآحت الصيدليهـ وشرحت معنآه pharmacy

طبعآ البنآت بيستنتجون معنى كل كلمة من نفسهم لأنهآ تصير وآقفه عند الطاولة اللي توضح هالكلمة سوآء صيدليه او بنك او او وهكذآ

وتخلص عليهآ الفلوس وتروح تصرف من البنك وتشرح معنى هالكلمة

وأثنآء شرآءهآ تكون حاطه أسعآر على بعض الأشيآء بحيث انه توصل لهم معنى كلمة cost

ثم عآد تدخل على المحآدثه هي ويآهم ..

بس بصرآحه حنآ يالمعلمآت استمتعنآ معهآ مرررره فكيف بالطآلبآت اللي صآرت حصتهم نشآآآآط وحمآآآس

وش رآيكمـ عآد أتمنى افدتكم

**عجيب !!** · 09-03-2010, 10:43 PM

شكراً لك على هذه الأساليب الرائعة.. ويعطيك العافية على تميز السؤال المطروح ...

بنات وش رايكم نسوي لنا تجمع ؟

**حالمة الوعد** · 24-02-2012, 01:38 PM

عجبتني فكرتها بس ممكن نستبدل الاغراض المجسمه بصور
اسهل واسرع ومايكون فيها حمل على المعلمه
عشان كلنا ما نستثقل اننا نطبق الفكره
ونخلي كل قروب يرفع الفلاش كاردز واي قروب ثاني يقوم ويكتب الكلمه على السبوره
عشان يكون في نشاط اكثر داخل الفصل