__ من نزلت 5% في راتبه وعلى اي بنك __

**yesmeena** · 03-03-2008, 05:17 PM

انا ما نزل لي شئ

لا ابشركم مخصوم من راتبي كمان الغياب بدون عذرا

يعني لا بدل تعديل مستوى ولا 5% بدل معيشة

راتبي على الهولندي

**Mr.B** · 03-03-2008, 05:35 PM

بسم الله الرحمن الرحيم

أخوي يشتغل في الصحة , ونزله 5 % ,,

على البنك الأمريكي

> سامبا <

لكــن الي سمعته إنه ولا أحد في التربية والتعليم نزله 5 %

**dandoon101** · 03-03-2008, 05:55 PM

الحال من بعضه ياسمينا

لا تشكي لي

أبكي لك

انا شلتها من راسي

واللي يجيبه الله حياه الله

**Prime Rose** · 03-03-2008, 06:36 PM

ياسمينة

اللي أعرفه إنه صدر بيان من وزارة التربية والتعليم قبل حوالي الإسبوعين يعتذرون فيه عن تنزيل الزيادة هذا الشهر.. وإنها ستضاف بتاريخ رجعي من شهر 3 هجري..

والله يكتب الخير لنا جميعا..

**مــلك الحرف** · 03-03-2008, 07:32 PM

يالنسبه للـ 5%

راح تنزل لها مسيرات لوحدها

وراح تنزل على حسب كلامهم بعد اسبوع ..

وشكرا ..

**yesmeena** · 03-03-2008, 08:35 PM

هلا بتفاعلكم اخواني

والله يكتب لنا الحخير جميعا

سمعت ان في معلمين نزلت لهم الزيادة في منطقة الرياض في منتدى تعليمي اخر

هل احد منكم ممن الرياض يا اخوان ؟؟

**قلوب الشهد** · 03-03-2008, 08:36 PM

ياليل ما اطولك

حسبنا الله و نعم الوكيل

**mother of 4girl** · 03-03-2008, 08:46 PM

أنا من الرياض ولكن وجدت زيادة 300وشوى مادرى حق ايش
ع العلم انه مستواى اتحسن للرابع مع الدفعة اللى قبل فترة
مادرى 300 تحسين مستوى بعد كل هذا الصبر؟؟؟؟؟
والحمد لله على كل حال

**معلمة انقلش** · 03-03-2008, 08:59 PM

احنا الدوادمي نزلت الزياده بس الراتب نفسه مانزل ..!!!

الزياده 300 وشوي صحيح مثل mother of4girls !!!

جايز ينزلونه بكره لأنه حصلت لخبطه ..!! الله يعين

**Eternal Love** · 03-03-2008, 11:29 PM

ماااااااااااااااااااااااااااانزل شي !!!
إلا مخصوم من راتبي بعد !!
خخخخخخخخخخخخخخخخخخخخخخخخخخخخخخخ

**Nona1399** · 04-03-2008, 12:49 AM

انا كمان ما نزل لي لا تحسين مستوى ولا بدل معيشة وفوق هذا مخصوم من راتبي رغم اني ما عندي غيااااب

وما أدري وش الحل؟؟

انا متعينة في الأفلاج وراتبي على الراجحي

**aw388** · 04-03-2008, 01:25 AM

انا من الرياض مانزل ولا هلله من الزيادة الكبيرة 5%

**حنـ الكون ـان** · 04-03-2008, 02:26 AM

نزلت الزياده بالنسبه لرواتب محو الاميه 287 ريال بس الراتب لما سألنا عنه قالوا بكره

**سَ ..** · 04-03-2008, 04:45 AM

ياسمينا انا مانزل لي شي << طيب ليه راده؟

هههههههههههههههههههه
ههههههههههههههههههههه
هههههههههههههههههههههههه

ياسمينا وش ذكرتك فيه الردود ؟؟؟

موب مثل اذا دخلتي على فصل سادس وسألتي : من ماحلت الواجب ؟ ترد عليك كل بنت استاذه انا حليت , استاذه انا كتبت الواجب . استاذه انا سويت الواجب .. طيب انا سؤالي من ماااااااااااااااااااااحلت ههههههههههههههههههههههههههههههههه

...

انا مانزلت لي ولاتحسين ولابطيخ حتى بدل ناااااااااااااااااائي اكلوه علي المندوبيه لمدة سنة وست شهور بس على مين تلعبهااا فوالذي نفسي بيده ان اطلعها من عيون المندوب وشلته المبجله .. على قولة المثل شعره من الحمار فايده ,, << حمار وحرامممممممممممممممممممممممممممي بعد

**E.T.Reem** · 04-03-2008, 06:58 AM

أنا لم تنزل لي
زيادة ( بدل غلاء معيشة )

راتبي على الراجحي

سأردد ... سأردد

خمستي .... يا خمستي ....
لا محرم ....
لا صفر ....
خمستي .... يا خمستي ....

على وزن .......... ؟؟؟؟؟؟

**مــلك الحرف** · 04-03-2008, 10:28 AM

التربية توضح أسباب تأخر صرف بدل غلاء المعيشة

الدمام: سعد العريج

أرجع الناطق الإعلامي بوزارة التربية والتعليم الدكتور عبدالعزيز الجارالله سبب عدم صرف بدل غلاء المعيشة المقرر صرفه مع راتب شهر صفر الحالي والمقدر بنسبة 5% من الراتب الأساسي لكل موظف حكومي إلى عدم الانتهاء من الأعمال الإجرائية والروتينية لتعديل الرواتب لمعلمي ومعلمات الوزارة.
وبرر الجارالله التأخير في صرف البدل لكون الوزارة تحظى بأعلى نسبة من موظفي الدولة متجاوزة 500 ألف معلم ومعلمة، ولما تتطلبه تلك الأعداد من الجهد والوقت وبالتالي صعوبة الصرف في حينه.
وقال إن صرف البدل سيتم في أقرب وقت ممكن إلا أنه امتنع عن تحديد موعد معين للصرف. وألمح إلى أن أقرب موعد محتمل للصرف سيكون قبل نهاية شهر ربيع الأول.
وأضاف الجارالله "أن العديد من الجهات الحكومية لم تصرف البدل لموظفيها مع رواتب شهر صفر"، مؤكداً في الوقت ذاته حرص الوزارة على سرعة إيداع البدل مباشرة بعد الانتهاء من احتساب النسبة في رواتب جميع المعلمين والمعلمات في المملكة ومخاطبة جميع البنوك المحلية.

**Stealer** · 04-03-2008, 10:36 AM

هههههههههههههههههههههههههههههههههههههههههههههههههه هه اما( انجلشه )

فوالذي نفسي بيده ان اطلعها من عيون المندوب وشلته المبجله

هههههههههههه حلو المقطع هذا ..ينم عن علو الهمة والتفاؤل منقطع النظير ..اهنيتس عليه

..انا طبعاً نزلت لي الزياده ونزل لي الراتب...على مصرف الراجحي

قولو ماشاء الله
<<يتنافض
عسى ماتنظلوني بس

**ليــنا** · 04-03-2008, 02:02 PM

المشاركة الأصلية كتبت بواسطة yesmeena

هلا بتفاعلكم اخواني

والله يكتب لنا الحخير جميعا

سمعت ان في معلمين نزلت لهم الزيادة في منطقة الرياض في منتدى تعليمي اخر

هل احد منكم ممن الرياض يا اخوان ؟؟

صح... نزلت للمعلمين... متاكدة...

اما احنا يالمعلمات

**mhawi** · 04-03-2008, 02:49 PM

وانا كمان نزلت لي بس العلاوة السنوية مانزلوها لي
يعني اعطوني راتبي قبل العلاوة + الزيادة

**فرانك عيضة** · 04-03-2008, 03:32 PM

المشاركة الأصلية كتبت بواسطة al harbi

يالنسبه للـ 5%

راح تنزل لها مسيرات لوحدها

وراح تنزل على حسب كلامهم بعد اسبوع ..

وشكرا ..

هذا الكلام .. وعاد من زينها 5% ... يالله تكفي عشوه في مطعم نص نص

**Nona1399** · 04-03-2008, 09:23 PM

مراااااااااااحب

انا اليوم دقيت على المحاسب وكنت ناوية اسوي انتفاضة واسترجع حقوقي مو كفاية غثوني بالنشاط وسألته بقوة ليش خاصمين وانا ماعندي غياب قااااااال لي هذا خصم لأننا رفعنا مستوااااااااك ؟؟؟؟؟

تخيلوا حتي تحسين المستوى مدفوع ثمنه والخصم تقريبا 800 بس قال تطمني بس هالشهر ناخذها وبالنسبة لـ5% يقول بتنزل اليوم او بكرة حسب كلامه

بس حبيت افيدكم بهالمعلومات

**صمت الخيال** · 04-03-2008, 09:31 PM

ترى الزيادة بتزل مع رواتب شهر 4 متجمعة لكم

خبر أكيييييييييييييييد

**مــلك الحرف** · 04-03-2008, 09:33 PM

ترى الزيادة بتزل مع رواتب شهر 4 متجمعة لكم

خبر أكيييييييييييييييد

يـــــــــــــــــاليت يجمعوها مع بعض ...

**goldensun** · 04-03-2008, 10:05 PM

زيادة ال 5% بس انزلت للرجال

**قلبي** · 05-03-2008, 10:37 PM

أنا لم تنزل لي
زيادة ( بدل غلاء معيشة )

راتبي على الراجحي

سأردد ... سأردد

خمستي .... يا خمستي ....
لا محرم ....
لا صفر ....
خمستي .... يا خمستي ....

على وزن .......... ؟؟؟؟؟؟

رد بصراحه ضحكت من قلبي.... ويكفيني أردده مره ثانية...

ما نزلت العلاوة.....والله المستعان على ما يصنعون...

الموضوع: من نزلت 5% في راتبه وعلى اي بنك

أدوات الموضوع