حارس استراحة سعودي انجلش

**DR AHLAIN** · 24-03-2008, 01:49 PM

السلام عليكم ...

بيني وبينكم طلعنا تأشيرتين علشان محتاجين حارس لإستراحة سعودي انجلش

مع زوجته(لروضة الأخوات) ..

يعني ماشا الله الأعضاء واجد ومحتاجين من يقوم

بواجبهم ويجهز لهم القهوة والشاهي

المهم جا السواق لكن الشغالة توها

قلت اخليه بالاستراحة ...

المهم دخلت الاستراحــة امس و لقيت

Abo Lamaجالس بدون شاهي <<ماله خلق يسوي شاهي :)

ولا دري بالهندي الجديد

ناديت (كومار) عطيته الزمزمية

قلت له معلوم سوي شاهي؟؟
قال: مألووووووووووم مستر

قلت:وين وين مستر ؟؟ قل دكتور اهين عمى بعينك

هز براسه<<< يعني سم وابشر (ترجمة ) ههههههه

وبعد ربع ساعة انتظار للشاهي

ناداني الهندي للمطبخ

قلت:مسكين مايدري وين البيالات

دخلت المطبخ انا وابولمى

لقينا الشاهي

-
-
-
-
-
-
-
-
-
-
-
-
-
-
-
-

طبعــــاً الهندي ماسوينا له شي

وسلامتكم سلامةٍ تسلم اولكم و آخركم

:)

**ناعمه وبالجامعه** · 24-03-2008, 01:55 PM

هههههههههههههه هالهندي عليــه ذهـــــــانه ههههه

**مــلك الحرف** · 24-03-2008, 02:39 PM

هههههههههههه

الف شكر اخوي

مسكـــــــــــــــــين

**مـسـكـ** · 24-03-2008, 02:49 PM

أما الهندي

يا صبر الأرض !

عليك اسلوب ماشاء الله
مشكور دكتور

**DR AHLAIN** · 24-03-2008, 03:22 PM

ناعمه وبالجامعه

الحربي

مسكـ

هلا بكم والله نورتوا ... بخلي الهندي يضبط لكم القهوة خخخخخخخخخ

**الزهرة الخضراء** · 24-03-2008, 03:43 PM

زين اللي عرف يشغل فرن الغاز ...

بعدين وشلون بتشتهون الشاهي من ادين هندي توه بقراطيسه ... انواع الفيروسات ... زين اللي احترقت " الزمزميه" (شكلك قصيمي يادكتور) ...

الله يونسك مثل ماونستنا دكتور اهلين ...

**DR AHLAIN** · 24-03-2008, 04:00 PM

الزهرة الخضراء

بعدين وشلون بتشتهون الشاهي من ادين هندي توه بقراطيسه ... انواع الفيروسات

لا من هالناحيه مرتاح ....

اول ما وصل وديته محل كمبيوتر وخليته يحمل antivirus كاسبرسكاي ونظفه ههههههههههه

زين اللي احترقت " الزمزميه" (شكلك قصيمي يادكتور) ...

الله يهديك بس كلامي يعني من القصيم ..؟!!!

وش جاب لجاب ؟

أنا مولود في بيروت ومترعرع في باريس(بغي) مع جدي

ثم تلقيت العلم في امريكا والدول المتقدمة :)

وياهلا بتس والله <<< حبل الكذب قصير :)

**fona_85** · 24-03-2008, 06:51 PM

ههههههههههههههههه الله لا يبلانا

هذا الحارس والله يستر من الشغاله

:"(

مشكور دكتور عالموضوع الفلـــــــــــــــــــــــه

**ام بسمه** · 24-03-2008, 08:32 PM

خخخخخخخخخخخخخخخخخ

بصراحه حلوووووووه

واحلى شي "الزمزميه"

ما شاء الله د. اهلين
قصصي مبدع :)

على فكره راضين بالزوجه اذا وصلت ارسلها الروضه وبناخذها بدوريه عزايم ,,,,,,, ونشوف يمكن تصير اذهن منه

**dodemargo** · 24-03-2008, 10:11 PM

ههههههههه

أضحكــ الله سنكــ دكتور

والله مسيكين ذا الهندي

لا وكمان تبون زوجته معه

زين انه جاء لحاله

تدري لو جات معه كانت الروضه احترقت ؟؟؟؟

تسلم دكتور

**إشراقـة فجـر** · 25-03-2008, 02:59 AM

ههههههههههههههههه

زيــــــن اللي جت على كــذا بس

اضحـــــك الله سنك دكتــــــور اهلين

يعطيك العافيـــــــه

**Reena** · 25-03-2008, 10:50 AM

اجل هذي زمزمية؟!؟!؟!

>>>>>>> هذا المهم في السالفة

دكتور،،

اضحك الله سنكـ

**أحلام وردية** · 25-03-2008, 02:28 PM

خطير ذا الهندي........
طيب اعملوا دورة عمالة مع الشغلات...ههههههههه

مشكور اخوي وما قصرت.......

***خوله*** · 25-03-2008, 06:01 PM

يحول ذا الهنيدي عليمي

ياسفاب الثلاجه بعد من الاصليات

وش فيهم القصمان<<<< اشتغلت العنصريه
خخخخخخخخ

**sea breeze** · 26-03-2008, 02:21 AM

هع هع هع هع هع هع هنود ما ينلامون

الهندي هذا ذكرني بشغالتنا الأندونيسية زماااااااان بدل ما تقلي البيض في المقلاة تخيلوااااااا إش سوت؟؟

راحت تقليه في صحن الأكل و أنحرق الصحن و البيض خخخخخخخخخخ

هههههههه شكراً شكراً

**النمر** · 26-03-2008, 11:20 AM

هندي مين وحارس مين يا اخي لا تظلم المسكين (((( ايس كلااام هذا دكتور مشكل كثير ))) هذي اخر كلمة قالها لي الهندي وهو يشتكي من الدكتور عارفين وش صار ........ الحقيقة ان ابو لمى والدكتور كانوا في استراحة وحبوا يسوا شاهي وقهوة وبعدين كانوا بيسوووا العشى .......

وكان خوينا دكتور اهلين من كثر سفراااته ما شاء الله عليه مكا بقى دولة بالعاالم الا سافرها يعني نسميه دكتر مرفرفراتي من كثر ما يفر حتى بعض المرات قبل ما يتزوج كان يشطف الثلاثاء والاربعاء عشان يسافر يغير جو ........ المهم جاك الدكتور اهلين قال لابو لمى انا راح اسوي اسوي لك قهوة عربية بالطريقة الافريقية .............. المهم حضر العدة وزهب المقادير يا قلب العنى مقادير ...... دخله نحوية ... وتعرفوا القهوة التكروني قصدي الافريقية ما تتسوى في براد زي ما عندنا لا لازم تتسوى في فخااااار ........ وزي ما شفتو ا صار اللي صااااااار والهندي لازلا يقوووووووول ........

ايس كلام ايس كلام ايس كلام

ما في نفر يرتاح ...
انا ما يسوي سي بس دكتور يتبلى ..
ما نفر يرتاح .....
دكتور بس جنجال ... دكتور بس جنجال ...
يجي صبح جنجال ...
يجي مسى جنجال ...
كثير كلام كثير كلام ....
شالسالفة يا ناس نفر كثير مرتاح ..
ابو لمى موزود .. انت يسألوة
يسألوة .. نفر كثير طيب
هو كثير معلوووم ش السالفى يا ناس
ما في نفر مرتاح

تحياتي لكم .........

**ابواصيل** · 26-03-2008, 12:13 PM

اهلين وسهلين بالدكتور اهلين
نورت لإستراحه بوجودك<<<<واحترقت بوجود الهندي

يعطيك العافيه على الوناسه ويجعلها دوووم يارب

بس اشك ات هذه فعايلك ايام العزوبيه وتبغى تلصقها بالهندي مسكين اصلا انا جايبه على كفالتي والشغاله على كفالة رومانسيه

وفقك الله ورعاك واسعدك واضحك سنك وسلم عمرك واطال سنينك في طاعته

**الولائي** · 26-03-2008, 02:43 PM

ما شاء الله الهندي يعرف يسوي شاهي

حرقها حراق

**كل الحنان** · 26-03-2008, 10:31 PM

هههههههههههههه الهندي ماسويتوا له شيء؟؟!!!!!!!!

معلوم ياعمي لأن مو هو اللي حرقها؟!!!

اعترف أشوف يالله؟؟

ههههههههههه أضحك الله سنك يارائع

**DR AHLAIN** · 27-03-2008, 01:52 PM

fona_85

عاد أنا علمتكم عن الحارس... واذا جتكم الشغالة عطونا اخبارها

هلا بك والله

========

ام بسمة

واحلى شي "الزمزميه"

الصراحة ما ادري ليش نقول عنها زمزمية

كذلك بعض الناس يسمونها براد ...كيف براد وتسخن الشاي !!

بلشنا ماندري وش نسميها

على فكره راضين بالزوجه اذا وصلت ارسلها الروضه وبناخذها بدوريه عزايم ,,,,,,, ونشوف يمكن تصير اذهن منه

ام بسمة ...

اذا اخذتوها بدوية عزايم بتخلص اقامتها وهي ما اشتغلت من كثر العضوات هههههههههه

اشكرك على مرورك العطــر

=========

dodedargon

تدري لو جات معه كانت الروضه احترقت ؟؟؟؟

لا ماعليك ... الرجال ذهين قال يجي هو بالأول علشان يبخص السعودية ثم ينقل هالخبرات لها ...اي هين يالخبرات

وياهلا بك والله شرفتي

===========

**DR AHLAIN** · 28-03-2008, 03:24 AM

Dream

زيــــــن اللي جت على كــذا بس

اي والله صادقه .. فكنا الله ما احرق المجلس :)

هلا بك والله

========

Reena

اجل هذي زمزمية؟!؟!؟!

>>>>>>> هذا المهم في السالفة

ايه هذي زمزمية اجل قدر ههههههههههههههه

صدق من طلعت على الدنيا مانسميها إلا الزمزمية ...اذا جيت للواقع مالها دخل يعني لاهي (تزمزم) ولاهي (تزم) وما ادري من وين جايه بس يالله جتنا كذا

عاد يالله لاتدققين

خلينا بالهندي احسن <<< بيصرف

نورتي ويامرحبا

========

احلام وردية

طيب اعملوا دورة عمالة مع الشغلات...ههههههههه

تصدقين فكرة ..نسوي قسم تحت اعداد المعلمين

إعداد الخدم

مشكورة على مرورك الجميل

==========

خولة

ياسفاب الثلاجه بعد من الاصليات

اي والله شب تسبدي بس على بالك ماني ماخذها من راتبه ؟؟

وش فيهم القصمان<<<< اشتغلت العنصريه
خخخخخخخخ

كفووووو والله ..اخيراً جاني دعم

وياهلا بريحة القصمان

===========

sea breeze

الهندي هذا ذكرني بشغالتنا الأندونيسية زماااااااان بدل ما تقلي البيض في المقلاة تخيلوااااااا إش سوت؟؟

راحت تقليه في صحن الأكل و أنحرق الصحن و البيض خخخخخخخخخخ

اجل بحــــل هندينا عن شغالتكم ...

صدق من شاف مصايب الناس هانت مصيبته :)

يعطيك العافية على المرور وعلى هالقصة الطريفة

وحمد لله على سلامتكم :)

=========