الاربع سطور مشكله !!! وش البديل ؟؟

**ميمي الحلوه** · 07-10-2008, 12:44 AM

السلام عليكم

مابقى غير ايام قليله ويبداء الدوام الله يعين ان شاءالله ويسهل

اول شئ انا ادرس 3 فصول سادس

واقعد تقريبا 10 حصص وانا اعطيهم الحروف والارقام وارجعها لهم يعني خمس اسابيع

المشكله عندي لما اشرح كتابه الحروف لازم الاربع سطور عشان يعرفون كيف يكتبون الحرف صح

اتعب وانا كل اشوي ارسم هالسطور وبعدين يمتلن حروف وبعدين امسحهن وارجع ارسم مره ثانيه وهلم جرا مع كل الفصول

والله عذاب .. صارت حصة رسم مو حصة انجليزي

وش الحل يانااااااااااااااس

انتم وش تسوون ؟؟؟؟؟

**مهــا** · 07-10-2008, 01:07 AM

أختي ولا تعب ولاهم ..

خذي اللوح الفلين أكبر حجم إللي تكتبين عليه وتمسحين بعدها ..

أوكي ..

على الوجه الأول خذي قلم خطاط لغير استخدام السبورة وارسمي على الوجه الأربع خطوط بلونين مختلفين ( تماماً مثل الدفتر )

وبعدها تدخلين فيها الحصة وتكتبين عليها بقلم السبورة ..

فوائدها ..

1- عدم ضياع الوقت في التسطير ..
2- عملية معك ممكن تشيلينها لآخر طالبة في الصف ..
3- عند المسح فقط يمسح قلم السبورة .. أما التسطير فهو ثابت معك لآخر السنة بإذن الله ..
4- حجمها كبير والكل سيراها بإذن الله ..
5- الوجه الآخر ممكن ترسمين فيه بقلم السبورة وسيلة لدرسك .. أو تعلقين عليها ..

أتمنى أكون ساعدتك ..

( اللوح الفلين يكون مغلف زي التغليف الحراري ومقاوم لآخر العام )

**Miss** · 11-10-2008, 06:30 PM

اضافة لكلام الاخت مها

وبالفعل الفلين المغلف هو الحل العملي للاحرف

انا اخذت ورقة A4 وعملت فيها السطور المربعه

وطبعتها على عدد الطالبات

وغلفتها تغليف حراري

وعطيتها للطالبات

ومع كل حرف انا اكتبه هما كمان يكتوب معي

وكذلك كل كلمه جديده

واخلي وحده تعطيني الحروف وانا اكتب والبقية كمان تكتب

طبعا يستخدمون قلم سبوره علشان الورقه هذي بتجلس لآخر السنه معهم

تحياتي

**ملكة الكون** · 12-10-2008, 03:24 AM

افكار حلوة الله يعطيكم العافية

**غاده_1** · 12-10-2008, 01:17 PM

فيه لوحة مسطره جاهزه في المكتبه بس عيبها السطور ضيقه يعني تطلع الكتابه صغيره

**ميمي الحلوه** · 12-10-2008, 07:05 PM

وااااااااااااااااو افكار رووووووووووووووووووعه وسهله ومريحه

تسلموووووووووووون والله يعطيكم الف عااااااااااااااااافيه

**•°o.O (أم ليــــــــن) O.o°•** · 23-11-2008, 10:45 PM

في فكرة حلوة شفتها في درس نموذجي بالنسبة للسطور الاربعة..
المعلمة جايبة ورق a4 ومرسوم عليه السطور الاربعة ومثبتة الورقة هذي على الطاولة ومغلفتها بالجلاد الشفاف..
وهذا اللي عجبني عشان ترتاحين من سماع اعذار الطالبات نسيتها يا أبلة او ضيعتها..مالهم عذر موجودة دايما عندهم..وبامكانك تدورين على البنات وتشوفين كتابتهم وتصوبين الاخطاء...وسلامتكم..

**travller** · 03-09-2013, 10:11 PM

شكرا على الأفكار ارائعه

**مـلاك** · 03-09-2013, 11:05 PM

افكار جميله
شكلي بطبق الورقه اللي على طاولاتهم علشان مايضيعونها

**أمواج بلا شواطئ** · 06-09-2013, 10:56 AM

حبيبتي روحي لمكتبه خذي لوحة فلين واطلبي صاحب المكتبه يعمل الاربع خطوط على اللوح زي الدفتر...ويغلفها بتجليد شفاف بحيث تكتبي عليه وتمسحي اذا حبيبتي ...حطيه عالسبوره واكتبي عليه والبنات يعيدو وراك بالدفتر هالطريقه جربتها تختصر الوقت كثير والخطوط واضحه وملونه زي الدفتر...وتظل معاك طوال السنه