قدر الله علي

**كشكوش** · 10-04-2009, 12:29 PM

السلام عليكم ورحمة الله وبركاتة

ابي ادخل موضوعي مباشرة . قدر الله علي وطلبت مني المديرة اسوي درس نموذجي لثاني ثانوي واختكم اول مرة تمسك منهجهم . فزعتكم ياشباب وصبايا المنتدى ابي اسوي الدرس الاحد في unit 3 lesson 2 اللي هو درس القراءة TEA. ماني عارفة ابي افكار للمقدمة وبعدين ماعندنا بروجكتور في المدرسة يعني يمكن مايكون فية عرض بور بوينت واذا كان فية عرض كيف طريقة راح تكون شرحي ؟اهم شي كيف اربط اجزاء الدرس بدون ماانسى شي او اتلخبط .ضروري تردون علي اليوم please

**مهــا** · 10-04-2009, 12:32 PM

طيب ويش رايك تخلي الدرس 5 مو الثاني ..

وتجيبي أدوات عمل الشاي أو القهوة ...

وتبدأي مع طالباتك خطوة خطوة عملياً وتوثقوا ذلك على شكل تعبير ...

بيكون الدرس تفاعلي ... ولا راح تحتاجي عرض ولا غيره ...

..

**طالبة حق** · 10-04-2009, 02:10 PM

صاحبتي شرحت هذا الدرس بالذكاءات المتعددة بس ماكان قد كذا أنا أنصحك تستخدمين استراتيجية القبعات الست يعني تقسمين الفصل 6 أقسام كل قسم من 5 إلى 6 طالبات وكل مجموعة فيها قائدة والقائدة تلبس أحد القبغات مثلا الحمراء أو الصفراء أوغيرها وهكذا كل قائدة مجموعة تلبس قبعة لون تدل على وظيفة هذي المجموعة
وتبدأون تناقشون بالقبعة الصفراء مثلا مميزات المشروبات المنعشة والسوداء تنتقد هذي المشروبات والحمراء يبدون رأيهم أش المشروبات التي يحبونها ولماذا وهكذا ( ألأفضل تطلعين على استراتيجية القبعات الست) وراح يكون الدرس جدا ممتع مع المنافسة بس لازم كل مجموعة تعرف وظيفتها زين طبعاً لا تنسي الصور وكمان المجسمات وعينات من أنواع الشاي (loose tea & tea bags) وجيبي أوراق شجرة وكمان مشروبات غازية أو سوي كافتريا على ماصتين تحتوي على كل المشروبات الغازية والفرش والمنبهات الشاي والقهوة والنسكافية وخلي كل قائدة مجموعة معاها قائمة وصحباتها يختارو أي صنف شراب وهي تأشر في المنيو وتجيب لهم......أتمنى أكون أفدتك