أول طلب لاتفشلوني

[Snow White*]

ممكن طلب مساعده
أبغى طريقه جديده ومبتكره لدرس U5 L4 غير البوربوينت
الله يوفق اللي يساعدني أول مره أطلب مساعده لاتردوني...

[^^!!!]

ممكن تسوي الدرس عن طريق كتابته الكلمات فى فلاش كاردز و عرضها على البنات
بس دايما البوربوينت افضل لانك راح تعرضي ليهم صور ورايح يفهمو كذا اسرع
و بالتوفيق.

[همس الازاهير]

عندي طريقة لعرض الوورد ستدي
عن طريق تقسيم الكلمات ( syllables )وكتابتها بأوراق A4 وتقصيها
يعني الكلمة تصير اثنين أو ثلاثة على حسب عدد المقاطع
مثلا كلمة: operate أقسمها باالكمبيوتر الى OP بورقه و erate بورقه
بعدين تقسمين الفصل الى مجموعات وتعطين كل مجموعه كلمة أو كلمتين
وتخلينهم يتعرفون على الكلمة والمجموعة اللي تجيب الكلمة
تكتبها على السبورة وتخلين طالبتين يجون أمام الفصل ويرفعون الكلمة وهم مقربينها ( يعني مركبينها )
وتسجلين للمجموعه اللي تتعرف على التركيب الصحيح نقطة أتمنى يكون شرحي واضح

[هناء]

بامكانك كتابة الحروف الهجائية على اوراق صغيرة و طلب من كل مجموعة انها تكون كلمة من الكلمات الجديدة اللي اخذوها في الوحدة عن طريق هذا الورق

يعني محتاجة تكرري اكثر من حرف

[همس الازاهير]

طريقة أخرى لشرح الوورد ستدي
تخلين طالباتك يحضرون قاموس وممكن القاموس الالكتروني المتوفر عندهم أو أنت تحضريه لهم
يعني كل مجموعة معها قاموسين أو ثلاثه ( لازم تكوني مدربة الطالبات على استخدام القاموس)
بعدين قبل ماتشرحين درس الكلمات تحددين وظيفة كل عضوة قائدة مقررة كاتبة ورسامه artist
توزعين على كل مجموعة الشكل التالي بعد ماتقصين أطرافه يعني كل عضو يكون منفصل
مو تعطونهم ورقة كاملة لازم تحددون الشكل وتقولين لهم باالانقلش بكل جزء من الجسم ايش يكتبون
يعني الرأس نوع الكلمة......أنا رسمته باالرسام لكم عشان يتضح الشكل
ممكن تدرجينه من أشكال تلقائيه لأني الفكرة شرحتها لطالبة وهي سوته لي
تعطين كل مجموعة كلمة يبحثون عن معنى الكلمة نوع الكلمة ومثال عليها
وتقوم الرسامة ترسم الكلمة عشان المجموعات الأخرى تتعرف على كلمتهم وهكذا
حتى تنتهي المجموعات من عرض الكلمات وأنت تدورين عليهم
ويكون معك مقص وأنتي تدورين على المجموعات عشان تشوفين اجاباتهم
والمجموعة اللي ماتجيب الاجابة الصحيحة تقصين لهم
يعني اذا كتبوا نوع الكلمة خطأ تقصين لهم الرأس واذا كان المعنى خطأ تقصين لهم اليد وهكذا
تلاقين البنات فرحانين باالدرس وهم اللي شرحوا الدرس بعدين تكونين مجهزه العرض
والأخوات باالمنتدى ماقصروا وتراجعين معهم الكلمات وتشرحينها ويرددون الكلمات معاك
وترجمين الكلمات اللى مو فاهمينها بعدين تعطينهم ورقة عمل Give example in your own words
أو صور , Match these pictures with the correct word
أو بزل زي البزل اللي نزلته على الوحدة الرابعه
على شكل كلمات متقاطعة

وهذا هو الشكل

http://www.saudienglish.net/vb/uploa...1242402420.zip

أتمنى أكون أفدت الجميع وأبي دعواتكم لي باالشفاء
وأن يصلح لي أولادي

[Snow White*]

الله يوفق كل اللي ردوا علي ولا يحرمهم الاجر
ويسعدهم ويصلح لهم اولادهم يارب...

[شموخ مغتربة]

شكراً لك

و شافاك الله يا الغلا

[همس الازاهير]

الله يوفق كل اللي ردوا علي ولا يحرمهم الاجر
ويسعدهم ويصلح لهم اولادهم يارب...

[آآآآآآآآآآآآآآآمين يارب يسعدك و تسلمي على الدعوة الحلوة
وأبيك تدعين لي بظهر الغيب لأني فعلا محتاجة

[همس الازاهير]

شكراً لك

و شافاك الله يا الغلا

أسعدني مرورك حبيبتي شموخ

[تشوكليت]

الله يجزاك الف خير بصراحة اعجبتني فكرة الرسم مرررررررررررررره انا استخدم البزل بالنسبةلهذا الدرس واحس ان البنات يعجبهم بس لو اضفنا فكرة الرسم للبزل اتوقع بيصير الدرس روووووووعة عموما شكرا مرة ثانية عزيزتي

[تشوكليت]