مجلس التهاني لسعودي إنجلش (شاركونا)

[Lancaster]

السلام عيكم ورحمة الله وبركاته






كل عام وأنتم بخير وتقبل الله منا ومنكم صالح الأعمال

لمن تهدي تحياتك في هذا العيد؟
ماهو برنامجك في أول يوم من ايام العيد؟
موقف طريف مررت به في هذه الأيام؟
هل عقدت النية على صيام ستة أيام من شوال؟


ياويييييييلكم تطلعون وأنتم مارديتوا
<<<<<<< تهدد :(

[Miss Sun]

وأنت بخير و بصحه وسلامه و تقبل الله طاعاتنا و طاعاتكم وصالح أعمالكم أنه سميع مجيب
بالنسبه لي هذا العيد أحلى عيد .... بديناه بصلاة العيد وسماع الخطبه أنا و أمي وأختي وولد أختي والباقي نايمين ....(ما هم وجه عيد )......ورجعنا للبيت بس من طريق ثاني أمتثال للسنه (وأمي طول الطريق تهاوش تضيعينا و تقولين أتبع السنه من متى .....كنا ببيت أختي في الخبر و هو جديدعلينا و الحاره جديده وبغينا نضيع في يوم العيد ومحد درى بس ربكم ستر ورجعنا لطريقنا الأول ووصلنا البيت بعد ما شبعت تهزيء) المهم يوم رجعنا أزعجناهم حتى قاموا ;) وعايدناهم غصب وتحلينا جواهر جالكسي وشالوا نصه بعد.....عشان البزران ما يحرمهم الفطور ..وزعلت و كملت نومتي لأني كنت مواصله .......قمنا العصر ورحنا مطعم دارين نتغدى و كل شوي هالبزران نبي الحمام و إذا راح واحد الثاني لازم يروح ..... و الباقي يطلون على اللي جنبنا ويزعجون ......ناس اتيكيت :cool: وأخوي زعل يقول فشلتون طلعت طلعة حمام مو طلعة غداء.... وما صدق جاء الطلب قال أطفحوا (يعني كولوا بطريقة مؤدبة )و أمشوا ولا تحلمون أجيبكم مره ثانيه للمعلوميه كان عددنا 13 بس وهو الرجال الوحيد معنا ...(.ياعمري يا أخوي تفشل منا ) وأذا ركبنا السياره ((( فان ))) يعدنا يقول يمكن نسينا أحد فكه ... :D لكن كلنا شياطين رازين وجيهنا بالسياره قبله

المهم بعد ما خلصنا من المطعم فر فينا شوي وودانا لجزيرة المرجان ((((ما أحبها ))) لأن كل ما طلعنا ودونا لها مليناها نبي نغير ما فيها شيء بس حنا والجاليات ....... بس بعدين شفنا السفينه وقلنا نبيها بس أمي الله يهديها عيت قالت يطيحون عيالكم يالخبلات ((تقصد خواتي ))يالله رجعونا للبيت هذولي أنهبلن ما عندهن سالفه ... :rolleyes: وعاد أخوي ما صدق ودانا للبيت من دون تفاهم .......فيه مواقف كثيره صارت بهالعيد بس راح الوقت وأهلي ناموا وأنا بروحي ......( :eek: وحده خوافه) أكمل بكره إن شاء الله .........بااااااااااااااي

[سعودي انجلش]

كل عام وانتم بخير جميعا

يصعب علي الرواية والقصة لكن احاول اسرد لكم بعض من مواقف يوم العيد

طبعا في ليلة العيد كنت مشغول بتركيب استايلات العيد لكن نمت وصحيت على صلاة الفجر ومن بعد الفجر استعداد للصلاة

وبعد الانتهاء وعلشان احنا في قرية صغيرة وجميلة وما فيها غير جماعتنا يتم السلام بينا في مسجد العيد وتبادل التهاني

وبعد ذلك يذهب الجميع الى بيوتهم للسلام على من في البيت من اخوات وقرايب واولاد

ومن ثم التجمع مرة اخرى في منطقة قريبة من جامع القرية لتناول وجبة الافطار جميعا كل واحد يحضر من بيته طبق معين .

طبعا العيد هذا غير فقد حضره لأول مره سعودي انجلش الصغير (( ابني فرحان)) وكان هو فاكهة هذا العيد بالنسبة لي وبالنسبة لعيال عمي فهو جديد على العيد

بعده المرور على اقاربنا ومن ثم الرجوع للبيت لتلقي التهاني خاصة انا المركز في البلد

طبعا من أطرف المواقف في هذا العيد والتي مرت علي اني نمت بعد صلاة العصر وصحيت على المغرب وحسيت كأني نمت فترة طويلة صحيت اقول لهم عسى ما صليتم العيد بس وكنت رايح اركض ابي البس ملابسي الحق العيد

بس والله من التعب ما نمت خلال يومين غير 6 ساعات

خلال اوقات متفرقة كنت ادخل على المنتدى اتطمن واشوف ايش فيه جديد

بالنسبة لصيام الست فالحمد لله بديت اليوم الثلاثاء والله يوفقنا الين نتمها ان شاء الله
واسف على الاطاله

كل عام وانتم بخير يا غالين

[اسيــ حبه ــرة]

صرااااااحه .. ذكرتيني بالمـــجـــد ..<<<يا حبني لها هالقناة

راح اقول لكم وش صار عندنا .. مع ان ما فيه شي مهم
طلعوا ابوي واخواني يصلون العيد .. ورجعوا وسلمنا عليهم
وبعدين طلعوا مرة ثانية طبعا ابوي بحكم منصبه المهم
طلع وراح يعايد على جماعته في الدوام..ويسلم على المحافظ ((لازم قبل كل شي ))..
حنا كنا مستعدين بنروح للبيت الكبير نعيّد عليهم ..
لكن اللي في ايديهم مقاليد الامور طلعوا وما فيه احد يودينا ..
واذا جيناهم متاخرين زعلوا .. ((هنا الواحد يقدر يطالب بحقوق المرأة ))
طبعا كلنا قمنا الساعه 7 حتى اصغر فرد فينا (3 سنين)
قام معنا ... لكننا ما رحنا الا الساعه 11
راحت قومتنا على الفاضي ....
ازين ما في العيد جمعت العائلة.. كانت فعلا شي رائع ..

بالنسبة لمين اهدي التهاني؟؟؟
اهديها لخوالي .. واتحسف انا ما رحنا لهم بهالعيد
صراااااحه العيد من دونهم ولا شي...

وعلى صيام الست ... ناويه ان شاء الله
وعسى الله يعين... :cool:

شكرررررررا جزيلا على الموضوع الرائع

[saudiflower]

انا تقريا عيدي زي عيدكم مع فروقات بسييطة..........ااااااااه يمكن انا ابسطها... لكنها في قلبي كبيرة ......
السبب ان الكل عايدني البعييييييد و القرييييييييب الا الحبييييييييييب مع انه الوحييد الي انتظرته.....وتعبت ادور له اعذار مدري وش الحيله... ( طبعا هو خطيبي من 5 سنوات مع وقف التنفيذ)


القيت في لجج المحيط مواجعي
وعقدت عن ذكر الهموم لساني
وحقنت اشجاني بجرعة بسمة
فطرية فتبسمت اشجــــــــااني

[Rano0o0o]

صراحه في العيد لازم نفرح حتى لو فيه أشياء كثيره تضيق الصدر مثل فراق رمضان-حال المسلمين!!.. أول يوم العيد بعد الصلاه متعوده أنا وخواتي نشوف صلاة العيد بمكه ,, بس هالسنه غير فقدنا أغلى الناس أبونا فهد (الله يرحمه ويغفر له)).فحسينا ان فيه شي متعودين عليه وفقدناه حتى في العيد يافهد فقدناك!!....... عندي سؤال مضيق صدري وأبيكم تجاوبوني بصراحه... ليش فيه ناس وللأسف يكرهوا نجاح الأخرين؟؟ أنا اسفه على هالسؤال بس صارت لي قصه بداية هالسنه,,وأثرت على نفسيتي وحياتي ونظرتي للحياه لدرجه كبيره!!!

[Lancaster]

Miss Sun

أشكرك على مشاركتك ياغالية
وننتظرك تكملي باقي السوالف والعلوم


سعودي إنجلش
الله يعينك على كثر المسؤوليات
بس لا تحمل نفسك فوق طاقتها
وصراحة عيدكم شي الله يوفقكم ويديم عليكم الفرحة بفرحان واخوانه

واسف على الاطاله

الكلمة هذي ما أحبها واحنا مانزلنا الموضوع الا للسوالف وفلة الحجاج:)


أسيرة حبي
أشكرك على مشاركتك

ازين ما في العيد جمعت العائلة.. كانت فعلا شي رائع ..

الله يوفقكم ويديم علينا وعليكم الفرحة والسعادة


saudi flower

السبب ان الكل عايدني البعييييييد و القرييييييييب الا الحبييييييييييب مع انه الوحييد الي انتظرته.....وتعبت ادور له اعذار مدري وش الحيله

انصحك بقراءة كتاب الرجال من المريخ والنساء من الزهرة
وأشكرك على مشاركتك


Rano
الله يرحم بابا فهد ويسكنه فسيح جناته

ليش فيه ناس وللأسف يكرهوا نجاح الأخرين؟؟

أختي هذا الحسد اللي أخرج أبانا آدم من الجنة

أشكركم جميعاً على التجاوب
وأعتب بشدة على من دخل الموضوع ولم يشاركنا

[زهرة وفى]

لاعتب ولا شي كل ماجيت اكتب

سبحان الله ينقطع الاتصااااااااااااال

وهالمره ابداء

انا مانمت ليلة العيد

ولما جا الصبح رحنا وصلينا العيد بس ضاق صدري لخطبة العيد ورمضان راح ولا ندري مقبولين او لا بس رحمت ربي وسعت كل شي

المهم رجعنا

وولمنا العيد لابوي عشان يطلع به للشارع

وكلهم راحوا ينامون

وامي وبعض اخواني راحو يسلمون على خالتها منطقه بعيده شوي

وانا قعدت على النت والله وطولت

جت وحده ونص ماشوووووووووف

رحت ونمت ساعتين جت اربع واقوووووووووم

والبس عشان اللي اللي بيجونااااااااااا من بنات عم وعمه

واقعد ليما جت الساعه عشر ونص

ورحت اناااام لاني ماشووووف

وبعدها قمت الفجر لاني باصووووم

تسحرت وصليت ولا قمت الا 2 ونصف شفتي والله النوم حلو هاذي الاياااااام

وبس ان شا الله ناويه اصوووم الست

الله يقبل منا ومنك