الأدب الانجليزي

[saroooooonah]

السلام عليكم ورحمة الله وبركاته جميعا


كيفكم ؟؟ شخباركم ؟؟


امممم
بصراحه مدري اذا ان هذا المكان الصحيح لموضوعي
لكن مالقيت غيره لانه ادب انجليزي وهذا تخصصي

ابقولكم قصة حياتي << برررااا من بدايتها .. هع



المهم والله اني متحطمه 180 درجه

انا دخلت الادب الانجليزي ع اساس انه ممتع وانا اعشق الانجلش
المهم درست الترم الاول وكله مهارات يعني مادرست الادب
الترم الثاني نزلت لي ماده ادبيه اسمها introduction to literature

المهم يوم درست اول قصه بغت تجن جنوووني احس اني زي الاطرش بالزفه
مافهمت شي ابدا حتى اذكر اشياء مرت علي زي
plot
point of view
style
setting... etc

يعني حتى يوم ترجمتها ماعرفت كيف اطلعها من القصه انهرت وقتها وماقدرت اتحمل قلت دام هذي اول ماده ادبيه وغرزت فيها كيف عاد بالباقي
ورحت حذفتها ودرست المواد الباقيه

انا مانزلت الموضوع الا وانا قريت بهالمنتدى قبل اسجل فيه
ومتأمله ان شاء الله انكم تساعدوني وتريحون بالي من ناحيه قسمي للي درس الادب او مستواه متقدم في الانجلش ..





والان بما اني بعطله ابي اقرا لي روايه وافصفصها واقراها برواااقه وافهمها كوويس


ابغى اذا ماعليكم امر تخبروني عن اسم قصه او روايه تكون ممتعه وحلوه واقدر اطلع المصايب اللي قلتها منها بسهوله اللي هي plot , point .. etc


تكفووون سااااعدوني ابي اتدرب عليها وتكون قراءه الروايات والقصص ممتعه وسهله واستخرج كل شي بسهوله
لان الترم الجاي ان الله احياني
بتنزل لي 3 مواد ادبيـــــه والله كل ماتذكرتها خفت حييييييييييل
للمعلوميه انا ولله الحمد مستواي بالانجلش مو مره سئ يعني وسط ودرجاتي كووويسه ولله الحمد
لكن هالماده سببت لي أزمة




آسفه ع الاطاله
والله يوفقكم يارب وينولكم مرادكم

[ܟjust E]

و عليكم السلآم و رحمة الله ~..



يـآ هـلآ فيكـ سآرونآ ^^



بالنسبهـ للروآيـآت ممتعهـ انت بس يبي لك شوي تركيز ..

اي روآيهـ تدرسيهـآ حآولي تقريهـآ بالعربي حتى لو ملخص اهم شي تفهمي عن شنو تتكلم و اهم احدآثهـآ و شخصيـآتهـآ ~..!

ابدأي الحين بقرآية روآيآت سهلهـ علشآن تتعودي ..

من اسهل الروآيآت اللي مرت علي كمنهج king oedipus & pride and prejudice حآولي تقرأينهـآ مررهـ لذييذهـ ^^


و شوفي هنـآ روآيآت أجآثآ كريستي كمآن حلووهـ ^^

http://www.saudienglish.net/vb/showthread.php?t=75574


و أي روآيه في بآلك حطيهـآ وان شآ الله نبي نسآعدكـ فيهـآ ~..



بـــــــــآلتوفيق ~..!

[M.o_o.N]

السلام عليكم ورحمة الله وبركاته
Thank you sweet Soma :)

أهلا و سهلا و مرحبا بك أختي سارونا






Hope You enjoy it here in Saudi English as we all do


^.^

بالنسبه لموضوعك حبيبتي أنتي ريلاكس أول شي و إعرفي اننا كلنا مرينا بهالتجربه مثلك و كنا بيوم في مكانك :) محد ينولد فاهم و عارف و لازم علشان ننجح نمر بمرحله صعبه و نتخطاها بإذن الله




مافية أحد ما يحب القصص صح؟ و أكيد انتي تحبي القصص والافلام الروائية علشان كذا اخترتي هالتخصص




شوفي عزيزتي أول شي وقبل ندرس الروايات الطويله ندرس روايات وقصص قصيره من 12 صفحه مثلا
في قسم الادب الانجليزي نستمتع جدا بقرأة القصه طبعا الان فتره اجازه و راح يهمني انك تطوري نفسك بالقرأه الانجليزية



وتفهمي حبه حبه و اذا ماعرفتي معنى شوفي دورية بالاطلس او القاموس لأن ياحبي مو كل الروايات لها ترجمه :)






و كدارسه أدب لازم تعرفي مصطلحات و خصائص الرواية
كيف يعني؟
أي رواية فيها حبكه و أسلوب كاتب و ذروة احداث و أحداث صح؟
أذن ايش نقصد ب plot
البلوت هذي أحداث الرواية كامله مكتوبه نثرا بإسلوب تحليلي
ايش summary
السمري احداث الرواية لكن بإختصار أكثر من البلوت
ايش events
الافنتز معناها الاحداث اللي بالقصه
وأي رواية تحتوي على شابترز=chapters
طيب ايش معنى climax
هذي ذروة الاحداث يعني اي رواية تكون فيها كذا عقده و توصل ذروة العقد بحيث تتعقد الامور
وبعدها تبدأ الامور والاحداث في الانحلال و نوصل نهاية الاحداث







Exposition
معناها الاحداث

و شوفي كيف ترتفع حتى توصل الى ذروتها بعدها تبدأ الاحداث بالنزول و انفكاك عقدة الرواية و نوصل الى denouement اي الحل او نهاية العقدة


طبعا لما تجي لأي رواية تطبقي الأشياء هذي مو شرط تنسألي عنها لكن انتي نفسك تفهميها







بالنسبه لوجهة النظر او اسلوب الكاتب في اي رواية الكاتب يختار اسلوب من أحد الاساليب
أن الكاتب يروي الاحداث بنفسه
مثل : ولقد رأيت شارلي بنفسي يذهب الى السجن
هنا يظهر لنا أن المتحدث نفسه الكاتب


و فية كاتب يكتب من وجهة نظر احد الشخصيات ولا يظهر الكاتب نفسه من خلال الاحداث مثل
و كان شارلي يفكر في نفسه وكيف سيقابل الامير و هو مدين له_أتت فكره لتشارلي وقرر ان يذهب الى الامير،،،الخ

و فية عده أساليب أخرى

فقد يكون الراوي هو المؤلف نفسه، أو شخصية تنوب عنه في تصوير الأحداث والشخصيات، من دون أن تتدخل في السياق، أو قد تكون الشخصية الرئيسية الفاعلة. وقد تتناوب شخصيات الرواية على القيام بدور الراوي، مما يعدد زوايا رؤية حدث بعينه ويغني إسهام القارئ في التوصل إلى الحقيقة التي ينشدها

اذا جينا الى استراتيجيات الرواية هذي كثيره وحتى أنا ما أعرفها كلها لكن نخمن و نعرفها من الاحداث
مثل روايات تكون الشخصية ترجع للماضي تحكي مواقف قديمه تذكرها اسم هالاستراتيجية فلاش باك flash back
او فية روايات تذهب الشخصية بخيالها الى الحاضر و ايضا لها مسمى الفيوتشر




نجي الى الستايل
أي رواية لها ستايل يعني على حسب العصر اللي كتبت فية
و الكاتب و الستايل نفسه الاستراتيجيات




يعني مثلا انا درست رواية اطفال

كان الاسلوب بسيط واضح

فية سونج حلوة تجذب القارئ

الشخصيات كانت تكرر كلمات كثيره مثل
- lets play , lets play Tom ..
ليش؟
لأنها رواية اطفال شخصياتها اطفال

و كان في الرواية كلمات من الاطفال السبلنج فيها غلط
فهذا عادي علشان يوضح لنا الاطفال مايهتموا بالسبلنج كثير


اتمنى فهمتي علي ^_^





ال setting

معناها الزمان و المكان
و الزمان مقصود به فتره القرن العشرين
العصر الالزبلثي او الفكتوري



والمكان في اي دوله امريكا -اسكتلندا ...الخ


و اذا الاحداث بين لندن والريف

أو في منطقه وحده بس وكذا




الشخصيات تحلليها مثل شخصية رواية او فيلم كرتون نساء صغيرات الأخت جو فاكراها؟
تقولي كانت فتاه جميله و جريئه
تحب الحياة و الدليل ع ذلك روحها و معنوياتها
طموحه جدا و كبريائها كبير
تساعد اسرتها بعد خروج والدها للحرب وتحاول ان تصبح صحفية مشهوره
تقع في حب شخصية من الصحفيين ووو،،،الخ
طبعا بالانجلش ياحبي ^^




ان شاء الله وصل الشرح
و اذا حابه نكمل حطي اي استفسار انا جاهزه لمساعدتك و راح نتفق على رواية او قصه تدرسيها بعدها أسألك و أقيمك فيها
شو رأيك؟

طيب انا راح أبدأ لك كما درست بنفسي


هذي قصة قصيرة او نوفيلا = اصغر من النوفل

اسمها

A DILL PICKLE



http://digital.library.upenn.edu/wom...ss/pickle.html


اقرأيها تراهاااا مرة حلوة




و هنا التحليل تبعها

http://en.wikipedia.org/wiki/A_Dill_Pickle




عادي تستفيدي منه


لكن راح اسألك عن النوفيلا هذي نفسها تقولي انتي بإسلوبك و بفهمك عن البلوت و السمري و البوينت اوف فيو و الستايل و الشخصيات علماً ان هالنوفيلا بس بها شخصيتين لا أكثر


بكرة مع الوقت راح تدرسي روايات اطول و شخصيات اكثر

موفقة حبي

[Petunia]

سوما و مون


الله يجزاكم خير على التوضيح والمساعده


saroonah


الله يوفقك اختي اهم حاجه لا تحطي ب بالك ان فيه حاجه ممكن تكون صعبه ثقي بالله ثم بنفسك


طبعا ماعندي شيء اضيفه مون وسوما ربي يسعدهم ماقصروا

[saroooooonah]

طـــــــالبــــه الانجليزي

ياهلآ فيك قلبي

ماااره حلللوو الرابط تبع روايات آجاثا استانست عليه


ربي يسعدك يارب ويفتحها بوجهك

[saroooooonah]

موووووووووووووووووووووووو ن


بصـــراحه لساني يعجـــــــــز عن شكــرك

مدري شقولك مليوووووووووووووووووووووو وووووووون شكرا ياقلبي انتي
حيل افدتيني لدرجه ماتتوقعين والله تحمست أكثر وانا قريت بدايه النوفيلا اللي حطيتها لي
وانا ان شاء الله ابروق عليها هالايام وابرجع اكتب لك اللي فهمته
عاد الله يعينك على تناااحتي .. ههع



ياقلبي انتي ربي يووووفقك ويسعدك ويفتحها بوجهك وين ماتروحين


وآسفه اذا تعبتك معي عن جد مشكووووووره

[saroooooonah]

pink pen

شكــــــــرا على المرووور والنصيحه ربي يسعدك يارب


ويسعد كل من رد يااارب توفقهم دنيا وآخره

[fun to learn]

تعرفو انا اموووووووووووووووت بالانجلش
وودي ادرسه
سجلت ادعوا لي
اختي ((سارونه)) في روايات انجليزية مترجمة للعربي
صفحة بصفحة اظن كذا اسهل مثل ما قالوا
انا عندي ومرة حلو وممتع
الله يوفقك

[saroooooonah]

^^^

الله يووووووووووووووفقك حبيبتي ويعينك


ايه هي مررره ممتعه وانا ماعندي مشكله مع الترجمه اترجم الكلمه واللي خلفووها .. هع ياشين الحماس الزايد


بس مشكلتي زي ماذكرت كيف استخرج العلل اللي ذكرتها لانها عقدتني حيل

لكن ان شاء الله ياانا ياهي ... ههع


يسلمووو اختي ع المرور والنصيحه