الجــــوف - دومــــة الجــــــندل
جبت لكم معلومات عن ديرتي الجوف
وكمان صور والصور رح تكون متجدده يعني كل فتره رح انزل صور جديده عنها
في البداية المعلومات
تقع دومة الجندل جنوب غرب مدينة سكاكا على صخور تنتمي إلى الدرع العربي، وهي من أهم المناطق الجيولوجية بالمملكة ، وتبعد عن مدينة سكاكا 40 كيلومتراً.
و فيها وقعت غزوة دومة الجندل في حياة الرسول، كما دارت بعد عدة سنوات معركة دومة الجندل في عهد أبي بكر الصديق.
يعود تاريخ دومة الجندل إلى القرنين السابع والثامن ماقبل الميلاد كما ورد ذكرها في المصادر الاشورية باسم أدوماتو أو أدمو، وتضم دومة الجندل العديد من الأماكن التاريخية مثل حصن مارد الشهير وبقايا سور دومة الجندل وموقع التحكيم بين علي بن أبي طالب ومعاويه وبعد ظهور الإسلام غزى المسلمون دومة الجندل سنة 5 هجرية ويسكنها قبائل مختلفة من بني تميم وشمر وحرب والرولة وعنزة والشرارات والسرحان وعتيبه ويتبع لها عده قرى وهجر الرديفه والاضارع وابوعجرم وميقوع والشقيق واصفان واميرها الحالي هو صاحب السمو الملكي الامير فهد بن بدر بن عبد العزيز آل سعود وتشتهر دومة الجندل بزراعه النخيل حيت تعبر نخلة الحلوه من أشهر التمور وافضلها وتشتهر أيضا بحلاوه الماء ونقاوته وتشتهر أيضا يالسنوات الأخيره بزراعة الزيتون وينتج حاليا زيت الزيتون والذي يعتبر أفضل زيت زيتون موجود بالمملكة وله شهره واسعه لطيب مذاقه ونقاوته ويشتهر سكانها بالكرم والجود واكرام الضيف منذ القدم وحتي الآن.
وفي العهد الحديث تقع دومة الجندل شمال المملكة العربية السعودية. من الاثار الأخرى الموجودة في دومة الجندل قلعة مارد و مسجد عمر بن الخطاب
والآن الصور
في البداية حبيت احط صور لقلعة مارد " ما قدرت اصورها حاليا لكن جبت صور من منتديات ثانية "
وهنا مسجد عمر
وهاي الصور اللي انا صورتها ان شاء الله تعجبكم
هاي البحيره
ورح اجيب كم صوره اوضح من الصور هاي
صدق لا قالوا القلوب عند بعضها
والعرق لازم ينبض ..
يسعدني أنه لي سبق الرد الأول
تسلم يمناك بنت الديرة
تقرير ولا أروع
وصور جداً رائعه
ولقطات مميزه
حمستيني نروح البحيره سنيييين عنها
ماشفتها بعد التطورات والمرافق الجديده
باااقة تمر حلوه لك للفطور ^_^
كل الشكر لك
Be Optimistic
بنت الوطن
أشكرك على مرورك العطر
وأشكر لك ردك وتواجدك
ونصيحه لك روحي وقت الفجر جوها ولا أحلى في هذا الوقت
تحياتي لك يا بنت ديرتي
زارها اخوي من سنوات ...
جميلة المدينة كما ذكر وجاب معاه البوم صور واخذتها معاي وهذه وحدة منهم
خلاص الحين فتحوا الطريق السريع بيننا كلها ساعتين وحنا هناك ^_^ بنزورها ان شاء الله
حلوة ان الواحد ينزل صور عن اهم الاماكن في مدينة
فرصة نسأل ونعرف ... <<<< ناوي نيّة ^_^
فيه فنادق عندكم ؟
حدائق ؟
اسواق ؟
كيف الجو ؟
يسلموووووووووو ع الصور
أسمحي لي أرد على أخوي علاء
الفنادق
أحلى شيء عندنا النزل << مالي خبرة كثير
بس النزل أخوي مايمدح خدمتهم أتوقع الساعة 12 خلاص يسكرووون مايرسلون شيء للغرفة لا موية ولا غيرة ^^
حدائق
القرية << ملاهي نسائية بس ههههههههههههههه
في فلب فلاب فن << مطاعم وقاعة تزلج ومطاعم ( مازرته ) عشان الشباب اللي هناك قالت خالتي مايصير تروحن ^^ ومارحنا
وفي الترفهية على طريق المزارع عوايل وصير شباب يدخلونها لحالهم ملاهي وحيوانات <<< زمان عنها أول مافتحت زرتها
أقولك الشباب وين يجلسووون عندنا ع النجيل اللي بالشواررررررع والله يقلون فلة
قهوة وشاي
أسواق
موووووووو حلوة مافي مجمعات وتو فتحوا واحد واللي بالسوق نفس اللي بالمجمع
ما أدري ع الاسواق الرجالية ^^
الجو
لك عليه حررر
بس الفجر ررررررررررهيب أجلس بالحوش
أقول ل أختي الصغيرة ذكريني أماكن سياحية بالجوووف تقوووول ماعندنا ههههههههههه
لا تنسى تصور عشان تنزل لنا الصووور بالعدسة (:
التعديل الأخير تم بواسطة للوله مشوار ; 04-09-2010 الساعة 10:13 PM
*..إياک أن تدل الناس على الله ثمَ تفقد أنت الطريق !واستعذ بالله دائماً أن تكون جسراً يُعبر عليه إلى الجنة ثم يرمى فيّ النار ♡̷̷̷̷̷̷̷
ما شاء الله ( عندنا وعندكم خير ^_^ )
يعني تقريبا نفس الوضع يمكن يفرق المنتزهات حنا اكثر ( 5 منتزهات كبيرة ) غير المرافق
والمسطحات ...
الجو مثلكم تقريبا الا اللهم الجو من نصف الليل يتحسن حتى 6 صباحا ...
يبدوا انها مدينة هادئة ...
الله يحنن قلوب رجال الاعمال عليكم وعلينا
حتى يستثمرون في مدنا ويطوروها .... ^_^
جزاك الله خير اختي للوله مشوار
والله يهنيكم بديرتكم ويبارك لكم فيها وبأذن الله راح ارتب لها زيارة مستقبلا وهذا شرف لي ...
the sea pearl
جولــــة رائـــعة بـربوع دومـــة الـجندل...
سلمكِ المولى ياقمر، ويعطيكِ ربي كل عافـية...
كــــل الــشــكر...
رحم الله موتانا و شفى مرضانا و رد غائبنا.
المشاركة الأصلية كتبت بواسطة علاء
ياااهلا ومرحباااا
بتنــور الديره والله
أكّد هالنيه وأجزم بس ..
ماعندنا فنادق كثيره ..مايحتاجونها ضيوفنا
بيوت أهلها مفتوحه للضيوف وترحب فيهم
بالنسبه للحدائق
عندك طريق نادي العروبه على امتدادهـ مسطحات خضراء
أيام كأس العالم
حطوا فيه شاشه كبييييره تنقل المباريات << ورربي لما نمر من عندهم أحيانا أحسدهم على هالجلسه
فيه حالياً تم افتتاح منتزه قارا << يقولون روووعه بس مارحنا للحين خبرك التحشر لازم معنا بوي
وفيه منتزه الجوبه هذا عاد كان عائلي ولازال بس صار للشباب اكثر
فيه دبابات وصالة ألعاب ومقاهي
بالنسبه للأسواق هنا عاد مافي لك
يقولون فتح سوق جديد اسمه السرحاني بلازا كمان مارحت له ما ادري وش سالفته << روح وعلمني حلو وإلا لا ههههه
والجو حار نهاراً
معتدل ليلاً مع نسمات هواء بااارده عليله ترد الروح
عموماً الأثار حلوهـ والمزارع توسع الصدر
روح اي مزرعه تبي وادخل وخذ تمر واللي تبي كلها تحت امرك
أتمنى أكون أفدتك
أي استفسار انا حاضره
لولو الله يصلحك بتنحشين الرجال خخخخ
Be Optimistic
روح وترثيها قصيدة** انتي دائما رائعة بطلتك
مشكوره على الرد والتواجد معي
علاء يعطيك العافيه أخوي على المشاركه بالموضوع وشكرا على الصور الأكثر من رائعه
بالنسبة لأسئلتك رح ادرج ان شاء الله ارقام الفنادق اللي عندنا وافضل المطاعم وبالنسبه للجو حار في النهار
ومعتدل في الليل
ووبالنسبة للشتاء برد
وأفضل وقت في الربيع بالنسبة للكشتات والرحلات البريه
وبالنسبة للأسواق في تطور كبير في الأسواق وان شاء الله نحو الأفضل
للوله مشوار الله يسلمك حبيبتي بس مو كأنك خليتي الجوف مو منطقه سياحيه
الجوف منطقه في مرحلة النمو في كل نواحيها
وبالنسبة للسياحه ليش ما تكون سياحيه بما انه في آثار قديمه من أيام رسولنا الكريم
انتي ادعي انها تكون منطقه مهمه في السعوديه وانها تتطور بشكل أسرع من التطور اللي ماشيين فيه الحين
Romanciah أشكر لك مرورك العطر ونورتي صفحة الجوف يا رومنسية
بنت الوطن افا عليكي خبيره أفضل مني في أماكن ما عرفتها الا وسألت أخوي صدق عندنا الأماكن
وعجبتيني لما قلتي بيوت أهلها مفتوحه للضيوف وترحب فيهم
فعلا أخوي عادل بيوت اهل الجوف مفتوحه للضيوف
يعطيكي العافيه حبيبتي بنت الوطن وبنتشارك انا وياكي في هالموضوع انتي تخصص اجابة أسئلة و أنا تخصص وضع صور و أرقام " إيش رايك " ؟ هههههه
بنت الوطن شغالة مرشدة سياحية ^_^
هلا بك اكثر والديرة منورة باهلها الطيبين
ما قصرتي الله يعافيك ويجزاك خير
الصورة واضحة الحين ....والانطباع الاولي زين
بس مو كأنكم انت و the sea pearl
مخفين شي وش سالفة ((( البحيرة )))
عندكم بحيرات وحنا ماندري (:
الشكر موصول لك اختي الكريمة
والله يعافيك
في حفظ الله
ههههههههه
أنفع والله بس مايعطون الحر فرصة كابتين مواهبي ^_^
الله يسلمك من طيب اصلك
حلو الحمدلله .. هذا أهم شي
بس عاد احلف انك ماتدري أن بدومة الجندل بحيره!!
مستحييييييل !
أهل الجنوب يدرون وأنت يالجار ماتدري !
من عرفنا الدنيا ودومه فيها بحيره تهبل
والجلسه عندها مع كاسة شاي تعدل المزاج ^_^
وهذه كم صوره لها << ماتبي تحمسك خخخ
طبعاً الصوره هذه بعد التطوير والتحديث
والعمل لازال جاري على تطويرها وإنشاء مرافق سياحية حولها ..
وهذا المخطط المراد تنفيذهـ
ها وش قلت ؟؟
Be Optimistic
بنت الوطن يسلموا على المخطط بس لو إنهم حطوني وخلوني اعمل لهم تخطيط لها لكنت رح أخليها مو بس بحر لا وانزل منها نهر "" مجرد طموح "
علاء معقولة ما كنت تعرف عن البحيره هي فعلا حلوه وبالذات وقت الشتاء والغيوم والهواء
مع انه في ناس يقولون انها مياه مجارير
بس انا ما توقع لأنها لو انها مجارير كان يوم تقعد عندها تطلع ريحه مو زينه
لكنها مياه أمطار متجمعه في منطقة وحده ومن زمان
وان شاء الله اللي ما شافها يشوفها عندنا
تحياتي لكم وكل عام وانتم بخير وعيد سعيد علينا وعليكم وعلى كل المسلمين
ماشاءالله مرشدآت سياحيات..
انا قبل سنة تقريبا مرينا عليهـآ
ودومة الجندل والاثار كانت جميلة
وعرفت اشياء اجمــــــل منكم
the sea pearl
بنت الوطن
للوله مشوآآر
شكــرآآ من الاعمــآآق
ولكم اطيب المنى
مهـرة الـروح
مآ شآء الله ...
روووووووعه ..بإذن الله نزورهآآآ..
شكرآ لكم ...
قال الشيخ ابن باز - رحمه الله تعالى -
(الحياة في سبيل الله أصعب من الموت في سبيله)
the sea pearl
ههههه بلاهم ماعندهم سالفه ماعرفوا يختارون (:
مهرهـ
دمبلس
ياهلا وغلا
العفوووو
حياكم الرحمن .
Be Optimistic
لما قرأت العنوان فز قلبي
على طاري بحيرة دومة أذكر مره وحده رحت لها مع العائلة (كنت صغييييرة) وليييتني مارحت لها صار لي فيها مووقف >عقدني<
الي هوو>>
لما وصلنا قلت:بااااابا هذا بحر جده؟؟؟
ههههههههههه
عاد إلا الآن يتذكرونه أهلي ولما يجي طاري البحيرة يقولوا:فلانه بحر جدة
مشكوورييييين ع الموضوع
وسوري ع الاطاله
لو ظل التخلف في مجتمعاتنا فسيأتي السياح يتفرجوا علينا بدلا من الآثار.............................................. نجيب محفوظ
ضوابط المشاركة
]
.gif "Smile (93)")
.gif "Smile (42)")
المفضلات