ارجع البيت مهمومه وطموحي زيرو بسبب تركيبي للجمله

[شرف فتح الباب]

اتمنى للي يقدر يساعدني يتقدم انا الحمد الله عندي لغة كويسه من خلال دراستي بس مشكلتي ما اقدر احاوربس بالنسبه لمفرداتي زينه الحمد الله لكن كيف (اركب جمله) او مثلا (ابغى اتكلم مع احد بالانجليزي) شلون ابدأ ..شلون اركب الجمله ... للاسف الشديد عدم وميح وما عندي اي خلفيه من هالناحيه.. يعني لما اجي اكلم احد ما ادري هل اقوله got it
او get it لما اجي اسال بايش اسأل خاصه انه فيه صيغ كثيره ممكن ابدأ منها فيه جمل اشوف ال IS فيها وفيه جمل ما الاقي فيها يعني يبغالي بس احد يمسكني شوي ويشرح لي بالتفصيل ياليت لو احد اقدر اتواصل معاه لان المواقع ما اتوقع بتفيدني كثير لانه يبغالي اتعلم التكلم الحين ..
أسال الله العلي العظيم للي يفرج همي ان الله يفرج همه ويفتحها عليه (نفسيتي تعبت)..

[AMD.HA]

السلام عليكم كيف الحال انشالله تمام

شوف اخي\اختي

أنا كنت مثلك أول بالظبط عندي مفردات كثيره بس مشكلتي مااعرف اركب جمل

بس الآن أنا اعرف أركب جمل وكلشي

الحل أنك اذا تبي تتعلم تركب الجمل حاول تشوف الأفلام بدون ترجمه يعني بس تسمع كلامهم
لأن اذا كنت تشوف الفلم بدون ترجمه بتكون تدقق في الكلام والحوار بين الشخصيات الي في الفلم أكثر لما تكون مافيه ترجمه عربيه وأستمر بمشاهدة الأفلام بدون ترجمه ودقق في كلام الشخصيات وأنشالله بتتعلم بسرعه مثلي أنا بس خت فتره قصيره جداً أمشي بهذي الطريقه والآن أنا ماعندي مشاكل في تركيب الجمل والحوار بين الناس

واذا تبي تترجم الأفلام بعد بيكون أفظل وبتتعلم أسرع

بالتوفيق لك

أتمنى اني افدتك ولو بقليل

[آنسهOoفكره]

أهلاً شرف فتح الباب.. =)
شوفي أختي حلو أنك عارفة و محددة وش مشكلتك و هذا بيسهل عليك في البحث عن الحلول..
بناء على الي تقولينة أختي واضح ان مستواك حلو بس يبيلك شوية ثقة في نفسك
يعني قولي الجملة و لا تترددين كثير اذا صح جميل جداً و اذا خطاء بتلقين الي يصحح لك أو يعلمك انها خطاء و ما تكررينها..

يبيلك تسمعين كثير و تراجعين القرمر تبع تكوين الاسئلة
الأسئلة لها اغراض كثيرة و باختلافها تتختلف اداة السؤال..

أنا متفرغة و مستعدة اساعدك اذا حابة..

ما ابغاك تشيلين هم و تضغطين نفسك ..
و أتذكري..
العلم ماله نهاية أبد و ما راح نتعلم كل شي بدون شوية صبر و مثابرة..
موفقة خير..شرف =)

[شرف فتح الباب]

اخوووي amd و انسه فكررره ربي يجزيكم الفردوووووس ع النصائح وراح احاووول اطبقهااا مشكووورين كثييير ما تدرون قد ايش فرحت وسعدت بتواجدكم وبأقتراحاتكم ربي يسعدكم
اختي فكرة ما ادري وش اقولك بصراحه كلامك انه يبغالي ثقه صحيح لانه استحي اني اتكلم انجليزي واتردد كثير لاني ما اعرف اركب وصح المحاوله يبغالي اغصب نفسي عليها بصراحه حاسه اني ببكي نصيحتك لي باني ما اضغط ع نفسي ومساعدتك لي ألجمتني يارب يفرج همومكم مثل ما ساعدتوووني ياااااارب

[شرف فتح الباب]

طيب بس عن كيفيه التواصل

[M.o_o.N]

السلام عليكم ورحمة الله وبركاته

:‏)‏ ليش هالزعل و النفسية
الحمدلله أولا واخيرا
الاخوان ماقصروا وانا معهم تذكري محد فينا انولد يعرف انجلش و يتكلمها بطلاقه كلنا مشينا خطوة خطوة
مافيها شي لو اخطأتي فإحنا من اخطائنا نتعلم
و صيري قوية و واثقه من نفسك لاتستحي او تخافي واعرفي ان اللغه مهما صرتي بارعه فيها راح تظلي تتعلميها طول حياتك وفي ابسط اعمالك ^^
تركيب الجمل بسيط جدا
انتي من نفسك اذا قلتي الجمله خطأ راح تحسي بالركاكه و هذي اول خطوة نحو التعلم الصحيح فالخطأ يخليك تصححي لحد توصلي للتركيب الاجود
اللغه الانجليزية بسيطه جدا و تراكيب الجمل ابسط و تمشي في قواعد معينة و لاتخلو من القاعدات الشاذة
الاكثار من القرأة والالمام بقواعد الانجلش يساعدك كثير في فهم طريقه التركيب و سبب مجيئها في سياق معين

طولي بالك ولايضيق صدرك
يسار يمين بالاخير راح تكافحي وتنتصري ^^
دعواتي لك بالتوفيق

[آنسهOoفكره]

شرف =) ممكن نتواصل هنا او زي ما تحبين..

[فـيصـل]

شرف حياك ربي..

ويحك...خذي نفسك...

شهيق...خذي معي شهيق لمدة 4 ثواني...((سويه الحين))

وبعدين امسكي نفسك لمدة 5 ثواني..

وبعدين زفير على اقل من مهلك...

كرريها اكثر من خمس مرات..!! دي الوئتي..

اوك سويتي.....الحمد لله ان شاء الله الحين مرتاحه اكثر..

شوفي وانا اخوك..انا اتوقع من ناحية التحدث لو ألفت كتاب عن المواقف المضحكه والنكبات اللي كنت اقولها

كان بيصير الكتاب له مبيعات تنافس كتاب (( لا تـــــــحــــــــزن))

يعني من أول يوم قررت فيه اني اتعلم مافيه يووم فكرت في الخطأ..يعني كنت اقول مستحيل شخص في العالم

يتعلم لغه كذا على طوول من دون أخطاء..لازم يخطي..ولازم يتعلم من الخطأ ..

علشان حتى في المستقبل يفيد غيره..صح ولالا..

اول شيء علشان يكون التحدث عندك تمام...
وان شاء الله الطريقه هذي بتعجبك واذا طبقتيها
بيقولون لك....طلعتي برا ...درستي برا..

خذي الوصفه...اربع ملاعق طحين..وو

لالا وينك امزح..

شوفي اول شيء ...اسمعي
ادري بتقولي في نفسك وش اسمع...
انا ما راح اقولك اسمعي شيء او شاهدي شي معين
بس اقولك شوفي اللي يعجبك...واسمعي اللي تحسي انه اقرب لك..

في ناس تحب الافلام..وفيه ناس تحب المواقع الاخباريه...الخ..

الشيء الثاني...هو انك تروحي لليوتيوب...
وتكبتي كيف تتواصل بفاعليه او كيف تكون مميزاً في التواصل...

طبعا بالانقلش..وشوفي الطرق في التواصل...بالانجلش

الشيء الثالث انك تحاولي تتكلمي مع نفسك ولو في البيت...يعني تخيلي انك ..في موقف وأبداي
في التحدث ولا يردك شيء واصلي علشان تاخذي على التحدث..

اخر شيء وهو انك تحاولي تحفظ بعض ال
phrasal verbs
وفيه مواقع كثيره توفرها لك مع الجمل ..

منها..

http://www.englishpage.com/prepositions/phrasaldictionary.html

وايضاً

http://www.eslcafe.com/pv/

المواقع كثير شوفي اللي..يعجبك..

وحاولي انك تطبقيها...وانتي تقرينها...

الله يوفقك وييسر امرك..

واي سؤال انا حاضر..

[شرف فتح الباب]

أسأل الله العظيم رب العرش الكريم أن ربي يفرج همكم وربي ما قصرتوا عسى الله يرزقكم السعاده ..
<<بتبكي
آنسه فكره يا لبى قلبك وربي ما تقصرين الله يبيض وجهك اووكي راح احاول اكتب أسألتي هنا اذا عاادي ...
ماهي بغريبه عليكم اهل النشامه مشكوووووووورين كثير ..
موووووووون روحي اللهي يجبر بخاطرك كلماتك خففت علي كثثثثثثثثثثير ما ننحرم يا رب من ناس مثلك ....
اخوووووي فيصل ههههههههه راح اخذ نفس عميق صدقوني انتوا حمستوني كثير اني ارجع اتعلم وبقووووووووووة ااااااخ ما تدرون قد ايش احتاج دعم مثل كذا واني ممكن اني اخطي وما استحي بالعكس يقولكم النجاح يحتاج طمووح <<قاعده تنصح نفسها معاكم الله يجزاك خير اخوووي والنعم فييك ومشكووورع الموواقع ..
ما تندمت يوم اني جيت هنا ومنتدى سعودي انقلش الكثير يعتمده بس الحين كبر بعيني زياده ..

[شرف فتح الباب]

اخووووي فيصل عجبتني كثيير الفريزل فيرب اول مره اقرأ عنها روووووووووووووووووووووووو ووووعه ..بأذن الله راح تفيدني كثثثير
الله يجزاك الجنه قوول امين ..

[K!nG G!rL]

الله يوفقك ياارب ويحقق طموحك حتى انا عندي نفس المشكلة بس دحين اتعلمت من الاخوان الله يسعدهم يارب

[شرف فتح الباب]

كينق جيرل ممكن تشرحين لي كيف تعلمتي وايش المشاكل اللي كانت عندك وايش سويتي لحلها مشكوره لمرورك حبيبتي ...

[شرف فتح الباب]

آنسه فكره اول سؤال لك هو فيه صيغ اسئله كثيره اقدر ابدأ فيها وهذا اللي محيرني يعني متى ابدأ ب..
what -who which
- did- does
is -are
ومشكوره حبيبتي ع مساعدتك ما راح انساها لك ...

[آنسهOoفكره]

أهلاً شرف =)
i hope your doing fine ..
طيب يا أبلـــــــــة شرف =)أدوات الأسئلة تختلف بإختلاف المطلوب ..يعني وش هدفك من السؤال وش تنتظرين تكون الاجابة!

فمثلاً انتي تبين الاجابة بس بنعم او لا ..
هنا يكون سؤالك يبداء بي

do/does, am/is/are or have/has
هذا النوع نسميه.
.Closed questions
they demand a yes/no, true/false or right/wrong answer.ما نجاوب بمعلومات او نفاصيل بس تكون الاجابة زي ما وضحت فوق..

مثلاً..
do u have a story book..?
no , i dont
السؤال ما يبغى معلومات و تفاصيل بس نرد بنعم او لا
بحسب المطلوب

..
اما عن السؤال متي اختار بين
is - are - was - were
or
do - does - didاذا كانت الجملة تتكلم عن كينونة نستخدم V.to be
مثلا
I am a teacherلا استطيع ان اقول
I do a teacherلآن الكلام عن الكينونة
مثل ذلك
I do my homeworkلا يمكن في هذه الجمة ان استخدم V.to be
لأنني اتكلم عن افعالي وليس عن نفسي ( كينونتي)
ومثل ذلك في عمل السؤال..

..
طيب فية نوع ثاني الي هو W.H
اي اداة سؤال تبداء بهالحرفين نسميها W.H َquestions
أو open Qs..لان اجابتها تتطلب معلومات و تفاصيل مو بس نعم ا ولا .. نفي او اثبات..
طيب..

نبداء هلأسئلة بي
what, when, where, which, who, whom, whose and whyو ممكن howبعد ..

مثلاً..
how r u..?
i'm fine thank u
السؤال تطلب اني ارد بمعلومة او خبر مو بكلمة نعم او لا,,


,,,
http://www.learnenglish.de/grammar/questiontext.htm

هذا موقع فيه انواع اسئلة ثانية
في كل اسبوع خذي نوعين و حاولي تطبقينهم على طول اختبري نفسك =)..

..
ان شاء الله قدرة اساعدك..
الله يوفقك و يسهل امورك يا رب..

[شرف فتح الباب]

أبدعتي وربي انسه فكررررررررررررررررررررره .. كفيتي ووفيتي لا خلا ولا عدم مررررررررره شيء
شرحك ممتاز ماشاء الله يجنن ...graet job sweety
ادعي لي اني اجي ابشركم بان المشكله انحلت ..
متفائله والحمد الله والله كريم ان شاء الله ابيض الوجه وابدأ اجتهد عشان ما يروح مساعدتكم كذا ..
وربي اني ادعي لكم يارب يحقق لك اللي تمنين انسه فكره ولكل اللي في الصفحه ..ربي يحفظك يا الغاليه
(لكم مني دعوه خاصه ولك انسه فكره )

[آنسهOoفكره]

تسلمين يا شرف =)
بأنتظار اخباار مفرحة منك..

أنا جداً معجبة بأصرارك شرف على انك ما ترضين بوضع اقل من قدراتك..
روحك مفعمة بالأمل..و هذا شي أسعدني جداً.. =)

الله يحفظك و يوفقك يارب..
و مشكورة على الدعوات الطيبة ..
كثري منها تكفين خخخ ^^..

[M.o_o.N]

آنسه فكرة

متابعه رائعه و شرح وافي حبيبتي
ربي يسعدك و يحقق امانيك

[K!nG G!rL]

شووكرن انسة فكرة حتى انا استفدت منك :)
انا ياشرف مشكلتي انو ماعندي الجرأة اخاطب بالانقلش اخاف اغلط ولا اكلج
بس كويسة الحمد لله في المفردات واعرف اركب جملة ع حسب ماابغا بس ماعندي الجرأة اتكلم وانطق وفية كثييير نصحوني اقعد ع الأفلام واهوه جالسة احاول
والله يوفقني ويوفقك ويوفق الجميع :)
تحياتي

[آنسهOoفكره]

moonالله يجزاك خير =) و ياك يارب..
إدلي بدلوك .. أفيدينا =)

..

king girl..و ياك يارب ..الله يوفقك و يسهل امورك
=)