موضوع انساني

**مس سوزي** · 09-10-2010, 05:08 PM

السلام عليكم جميعا حابه افضفض واطلب المشوره في نفس الوقت في مدرستي ماسكه20 حصه ثاني واولى وثالث ثانوي فاضين من اول الترم مافيه معلمه وفجأه جتني المديره تقول اتركي ثاني وامسكي ثالث وانا ماشيه معهم بالمنهج قربنا نخلص اليونت ون يعني كل تعبي راح سدى والله انامتضايقه حدي

وش رايكم هي رافضه تناقش تقول مسؤليه علي كمديره اني تاركه ثالث وممشيه جدول اول مالحل ياهل الخبره لو انتم مكاني وس بتسوون الله يجزاكم خير

**جده غير1** · 09-10-2010, 05:37 PM

هذي الحركة اللي ترفع الضغط
ومن حقك كمعلمة انك تتمسكي بفصولك
ومسئوليتها كمديره انها ترفع بالاحتياج عشان يجيبوا معلمه لثالث
فينها من اول
دوبها تنتبه ان ثالث فاضين؟؟!!!!!
انا اكره هذي السياسة العوجاء عند كثير من المديرات والموجهات
يريدون تحريك المعلمة بالريموت كنترول
وكأنها آله
وليست انسان من لحم ودم
اقول تمسكي بفصولك واذا لزم الامر كلمي موجهتك
والله يعين على إدارات الحريم.....

**Prime Rose** · 09-10-2010, 09:20 PM

هلا فيك..

من حقك تتضايقين من موقف مديرتك معاك..

وصدقيني.. ومن تجربة طويلة.. ماراح تستفيدي شيء من تصادمك مع مديرتك..

غير التعب.. وضيقة الخاطر..

لكن لو نظرتي للموضوع من نظرة ثانية.. بتلاقين إن منهج ثالث _ حتى ولو كان منهجه واقف _ إلا إنه أفضل بمراااااااااااااااااااااا اااااااااااحل من منهج ثاني..

من رأيي :

بكرة روحي لمديرتك.. وبكلمتين طيبة وضحي لها موافقتك على تدريس ثالث.. وإنه هذا بس عشان خاطرها.. وعشان مصلحة الطالبات والمدرسة عموماً..

وبكذا.. تكسبينها.. وتكسبين أحلى منهج بين مناهج الثانوي..

وصدقيني إنتي الربحانة..

موفقة

وووبس!

**مس سوزي** · 10-10-2010, 07:56 AM

المشاركة الأصلية كتبت بواسطة prime rose

هلا فيك..

من حقك تتضايقين من موقف مديرتك معاك..

وصدقيني.. ومن تجربة طويلة.. ماراح تستفيدي شيء من تصادمك مع مديرتك..

غير التعب.. وضيقة الخاطر..

لكن لو نظرتي للموضوع من نظرة ثانية.. بتلاقين إن منهج ثالث _ حتى ولو كان منهجه واقف _ إلا إنه أفضل بمراااااااااااااااااااااا اااااااااااحل من منهج ثاني..

من رأيي :

بكرة روحي لمديرتك.. وبكلمتين طيبة وضحي لها موافقتك على تدريس ثالث.. وإنه هذا بس عشان خاطرها.. وعشان مصلحة الطالبات والمدرسة عموماً..

وبكذا.. تكسبينها.. وتكسبين أحلى منهج بين مناهج الثانوي..

وصدقيني إنتي الربحانة..

موفقة

وووبس!

الله يطمن بالك ياللي رديتي علي انا راي كان مثلك بس خفت تستغل الموقف وتقول كملي نصاب 24 حصه

**Prime Rose** · 10-10-2010, 08:43 AM

هلا بك..

كم عدد زميلاتك من نفس التخصص في مدرستك؟

**مس سوزي** · 10-10-2010, 11:45 AM

احنا معلمتين فقط وحاليا بس انا الموجوده المعلمه الثانيه ماخذه مرضي ثلاثه شهور ...والمدرسه فيها 9فصول ....................

**ツأميمة الأحمديツ** · 10-10-2010, 12:31 PM

اعملي طرزان
واجمعي البنات في الساحه ودرسي
ههههه
يمين الله هذي الفوضى بس في مداري البنات
البنبن وقفوا المدراء عند حدهم
وكل 4 سنوات يغيروهم
اما المستعمرات اللي عندنا
يعاملوننا كأننا لاجيئين
وكأن المدرسه مستوطنه
انت اقوى بالنظام
ويا جبل لا يهزك ريح
الله يعينك

**Prime Rose** · 11-10-2010, 12:53 PM

مس سوزي

احنا معلمتين فقط وحاليا بس انا الموجوده المعلمه الثانيه ماخذه مرضي ثلاثه شهور ...والمدرسه فيها 9فصول ....................

مجموع الحصص في مدرستك = 36

و معناته يفترض نصاب وحدة منكم يكون 16 والثانية عشرين حصة..

ويفترض بعد.. إنه المعلمة اللي تمسك ثالث ثانوي _ خاصة لما تكون مش راضية _ يكون نصابها أقل من زميلاتها..

معناته نصابك المفروض يكون 16 وزميلتك تاخذ الباقي...

أما عن إجازة زميلتك.. فيفترض تطلب الإدارة بديلة عنها.. حتى تشيل مناهجها..

أما مسألة تكميل نصاب..فهذا شيء مب منطقي.. ولا معمول فيه. خاصة في المدارس الثانوية..

وإنتي شوفي كيف أوضاع زميلاتك في المدارس الثانية من نفس التخصص..

إذا كاانوا مرتاحين.. فلك الحق تطلبين أحد يساعدك..

أما إذا كان الكل مضغوط.. ممكن يندبون لك معلمة ندب جزئي.. وتقلل عليك النصاب..

وفقك الرحمن