هدايا للدارسات

**الحنش الذهبي** · 22-05-2011, 03:05 AM

السلام عليكم ورحمة الله وبركاته
حبايبي ابغى منكم تشاركوني بالهدايا الي بأعطيها للدارسات مو عارفه ايش اهديهم ابغى رايكم
جولي

**j o r y** · 22-05-2011, 04:10 AM

اذا دارساتك كبار اعطيهم شئ يناسب أعمارهم
مثلأ حاجات يستفيدوا منها في المطبخ أو تحف

واذا صغار عاد هنا بتلقي أشياء حلوه تناسبهم بالسوق

بالتوفيق

**رنى** · 22-05-2011, 12:38 PM

انا مع جولي ,,

اهم شيء تكون مناسبة لاعمارهم ,,,

وحاجه يستفيدون منها ,,

مب فتره ويرمونها !!

**سكرره** · 23-05-2011, 01:17 AM

انا اقول لك
مع كثرة المسابقات اللي اسويها لهم صارت عندي فكرة عن الهدايا
مثلا اهديتهم اواني تقديم حلوه وشيك للشوكليت او للمعجنات
وقيمتها رخيصه بس ب 20 ريال للحبة طبعا للفائزات بالمركز الاول
وممكن تهدينهم اباجورة .. بيالات شاي .. كاسات ... قطاعة خضار .. خاتم التسبيح
مجموعة علب الشاي والقهوه والهيل ... مناشف ... علب صابون الورد

اما اذا كانوا صغار بالسن ممكن تقدمين لهم بوكس ومليان كليبات واكسسوارات شعر
او كاسات ومليانه شوكليت ومغلفه طبعا وعليها كارد .. وسادة شيك مثل شكل القلب
دفاتر تلوين والوان .. عرايس من الحجم الكبير للاولى مثلا يستانسون عليها الصغار

ولو تروحين محلات بوريالين واكثر بتلاقين فيها حركات حلوه
اتمنى اكون افدتك

**Anori** · 23-05-2011, 11:46 PM

احسن شئ قران واذاكار و تسبيحات للكل

وتتميزين الطالبات الشاطرات بجوائز احلا ومثل مااذكروا الاخوات تناسب اعمارهم

**Tofi** · 12-11-2011, 11:14 PM

للكبار... ممكن فناجين شاي و قهوة , أو كآسات عصير , او لوحات عليها عبارة دينية مثل (سبحان الله ) , (الله أكبر) <<تلاقينها في محلات الخردوات
للصغار ,, أكواب للنسكافيه ,, انا مره اشتريت أكياس تل وحطيت بكل كيس شباصة + بكله ,, كانت حلوه وعجبتهم..
(((( على فكره الهدايا وقعها عجيييييييب ,, يعني يا معلمات يا حلوات لاتغفلو عنها ,, مو شرط بمناسبه
ممكن في الحصه إلي بتشرحي فيها حرف I ice cream تجيبي آيسكريم للدارسات ,, أو P pen قلم مربوط بشريطه لكل دارسه , J juce عصير تفاح او برتقال او ليمون بما إن هذه الفواكه إلي أخدوها والله تسوي مفعول حلو << مجربتها والله ))))))

**Portugal** · 13-11-2011, 07:31 PM

ماشاء الله افكاركم حلوة
و عني أنا استخدمت الأكواب \ الشباصات \ الأقلام \ الشموع \ العطور اللي مابين 20 إلى 40 ريال !
و بالنسبة للهدايا عشان ما يصير لك استنزاف مثلي كنت أي جواب من دارسة أعطيها هدية و صار لي استنزاف كل اسبوع اتقضى هدايا !!! راح الراتب و زيادة ههههههههه
لأ ...صرت أخصص الجواب المميز بهدية مميزة و الجواب العادي ممكن أقلام أو شئ قيمته أقل !