أبله منيره ياعيوني .. موقف طرييف جداً

**حلااتي بحركاتي** · 24-09-2011, 04:13 AM

على لسان أحد الشباب ..

عزيزي الشاب ..
إذا كنت تحوس تدور بيت لأهلك ..
أو كنت تبحث مع عروسك عن مقر للعشه الزوجيه ..
أو ناوي تسكن لحالك ..

فَ انتبه نعم انتبه

ومره ثالثه انتبه

انتبه تسكن جنب ابتدائية بنات ..

مهما كانت الظروف و المغريات ومهما كان اجار الفيلا او الشقة رخيص

حتى لو قالوا لك اسكن جنب بليس وافق بس بلاش ابتدائيه بنات

اسمع كلامي

و الكلام ذا ما جا عبث

بل بعد معاناة 3سنوات !!!

وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن وبعد كر وفر

و دخلت الشقه وانا مزهو بنشوة الأقحوان والعنادل ترقص في فضاء الشفق وهي تغني سكري يا ورده فتحي يا ورده

و انا مبسوط قاعد اغني

لين ما اشرق الفجر

و بعد سبع دقايق من وضع راسي على المخده ، كنت على موعد مع الكارثه المأساويه

قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران

ابتدائية البنات اللي جنبي

لا حوووووول ، قلت يا ولد خلك انت الكبير و اصبر لين يقضي الطابور وكل بزر يذلف على فصله

لكن هذا كله تسخين لان الوناسه بدت يوم دخلوا البزران الفصل المقابل

لغرفتي

يا ربي

وش سويت بدنياي

تصدقون

انا لي عشرين سنه وانا ادرس ما حفظت سارعي الا يوم سكنت بالشقه

و ياليتها جت على سارعي ، حفظت كرتي كرتي ما أحلاها ، و هري يلعب فوق السطحي

بس ما انجن وتفلت أعصابي ألا اذا دخلت أبله منيره فصل ثاني جيم

( اللي هو الفصل اللي جنب غرفتي )

لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون

اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت

بعد السنه الأولى تأزم الوضع

لأن اول كانت ابله منيره تسيير على الفصل في اليوم حصه و لا اثنين

الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل

في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه

وصار عندي شعور غبي هو اني حسيت اني ساقط وعايد ثاني ابتدائي

( طيب على الأقل غيروا و حطو جنبي ثالث)

لكن في السنه الثالثه

بديت اخش جو صراحه

( الشكوى لله )

وصار عادي انك تشوفني ماشي في الشارع وانا اغني

في مدرستي دار الحب ..... العب اجري انا وصحبي

لا وتدرون متى اكيف الى منه دخلت ابله منيره الفصل وقالت

السلام عليكم

عاد ارد انا مع البنات ونقول وعليكم السلام ورحمة الله وبركاته شرفتينا ونورتينا ياأبلة منيرة <== بصوت عالي متحمسين

الين جا ذاك اليوم الأغبر

( مثل باقي الأيام اللي راحت )

وكنت ابحتفل بمناسبه حلوه وراجع الشقه بدري و انا مبسوط

دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت ـ ( حافظ جدولهم )

و الله و اشغل [ المسجــل] وافتح الدريشه لان الجو كان حلو و دخلت اتروش و اتزبط

المهم بعد فتره

سمعت جرس الباب ، استغربت منذا اللي جاي هالحزه ، فتحت الباب وانا لابس الفوطه واخرخر مويه

و اذا والله فراش المدرسه و معه ورقه ومدها لي

اناظر الورقه وطلع محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك وشكرا

التوقيع

الأساتذه الفاضله منيره ..

ههههههههههههههههههههههههه ههههههههههههههههههههههه



^ ^ ^

آنا أشهد أنه مقروود والقرااده كله عَ راااسه والله مسكييين ويكسر الخااطر ..

**♥√•كـ ♫ ـانت ‏هـنا㋡** · 24-09-2011, 05:08 AM

لا تعليق

**♥√•كـ ♫ ـانت ‏هـنا㋡** · 24-09-2011, 05:32 AM

كل الشكر حلاتي ^_^

**bigevil** · 24-09-2011, 09:02 AM

ههههههههههههههههههههههههه هههههه
هههههههههههههههههههه
هههههههههههههه
هههههههههه

فللله من جد

انا اعجبتنى ابله منيره ذي وودى اخطبها

<<<<<<<<<< فطس ضحك

**sosaso** · 24-09-2011, 10:24 AM

ههههههههههههههههههههه
والله وناسة الله يخليك ياأبله منيرة ويكثر من أمثالك

**بيلسآآن** · 24-09-2011, 12:40 PM

ههههههههههههههههههههههههه ههههههههههههههههههههه

يسلموو .. انا جربت الشي ذا .. كنت اروح مع بااص وناخذ معنا بنات ابتداائي .. الله لا يوريكم .. قمة الإزعااااج .. مع الوقت حفظت الانااشيد وصرت ارددها معهم

**sabbbbbah** · 24-09-2011, 02:25 PM

ههههههههههههههههههههههههه ههههههههههههههههههههههههه ه من جد عذااب احنا جنبنا ثاااانوية اولالالالالالالالاد وهاتك يالتفحيط اخر الدوااااااااااااااام 0000000000000000شيئ

**joood-ksa** · 24-09-2011, 04:32 PM

ههههههههههههههههههههههههه ههههههههههههههههههههههههه هههههههههه
يووووه والله تذكرت ايام الابتدائية يازينها

من جد حمااااااس ونقول الاناشيد باعلى صوووت

والتحية الرسمية شرفتينا ونورتينا ياأبلة .... هذي لازم نقولها
ههههههههههههههههههههههههه هههههه

يسلموووووووووو عالموضوع اعجبني وبقوووووووة

**Forever13** · 24-09-2011, 04:49 PM

ههههههههههههههههههههههههه ههههههه
مشكوره

**حلااتي بحركاتي** · 26-09-2011, 05:36 AM

*Sense *
الشكر لكـ ع المرور يالغلاا^^

bigevil
اشكرك بعنف <<< ...
هههههههه

sosaso
آآآآآميــــن ههه يسلموو ع المروور^^

**حلااتي بحركاتي** · 26-09-2011, 05:42 AM

بيلسآآن

هههههه مجربــــــــه
تشكراات على تواجدك ^^

sabbbbbah
يووه الله يعنيكم .. عاد ثانويه العيال في قمة الاستهتااار ..
اسعدنــــــــــي وجودك يالغلاااا ^^

joood-ksa

هههههه شفتي ذكرتك بالمااضي الجمييل ^^
اسعدنـــــــــي مروركـ ^^

Forever13
العفوووو يالغلااااا ^^
نوورتـــــــي ..

**أميــــرة** · 26-09-2011, 04:14 PM

ههههههههههههههـ ..

الله يـعينـهـ موع ـانـااهـ ..

ذكــرتـيني في إياام الأبـتدائي كـانت الح ــمااس ..

وع ـليكم الســلام ورح ـمة الله وبركـاااتهـ ..

كنـاا نمدهـاااا ..

يـع ـطيكـ .. الـع ــافيـهـ ..