لو سمحتوا ممكن الدخول

[طالبه بالحياهـ]

السلام عليكم ورحمة الله وبركاته

بصراحه ابي مساعدتكم

انا ابي اتعلم اللغة الانجليزيه بطلاقه ...وحاولت بس ماقدرت

انا حتى الحروف ماعرفها بترتيب ...


تكفووووووووووووون ساعدوني ... طلبتكم مالي غيركم

[محمدمج]

موفقـــــــــــــــــــــ ــــــــــــــــــــه

[بيلسآآن]

وعليكم السلام ورحمة الله وبركاته ...

الله يوفقك ان شاء الله ... شوفي انا طالبة لغه انجليزيه .. صح اني استفيد كثير من الدروس بالجامعه وخصوصا ان كل الدكاتره والاساتذه .. مو عرب ولا يعرفون بالعربي شي .. عشان كذا اضطر اني اسمع انجلش طوول اليوم .. بس مع كذا مو كفايه ..

جبت كتب قصص انجلش ... طبعا ذي مررره حلووه وتفيدك كثيير .. والقصه الوحده اقريها اكثر من مرره لين تحسين انك حاافظتها ... وفاهمتها .. طبعا من غير ترجمه ..
حاولي تتفرجين على براامج انجليزيه .. وافلام مو مترجمة ... بستفيدين اكثر .. الترجمة هي اللي تخرب لا تطالعين فيها ..
النت .. هو اكثر شي بتستفيدين منه .. فيه مواقع كثييره .. تجيك تعلم المهارات الاربع .. القراءه والكتابه والاستماع والتحدث ...
وعندك هنا بالمنتدى english club ... مررررره حلو ... كل ما تدخلين المنتدى مري عليه .. والله اني ادخل ومو كثير ارد ع المواضيع .. بس اسوي لها نسخ عندي بالجهااز .. ودايم اقراها لين احس اني افهمها بدون ترجمه ...

بعدين تعالي ... قبل ذا كله .. الحروف اذا ما بتعرفينها لا تتعبين عمرك ..هي اهم شي .. هي البدايه ..

الله يوفقك ان شاء الله ...

[bigevil]

تبين نصيحتي

افتحى اليوتيب تلقين فيه ناس كثير يشرحون الانجليزي ويعطون طرق كثيرة للتعلم شغلى المقاطع واسمعى بنفسك وانطقي زي ما يقلون وتعلمي وشوي شوي تتعلمين

بس الموضوع يبغاله جديه مو تحاولين اسبوع وتطفشين وتقولين الانجليزي صعب ترا مو صعب نهائيا

وبالتوفيق