موضوع للنقاش: اقتراحات لحل بعض مشاكل كتاب باك باك

[فجر]

السلام عليكم ورحمة الله وبركاته :

تحيه طيبه للجميع

طبعا احنا هنا بالمنتدى ولله الحمد فيه تبادل خبرات كثير ومنهج باك باك جديد لكن من وجهة نظري هو فوق مستوى الطالبات

انا طبعا كنت مبسوووطه كثير لانهم دخلوا ع رابع المنهج

الوحده الاولى كانت تمام وميه الميه

الوحده الثانيه بديت فيها الاسبوع الماضي طبعا اول درسين اوك

اما الدرس الثالث فهو مكتض بمعلومات كبيره طبعا انا حضرت لي الموجهه في هذا الدرس خلصت الحصه وانا ماخلصت الدرس وللاسف كان المطلوب من هذا الدرس

1- كلمات جديده كالجد والجده ووالوالدين ..الخ
2- قاعدة هي وهو واستخدام الضمائر المساعده is وتوضيح انها للمفرد
3 قاعدة have got وطبعا في كتاب المعلمه ما اوردوا امثله على استخدام ال has got
طبعا انا جلست اشرحها واطالع الساعه الا مابقى شي من الوقت ولا شغلت الاوديو وباقي فقرات تكوين سؤال
how many
والصوتيات في شرح الـ sh ,h
وشجرة العايله
وعدد الاخوان والخوات

انا جلست اشرح ومن نقطه لنقطه في لحظه حسيت اني بقول مارح اكمل الدرس لان المعلومات كثير طبعا ما اتفقت مع المشرفه ع تقسيم الدرس انا اثناء التحضير بالبيت حسيت الوقت بيكفيني بالمل لكن استيعاب الطالبات كان جدا بطيء

وكان مطلوب مني اخليهم يشاركون في تكوين السؤال والاجابه
ايضا في كتابه عدد الاخوان والاخوات ع ورق

وبالاخير كان فيه شجرة العائلة

الحين وش الحل المشكله الدرس اللي وراه كذلك طويل لاني برجع ع القاعده هذا غير السماعي والتلوين والخرابيط هذي والحصه تمشي بسرعه وهذي تلون وهذي تقص وخذي مدري ايش

ومعلومات القاعدات آه بس شي مو طبيعي طيب حصتين مو كفايه
ورابع مضغوطين بمناهجهم يوميا سبع حصص عدا الاربعاء

طبعا الموجهه انتقدتني اني مانزلت مستوا الطالبات وكأني اشرح لثانوي

انا الحين افكر بقية المنهج لو كان ع هالاسلوب احس بنجن

بالله ابغى ارائكم بكل صراحه يد بيد عشان نتعدى ازمة هالمنهج

انا متأكده لمنهج رائع وجميل وافضل من منهج سادس بكثير بس احسه طوووويل وفوق مستوى الطالبات مفروض حبه حبه

[توته العفروته]

فعلا كلامك صحيح يبغالنا على الدرس الواحد اكثر من حصه الشكوى لله

[namosha]

حبيبتي بكل بساطة تقسمي الدرس حصتين أنا كذا صلحت بهذا الدرس واللي بعده معلومات مكرره بس انت نظمي افكارك وكله يهون

[غيمة ود]

والله يافجر هالمنهج هبل فينا كلنا
انا بعد نفس الوضع لسه هالدرس العله ماني عارفه اخلصه
احس اني قاعده امشي البنات وماأعطي النقاط حقها
المنهج حلو ماقلنا شي لكن كل شي يطيح بيد هالوزاره ينعدم
ماشين على البركه وبدون تخطيط وفي الأخير كله براس المعلمه المسكينه
الله يعيييييييييييين

[ارجوااان***]

نفسي اغمض وافتح عيوني القى نفسي مخلصه المنهج
انا قاعده اتخطف الحصص من معلمات رابع
هذا من غير حصص الانتظار ويافرحتي اذا كان الانتظار عند رابع

[دنيا غرابه]

انصدمت من الكلام

توني ادرس باك باك

بس انا مقسمة كل حصة L

وانشاء الله تكفي

لان الاسابيع الأولى خليتها حروف فقط عشان يقدرون يستوعبون المنهج

[mghd4545]

الله يعين بس

[book_reader]

يعطيك العافية عزيزتي
فيه طريقة تخليك تجمعي كل هالقواعد والكلمات مع بعضها بكل سهولة وتحفظها الطالبات بسرعة
وبدون مايحسوا بصعوبة في الحفظ

اسلوب القصة

انا نفذت درس على منهج سادس القديم باسلوب القصة وكان تفاعل الطالبات معاه فوق الخيال حتى الضعيفات تحمسوا للمشاركة
بالنسبة لدرسك ممكن تحملين صور من النت لافراد الاسرة وتقصصيها وتلزقيها على ورق ملون كل شخص لحاله
وتبدي تسردي القصة وبالمغناطيس تعلقي صورة صورة على السبورة الى ان تنتهي من كل افراد الاسرة
بعدها تبدي تسالي الطالبات عنهم who is he? who is she? وبالاجابة يستخدمون القاعدة الثانية he is the brother مثلا
بعدين تجيبي صور ثانية ملصقة بنفس الطريقة وتقولين مثلا the grandmother has got 3 cats
وتلصقي القطط جنبها دلالة انها للجدة مو لشخص ثاني
وممكن the sister has got 2 flowers والصقها جنبها
وبعدها اسال عن القاعدة الثالثة who many cats \ flowers does she have?
واوضح للطالبات باصابع يدي ونعد مع بعض 1 2 3 وبكذا خلصتي 3 قواعد خلال عشر دقايق
وممكن نشيل الصور ونسترجع معلومات القصة بحيث تركبها الطالبات على السبورة من جديد كمرحلة checking for understanding

وباقي الدرس بيكون سهل شرحة باذن الله
من اهم الاساليب الي تعلمتها خلال فترة تدريسي هي القصة خاصة للصفوف الابتدائية تختصر عليك جهد ووقت في الشرح

ان شاء الله اكون افدتك وعجبتك القصة وعلى هالمنوال ممكن تخططي اكثر من درس حسب حاجتك
ومع التعود على المناهج راح تبدعي وتبتكري اشياء كثيرة بس لاننا في البداية نحس بصعوبة
الله يعين الجميع

[التمبمي]

[reena2]

الله يسعدك عزيزتي على فكرة القصة
فعلا انجدتيني من التخبط
الله يوفقكم جميعا

[فبشر الصابرين]

انا اقول شوفو منهج get ready مرة حلو وكلمه ورد غطاها للدرس اعتقد لو يعمم علي جميع المناطق افضل بكثير

[Radhy]

صدقتي بكُل ما قلتي وأنا عانيت مما عانيتي منه
الدرس فعلاً كان مكتظ بالمعلومات والكلمات الجديد على طلاب صغار وذو إستيعاب بطيئ
وليتك ناقشتي الموجهة التي أنتقددتك بطريقة الشرح وكأني أراك تستعجلي بسرد المعلومات لـ تشرحي الدرس كامل
والحل تقسيم الدرس لحصتين مع إن المنهج كثير والحصص قليلة لكن كما يُقال " سدد وقارب "

شكراً لطرحك .

[Radhy]

صدقتي بكُل ما قلتي وأنا عانيت مما عانيتي منه
الدرس فعلاً كان مكتظ بالمعلومات والكلمات الجديد على طلاب صغار وذو إستيعاب بطيئ
وليتك ناقشتي الموجهة التي أنتقددتك بطريقة الشرح وكأني أراك تستعجلي بسرد المعلومات لـ تشرحي الدرس كامل
والحل تقسيم الدرس لحصتين مع إن المنهج كثير والحصص قليلة لكن كما يُقال " سدد وقارب "

شكراً لطرحك .

[حبة سمسم]

في رأيي المنهج راااااائع والطالبات صارو يفهمون ويتحدثون احسن من سادس ولكن الحل يكون اربع حصص في الاسبوع

[SKY200F]

شكرااااااااااااا

[نواف الخالد]

والله المنهج مرررررررررررررررره مكدس بالمعلومات والطالبات ماهم مستوعبين كميات المعلومات اللي فيه

[nollllly]

المنهج جدا رائع... وياريت يطبق على المدارس كلها ...لكن لازم يزيدوا عدد الحصص

[اوهايو]

المنهج فيه اشياء حلووه واشياء لا الافكااار والتمارين حلوووه بس تركيزهم على ال grammer جدا ضعيف وفعلا متكدس غير منظم
والمنهج غير متماشي مع عدد الحصص اصلاً وش اللغه اللي بتطلع من حصتين في الاسبوع !!
احس يبغاله تنظيم وكمان يبغالنا تدريب على المنهج وكيفية طرحه بالشكل المطلوب والمناسب...