اللهجه الحجازيه

**ابواصيل** · 02-10-2006, 05:46 PM

[center] [frame="1 60"]اللهجة الحجازيه على مر العصور

اللهجة الحجازية :
هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل

وطبعا تختلف لهجة العجايز عن الجيل الحاضر ..

لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة

وبسم الرحمن نبدأ في بعض ما تختص بيه لهجتنا الحجازية الغاليه :

مصطلحاتنا :
في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :

اندر بره : اخرج

العن سنسفيلك : اهزأك

اديلو : اعطيه

الدهليز : مدخل البيت

الكرتة : الفستان

الكنتره : الجزمة اكرمكم الله

القنعه : العبايه

الكرويتة : دكة خشبية

الزقاق : الشارع الضيق

وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي

باختصار هو الشارع الضيق

دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة : نزلة او منحدر

الدبش : اغراض العروسة قبل لا تتزوج

القابلة : بكره = اللي تولد الحوامل

المملك : المأذون الشرعي

الدقيسي :الفراغ اللي تحت الدرج أو المخزن

المرقعة : الدلع والمياعه في الكلام والتصرف

يتتريق : يستهزء

اللغوصة : نقل الكلام وتسبيب المشاكل

الدحلسة : اذا كنت بتتمصلح مع واحد عشان تبغى منه شي تقول يدحلس .

هججوني : ازعجوني

قوامن : بسرعه , حالاً

مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون

حتى أن أحدهن قالت : وي يا فايقة يا أختي .. والله جوزي صدقة جابلي مضليون والمضليون هو البروش الذهب

الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر

المرمشة: يمين بالله علينا كلمات فلّه

المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء

الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام

العكننه : وهي التنكيد على شخص معين،

و في مصطلحات كتيرررررررررر غيرها .[/[/frame]align]

يامكه يامكه :36_4_12:

**like Moon** · 02-10-2006, 06:08 PM

السلام عليكم ورحمة الله وبركاتة
لو تسمحلي اخي الكريم ابو اصيل انو اضيف بعض الكلمات الحجازية بالاصح (المكاوية ) ومعانيها

المطبخ
المركب
الفستان
الكرته
مكان وضع ادوات الشاي
التخته
نزله
دحديره
ايس كريم
دندورمة
اعلى غرفة في البيت
طيرما
الشارع الصغير
الزقاق
البطانية
الدقديق
مدخل البيت او العمارة
دهليز
كرسي خشب كبير
كرويته
شنط حديد
كوبر
بروش ذهب
مضليون
الكانون
بنت المنقل
حلاوة قديمة
اللنقطة
مكان تحت الدرج
الدقيسي
اتمنى تكوون عجبتكم الكلماات وان شاء الله نحاول نفيدكم بمعلوماات كتيرة عن منطقة الحجاااااز

تقبلوو تحيااتي

**المحيط الهادي** · 02-10-2006, 06:16 PM

هلا والله بها طلة وراعيها

حياك أبو أصيل وحي اللهجة الحجازية وأهل الحجاز كلهم

وكل عام وأنت وهما بصحة وعافية يارب

**dandoon101** · 02-10-2006, 06:33 PM

ههههههه

أفا وانا ولد مكه

طيب أديكم من عندي كمان شئ ماهو موجود فوق

يالله خدو

لكاعه <<< يعني واحد لكيع مايمشي والا مايتكلم دغري ومظبوط

دغري <<<<< يعني على طول

بيتلما <<<< يعني أعزكم الله الحمام

دهقنا <<< يعني يديلو فُرش وكلام حلو

7

7

هادا اللي في راسي دحين

بلكن بعد الفطور يجي شئ في بالي واديكم زياده

يسلمووو أبو اصيل

**ميس** · 02-10-2006, 11:21 PM

والنعم والله بالحجاز وأهلها
الله يعطيكم العافية

**!!عليان ريري!!** · 03-10-2006, 12:09 AM

ونعم والله باهل الحجاز

أبو اصيل

يسلمووووووو

عليان ريري

**صهيل الأصايل** · 03-10-2006, 12:12 AM

كلمات الحجاز فيها شويه غموض و فيها صعوبه لكن تجنن

و ابو ريان ليش ما قلت الكلمه إياها ؟ اللي دوختني !!!!!!!

تسلم ابو اصيل

**DR AHLAIN** · 03-10-2006, 03:19 AM

مشكور صراحة فيه كلمات جديدة راح أضيفها على الدكشنري حقي

تسلم يديك والله

**dodemargo** · 03-10-2006, 05:33 AM

[grade="B22222 FF6347 008000 4B0082"]هلا والله بأهـــــــــــل الحجاز كلهم
واللهجه الحجازيه من أروع اللهجات
من يشهد للعروسه
يسلمووووو أبو أصيــــــــــــــل[/grade]

**nofa** · 04-10-2006, 05:16 AM

ياااااااااا هوووووووووووو يا هوووووووو
والله علينا لهجة محد يقدر يجيب زيها ههههههههه
الله يخليها من لهجة تفكرنا بايام زمان ****شايفة نفسها جده يا كبري عااااد وانا توني طالعة من البيضة ههههههههههههههههه وطالعة من البيضة معناها توها مفتحه عيونها على الدنيا يعني لسه صغيرة
يعطيك العافية ابو اصيل على الكلماااااااات الفلة هذي

**dove** · 05-10-2006, 12:34 AM

ياعيني ياعيني على اهل مكة

ايش الموضوع الحلو دة ياابو اصيل

الله يعطيك الف عافية

بس في حاجات بصراحة ما احقها عاد تعرفوني لسه طالعة من البيضة على قولة نوفا<<<< عاد اسكتي يادوف هادي اول كلمة قالوها اهل اول هههههه

احقها يعني اعرفها وقد سمعتها

واهل اول يعني اهل زمان

الله لا يحرمنا من مكة واهلها وتراثها

اهل مكة

اهل قيمة واهل سيمة واهل موجب اهل مكة

وفي كمان لبش

زي مااتلبشت ابو ريان في الموضوع دة

بس اقول له

الله يعطيك العافية ياولد مكة

وتسلم يدك

http://www.saudienglish.net/vb/showthread.php?t=10948

جزاك الله الف خير ياابو اصيل