من يوم اللي غابت عني وحالتي صعبه

[Prime Rose]

ياجماعة الربع انا طالبتكم.. والصديق يبان وقت الضيق..

ياجماعه ارحموا عزيز قوم راحت شغالتهم وخلتهم يكرفون ليل نهار .
.
صرت أطلق من مولينكس!! متعددة المواهب والاستخدامات!! أكوي واغسل واكنس واطبخ أي شي تتخيلونه تلقوني ماهره فيه!!

.. ياليت على هذا وبس.. لا وبعد بعد أروح للغنم!! :eek: صحيح كنت أحب هايدي وانبسط على عيشتها بس على الأقل غنمهم مؤدب.. وعندهم جبال!! وغير كذا كان معاها بيتر ;) يونسها ويسولف وياها.. واذا رجعوا لقوا وجيه زينه تستقبلهم!! مو غنمنا اللي مابعد شاف خير!!

تدرون ان الغنم مايفهمون ولايسمعون الكلام!! امس داخله عليهم ابي اعطيهم اكلهم..دخلت بشوي شوي عشان مايشوفوني ابي احط اكلهم وامسك الباب الا ويجون يطامرون لي. طبعا مايبي لها من شفتهم طلعت انا ويا الأكل اللي أثقل كاهلي اركض وقفلت الباب وراي!! ورجعت اطل عليهم الا الشباب كلهم واقفين عند الباب يستنوني !!لا ومن زين الطبايع يصايحون بعد!!.. حاولت اهديهم ابيهم يسكتون قبل ماتجي امي وتسطرنّ بس مافيهم حيله.. وورطت بهم.. طبعا مستحيل افتح الباب في وضع مثل هذا والأعداء يتربصون بي ملياً!!


أخذت عود طوييييل ودخلت به :cool: .. قلت شوفوا ترى من قربت مني سطرتها!! الا وتجيك ذيك الصخله الملحاق الماحيه اللي من شفت قريناتها وانا غاسلة يدي منها :eek: وهي على بالها الوضع رومانتيك.. تجي وتقرب.. وانا ارجع للوراء وهي تقرب وانا ارجع.. قلت شوفي ترى باطقك!! والغبيه تشم العود!! قلت هذا بيجيك على راسك!! ومازالت تشمه!! وفي غفلة عن باقي الشباب مادريت الا بشيء يشم رجلي :eek: ( والله ماينلام صرت والغنم نفس الريحه والمذاق) تو ابي افهمه خطورة وضعه الا اشوف من ورى الجموع واحد جاي كبيــــــــــــــــــــــ ـــــــــــــــــــــــــ ــر وأذانيه طواااااااااااااال.. شكله ابوهم!! :eek: قسماً انه يعايني!! حذفت العصا وانحشت!!وقفلت الباب طبعا ( لانه مره سابقه نسيت اقفل الباب ولقيت الشباب مسوين حفله برا) هذيك اللحظه حسيت بالمأساة اللي انا فيها.. تخيلو برايم روز البنت الحلوة والجميله والرقيقه عند الغنم!! والله لو يشوفوني طالباتي كان علوم!!

ومع ذلك كان لازم اعطيهم العشا قبل مايجي عريف الفصل( أمي) ويتخذ بحقي الاجراء اللازم!! فهمت بعدها انهم شعب ماعندهم تفاهم ولا بد ان اتخذ بيني و بينهم حجاب.. جيت من ورا الجدار وحذفت عليه اكلهم.. تخيلو ولاوحده عندها عزت نفس كلهم جاو يتطامرون.. حتى ابوهم!! والله انه طاح من عيني!! وانا كان احسبه شي!!


لا وياليت عاجب الأخت أمي!! :( طول يومي وانا اكرف واكرف واكرف!! ولا به قبول!! تخيلوا امي مخليتني اكنس الحوش ( الحوش في ديرتي مايحيط بالمنزل من مساحات في الخلف) تخيلو صدمتي النفسيه وانا اكنس تراب :eek: !! اول مانادتني قلت لها انتي وش على بالك تحت التراب هذا؟؟ ابي افهم وش تبين توصلين له؟؟ ترى هذا تراب وتحته تراب وحتى التراب تحته تراب وكل ماكنست بيطلع لي تراب وهكذا يامي الى ان تصلينن الى طبقات الارض السفليه اللي هي كومة نار !!


قالت ماعليه يابنيتي بلاّ قولي به شوي الا انتي خالصه!! انا والله بديت أشك في امي..يعني فيما عدا كنس الحوش جايبة لي مكنسة صغيرووونه يعني لازم احبي وانا اكنس!!
بعد ساعات وساعات من الكنس شكّت امي في قدراتي المهنيه( ولم تشك في صحة تفكيرها!!) ونادت اختي تساعدني!! اختي اول ماجات وشفت تعابير وجهها وهي واقفة تسمع تعاليم امي خلتني اموت ضحك..ولما التفتت امي همست لي ( نجيب لها هيستوب) يوم قالتها طار قلبي .. قلت لها تكفين تعالي بس خل نكنس الحوش احسن مانكنس الديره بكبرها تراه مجرب ذا الهيستوب وطلع مو اصلي!!

ياجماعه مابي اغيب ابي اروح للمدرسه اصرف لي!!

مع اخواتي كان الوضع مختلف.. في بداية الموضوع كنا ماخذين الوضع برحابة صدر. على اساس انها يومين وتجي الثانيه فمالازم نخرب علاقاتنا كأخوه.. لكن وبعد ان طال علينا الأمد وخربت الأخلاق وضعنا لائحة بالقوانين والتعليمات واللي يتعداها يكون العقاب البيتي وراءه!! طبعاً حنا نفرح لما احد يخطي ونبدا نحط الشغل المتراكم عليه.. الآن بآخذكم لطله صغيره على القوانين في بيتنا الجميل:

1- يمنع منعاً باتاً إقامة أي حفلات او عزيام ومن تسول لها نفسها ذلك فتتحمل المسؤلية الكامله من كنس وطبخ وكرف ليكون رادعاً لها ولغيرها..
2- تلبى أي دعوه للعشا او العزاء وان وصل الى مسامعنا دعوة تم رفضها دون ابلاغنا ستتحمل اشد العقوبات.
3- على كل فرد في العائله ان يتم ما أسند اليه من أعمال حتى في اوقات المرض ( خلص شغلك ثم مت بكيفك اهم شي لاتموت وانت مابعد كنست )
4- يمنع منعاً باتاً النوم في الظهيره الا بعد ان تتم تغسيل مواعين الغداء وتكنس الغرفه.
5- من تمتنع عن تناول أي وجبه فهذا شي راجع لها.. لكن هذا لايعفيها من غسل المواعين.
6- من تهمل أي عمل يوكل اليها يتم اسناد اعمال اضافيه لها.
7- يمنع التجمعات ( اللي مالها سنع) او السوالف الجانبيه ويكتفى بالابتسامه من بعد.
8- يكتفى بثلاث وجبات في اليوم( وماهنا مانع اذا صارت ثنتين) ومن تضبط متلبسة بجرم عمل وجبة اضافيه فانها تتحمل تبعات هذه الوجبه اضافة الى الوجبة التاليه.
9- يمنع منعاً باتاً المرض او التمارض في هذه الاوقات اذ ان الشمس عامودية ومافيه مجال الواحد يزكم او تجيه حمى,,ومن تعبت فان هذه حيله لتنجو بنفسها من الشغل وعليه تصدر بحقها العقوبة اللازمه بقدر الألم الذي تدعيه..كما تمنع حالات الاكتئاب ولاتقبل أي حاله مالم يات بتقرير من المستشفى واجازة مرضيه.
10- يمنع منعاً باتاً استخدام الجوال او الهاتف او مشاهدة التلفاز لما في ذلك من مضيعة للوقت.


وهناك ايضا من التعاميم مالايسعني المجال لذكره محافظة على شي من خصوصيات بيتنا الجميل!!
تدرون اني صرت اخاف لما تجي الخميس والجمعه!! وهذولا الله يصلحهم ماقرروا يخلون اليوم الوطني اجازه الا لما دروا اني ماعندنا شغاله!!


الآن ياجماعه ابي يديكم..قصدي معونتكم.. باختصار ابي شغااااااااااااااااااااااا اااااااااااااااااله :( واذا مافيه عطونا بس يد من اييدنها واذا مافيه عطونا اصبعين ولا اصبع واحد اهم شي شي يشتغل عني وخلو الباقي لكم.. بسرعه لاني لاحظت في الآونة الاخيره ان اواصر المحبه بيننا بدت تنفك وتخرب فالأفضل انه نصلحها قبل ماتندمر مره..


قبل ما انام كل العذر منكم.. انا بس حبيت افضفض لكم واعلمكم انكم بنعمة وانكم مو حاسين بها..

ووبس

[الهمة العالية]

الله يكون بالعون ذكرتيني بالذي مضى
عندك ابريق
امسحي فيه
عفوا افركيه
لين تطلع الشغالة
ههههههههههه
امزح
الله يعينكم امين

[ميس]

وفي غفلة عن باقي الشباب مادريت الا بشيء يشم رجلي

الله يقطع شركماخليتي فيني حيل




بروووووووومه

امك ماتعطيني دروس خصوصيه بالحزم والشده لو اجيها






وكلو كوم وكنس الحوش

قلت لها انتي وش على بالك تحت التراب هذا؟؟ ابي افهم وش تبين توصلين له؟؟

روحي ياشيخه الله يسعدك






وبالنسبه للشغاله ابشري بس كيف ارسلك اصبعها ولا تحلمين بغيره
هاهاهاهاهاهاها






اقول بطلي دلع واعتراض وانتبهي لشغلك اصرف لك :D

[سماهاي]

ماشاء الله عليكم كل هذا و باقي لبيتكم خصوصية؟؟؟!!!!!
والله خصوصيتكم راهية لااله إلا الله
عالعموم برنامج الوادي بيفيدك فيمايختص بالتفاهم مع البهايم مع أني ماظن
أن بهايمكم مثل بهايم" اللبنينييين"!!!!!!!!!!!!!!!!!!!!!!!!!!! !!
الله يفرج لكم

[Silent Dream]

ههههههههههههههههههههههههه هههههههههه
وربي كسرتي خاطري
ارسلك شغالتي ههههههههههههههههههههههههه ه
الله يسعدك

[اسيــ حبه ــرة]

برووووووووومه

انتي تغيبين وبعدين تطلعين لنا بسالفه جديدة

وربي رحمتك ... الله يعينك

وش ذا الحظ النحس اللي ما جا اجازة اليوم الوطني الا

يوم ما عندكم شغاله :( لو اني منك كان الحين مسويه

مظاهرات ... بس عاد انتي لحالك ما تسوين شي :D

قلبي معك .. وراح ادعي لك ;)

[Prime Rose]

قلبي معك .. وراح ادعي لك

مابي قلوبكم ابي شغالتكم.. :D

شكرا لمروركم وانشاء الله يارب تروح شغالاتكم كلكم وتقفل المكاتب عشان تعرفون تضحكون عليّ :( ..


لاحد يكلمني الا اذا عنده شغاله :( ..



والله اذا جات ان تصير عيوني عين فراش وعين لحاف هماها بتروح للمتخلفين الغنم وبتسمع شطحات امي!!

[Roma]

برايم روز.............


ياشيخه الله يرج شيطانك قطعتي تسبدي من الضحك................ :D


بس تدرين الشغل بالبيت رياضه كم كيلو ينزل بدون تمارين سي


برايم لا انسى............ كيب قوينق بالحفر ........... قصدي بالكنس لعل وعسى تلقين كم بير نفط.............

[Prime Rose]

نفط!!


ممكن القى جماجم روس!! هياكل بس في ديرتي مابه خير!!

الله لايحرمك الحفر ولا الكنس قادر ياكريم

[زهرة وفى]

ههههههههههههههههههههههههه ههههههههههههههههه

الله يخزي عدوك يابرايم ......... وش لك والشغالات الله يكفينا شرهم


بس تكفين اذا جتكم الشغاله ارسلي لنا اختها


والله من جد محتاجه شغاله

برايم نفس معاناتك بس ممكن مع الوقت انا تعودت ان مافي بيتنا شغاله : )

[ORCHIDA]

ههههههههههه
الشهر اللي راح مرت عليه نفس الحاله .. قسم بالله اشتغلت شغل ماجاني زيه في حياتي
لحد ما شرفت السيده
لكن تدرين احلى ما فيها.... انه كان عندي 3 كيلو زياده ما خليت شي عشان انقصهم
الا بالكرف هذا .. الحين يا سلالالالام وزني متناسب مع طولي الله يديمها
فلا تشيلين هم وواصلي :D

[درة المشـــاعر]

ههههههههههههههههههههههههه هههه

برووووومه
الله يسعد يااااااارب
اعملي جدول للحصص>>>قصدي للأعمال :D

والله بلشه الواحد اذا اتعود عليهم ... خلاص راح ارسل شغالتنا يومين عندكم ويوم عندنا لأنه بيتنا مافيه الا ثلاثه نفر :D مايحمل ....
بس التذاكر عليك ذهابا وإيابا :eek:
تحيـــــــــــــاتي لك يا أجمل برايم روووز

[Good night]

ههههههههههههههههههه قسم بالله اني من اليوم ماضحكت وتو ضحكت من كلامك ...

الله يكون في عونك برومه حاسه فيك ولا يهمك أبشري بالفزعة وانا أختك قود برسل حجاب شغالتنا لك

مستحيل نستغني عنها أقول مره راحت شغالتنا وحلفت لماتجي الجديده لحب راسها وحبيته والله .... إذا راحت الشغاله

أقعد أشتغل وأبكي يعني لو أقطع خيشة بصل مايضرني الدمعة نازله بدونها ...........

اما الغنم خليك شخصية معهم وخلي عليهم عريفه وإذا مانفع تعهد وا عطي كل وحده ملفهاا..<<<تأثير المدرسه

[Prime Rose]

هلا والله فيكم جميعاً..

وانا مبسوطه كثير انك ضحكتوا ووسعتم صدوركم على ذا الموضوع. .مع انه ماكان ودي يتوسع على حسابي..

اذا جات الشغاله بسوي لها حفلة استقبال عند اصدقائي ( الغنم) ماحصلتش..والله العظيم ان اساعدها في كل شي بس خل تجي..والله في هالفتره حسيت صدق باهميتها وثقلها الاجتماعي وجهودها على احلال النظام في البيت..


ووبس!

[سعودي انجلش]

يا هلا والله يا برايم
ما ادري برايم صار لك كم يوم متعذبة ولا أحد قال لنا

ما عليك عندنا ثلاث عمال نيباليين في المزرعة نرسل لك واحد مختص بشؤوون الغنم وعلى فكرة جميع تموين البرسيم حق الغنم علينا

بالنسبة لداخل البيت وش رايكم نحط جماعة الخدمة العامة في المنتدى وكل يوم خميس نروح نسوي خدمة في احد بيوت الاعضاء طبعا أول بيت بيتي انا علشانه توه جديد ويبي له شغل واجد والبيت الثاني بيت برايم علشانها مسكينه متبهذلة
ثم يا شباب ويا بنات نقطع السالفة ويكفي علشان ما نتعبكم

اقول برايم تصدقين ذكرتيني بواحد من الشباب ما كنت اشوفه عند المغاسل يغسل ثيابه او يكويهن سألته ليش يا فلان وش غيرك الحين قال راحت امي قلت أفا عسى ماشر وش صار قال يا اخوي سافرت خدامتنا وصار البيت لخطبه فعلشان اضمن سرعة الأنجاز اجيبهم في المغسلة

برايم انا عندي ثلاث حلول لموضوعك هذا :
1- بالنسبة للغنم فقومي بذبحهن جميعا وتقديمهن في وجبة عشاء فاخرة لأعضاء المنتدى
2- استبدال الغنم بالدجاج فهي اقل مصاريف واسهل عناية وما يتعبن وريحتهم مو قوية
3- علمينا وين هالمثلث حق بيتكم فيه (( مذكور في قصة سابقة )) ونجي نسوي عملية انقاذ لك ووضعك في أحد المعسكرات حتى يتم النظر في امرك من جميعات حقوق الأنسان وما فيه مانع لو جتنا حقوق الطفولة وحقوق الحيوانات خاصة انك تضربين الغنم بالعصا

4- انا قلت ثلاثة بس.

اختاري وش يعجبك وقدمي طلبك هنا وان شاء الله القوة العسكرية في المنتدى ما راح يقصرون خاصة ان العملية صارت سهلة غاز أعصاب وينتهي الوضع وتصيري داخل المعسكر

ولك كل التحية برااااااااااااااااااااااي م

[enigma]

أي خصوصية يا بنت الناس دا إنت ما بقيتي شي . أنا عارفة إنه ما حيفيدك بس والله
قلبي عندك يا عسل .

كويس إنك أخيرآ عرفت قيمة الشغالة و ياريت ما ترجعي في كلامك لما تشوفيها في

مسألة مساعدتها ، كان بودّي أساعدك وأرسلك شغالتنا بس إنت عارفة إن رمضان

على الأبواب و ما نستغنى عنها أبدآ بس ما حبطل أدعيلك كل يوم إن ربي يرزقك بواحدة بنت حلال .

[Prime Rose]

هلا والله بالاستاذ خالد..
شرفت موضوعي بحضورك والله..

ما عليك عندنا ثلاث عمال نيباليين في المزرعة نرسل لك واحد مختص بشؤوون الغنم وعلى فكرة جميع تموين البرسيم حق الغنم علينا

تم تم تم ياستاذ خالد..باخلي واحد عند الغنم والثاني يكنس الحوش والثالث بأفضيه من أي شغل وبخليه بس يمشي وراي وكل مابغيت شي يسويه.(في الضروره تباح المحرمات)

بالنسبة لداخل البيت وش رايكم نحط جماعة الخدمة العامة في المنتدى وكل يوم خميس نروح نسوي خدمة في احد بيوت الاعضاء طبعا أول بيت بيتي انا علشانه توه جديد ويبي له شغل واجد والبيت الثاني بيت برايم علشانها مسكينه متبهذلة
ثم يا شباب ويا بنات نقطع السالفة ويكفي علشان ما نتعبكم

لاحد يفهم الاستاذ خالد غلط ..وشوفوا قد ايش هو يضحي بنفسه وببيته عشانكم.. يبي تجربة التنظيف تجي في بيته.. وبعدين رحمني انا علشان انا طيبه وحبوبه.. ومابغى يطولها عشان ماتتتعبون .. الله يخليك لنا يا استاذ خالد

اقول برايم تصدقين ذكرتيني بواحد من الشباب ما كنت اشوفه عند المغاسل يغسل ثيابه او يكويهن سألته ليش يا فلان وش غيرك الحين قال راحت امي قلت أفا عسى ماشر وش صار قال يا اخوي سافرت خدامتنا وصار البيت لخطبه فعلشان اضمن سرعة الأنجاز اجيبهم في المغسلة

ااااااااااااااااااه ياليت اخواني يسوون زيه.. انا عندي كل شي عادي ولا اني اكوي ثياب.. وكله كوم وثياب ابوي كوم!! ياجماعه ثيابه وسيعـــــــــــــــــــــ ـــــــــــــــــــه وكبيـــــــــــــــــــــ ـــــــــــــــــــــــــ ـــــــــــره مرررررررره.. ماسوى مثل حمد وخصرها كان على الأقل ريحني!!وامي الله يتسر عليها كل ماشافتني اكوي جتني بالثياب المتراكمه كلها :
هاتس يابنيتي خذي ثياب ابوتس اتسويها!!

1

- بالنسبة للغنم فقومي بذبحهن جميعا وتقديمهن في وجبة عشاء فاخرة لأعضاء المنتدى

والله غالين وتستاهلون.. بس اننت تو قلت ان الدجاج ارخص واسهل فابعزمكم على دجاج اوفر!!2

- استبدال الغنم بالدجاج فهي اقل مصاريف واسهل عناية وما يتعبن وريحتهم مو قوية

انا بس اتخيل شكل امي وكل حوشها دجاج!!

3- علمينا وين هالمثلث حق بيتكم فيه (( مذكور في قصة سابقة )) ونجي نسوي عملية انقاذ لك ووضعك في أحد المعسكرات حتى يتم النظر في امرك من جميعات حقوق الأنسان وما فيه مانع لو جتنا حقوق الطفولة وحقوق الحيوانات خاصة انك تضربين الغنم بالعصا

بعد بعد الحين مو كفايه ادخل عليهم ومتحملة غبائهن وريحتهم وحركاتهن اللي نص كم وبعد بعد بيعاقبوني!!

وعلى فكرة ترى مايحتاج مداهمات ولا غاز.. انتوا بس تعالو وانا اطلع لكم عند المثلث!!

4- انا قلت ثلاثة بس.

1/ 0


ووبس!

[Prime Rose]

هلا enigma


انا متحلفه فيها بس خل تجي!!

شاكرة مرورك..