رد مع اقتباساهلين
انا مثلك بس النسخه النسائية :)
معاي اول وثالث متوسط وبرضو توني ناقله لوسط الديره على قولك ..
فوضى + زحمة + كسل + مالهم خلق الانجلش + والمعلمه هي عدوتهم الاولى حتى تثبت ادانتها < مو برائتها ..
طبعا في اول اسبوعين كنت كاااااااااااااااااااااااا رهه نفسي منهم الى درجة اني ارجع البيت مااكل شي :(
طبعا كل اللي يصير معك صار معي وشي طبيعي لاننا جدد وماوثقو فينا ولاحبونا .. لكن بعد الاسبوع الثالث خلاص حبوني كثير ( على مايبدو لي ) هههههههههههه
اسمعني اخوي بعض المراهقين والمراهقات اللي بهالمرحله يبونك قريب منهم .. مو فوقهم او تحتهم .. خلك بالنص يعني يبون يسولفون بعد الدرس مو مشكله يسولفون بس بدون صوت عالي .. واثناء الشرح حاول قد ماتقدر اذا اخطا اي طالب تناديه باسمه ( شغله ضروريه انك تحفظ اسمائهم .. المشاغبين قبل المؤدبين .. لان الطالب اذا حفظت اسمه بيستحي يسوي خطأ واذا مايستحي اكيد بيخاف على نفسه .. )
لاتعاملهم بفوقيه وبصراخ .. الا اذا الخطا كان كبير جدا .. حاول ترفع صوتك بس بهدوء او استخدم النظرات المطوله مع الاشارات وانت تقرا او انت تشرح ناظر للمخطيء نظره قويه وارفع صوتك بالشرح اكثر عشان يتنبه بس بدون ماتتنرفز لان هالشي بيعكس عليك وعلى تقبلك لهم .. والطالب او الطالبه اذا حسو ان المعلم/ـه كارهينهم يكرهونهم اكيد ولايتقبلونهم ..
يارب اكون افدتك .. حاسه بمعاناتك والله يعين ان شاء الله وحط في بالك ترى مهنة التعليم متعبه ويبي لها تحمل ايا كان التخصص وايا كانت المدرسه ..
بالتوفيق وياليت تعلمنا وش يصير معك بعد كذا يوم ..
المفضلات