ايهم احسن تدريس المتوسط ام الثانوي ؟؟؟ افيدوووني

**ffss** · 27-04-2010, 03:27 PM

بسم الله الرحمن الرحيم
وانا اقدم نقل داخلي لاحظت ان الطلب لمدارس المتوسط مرررررررررره كثير واما الطلب على مدارس الثانوي العكس تماما مررره قليل

:
مادري المناهج تغيرت والا تدريس الثانوي اصعب والمتوسط اسهل والا هروب من ثالث ثانوي وامتحاناته الغثيثه !!!!
بصراحه لي كم سنه اجازة فابي اعرف ايش الفرق بين المتوسط والثانوي وايهم احسن وليش الطلب الكبير على المتوسط :
):

وشكراا

**ACME** · 27-04-2010, 04:13 PM

كلاهما له مميزاته وعيوبه والأول والأخير هو رغبتك انت - طبعا المتوسط ميزاته اكثر لذلك
هو مرغوب اكثر من الثانوى - ربما يكون الابتدائى افضل منهما الاثنان ...... من يدرى

**جـــــودي** · 27-04-2010, 06:14 PM

لاو الله الثانوي .. في رأيي ومن خبرتي

أرتاح في تدريس الثانوي أكثر من المتوسط !

وإلا الإبتدائي !!

أعووووذ بالله

جننوني طلعوا براسي نخل !

عاد أنتٍ وقدرتك وشخصيتك ماتتوقف على أحسن وأسوأ الموضوع يعتمد عليك أنتِ

بالتوفيق

**ffss** · 27-04-2010, 08:15 PM

sirhasan
بنت الوطن

مشكروين على تفاعلكم ، بس من جد لقيت اعداد كبيرة تبي المتوسط وعدد قليل يبي الثانوي !!
الأبتدائي احلى كمادة والصغار معي حلويين مايخالفون الأبداع فيه اكثر وأظن ان المتوسط قريب منهجه من الأبتدائي بس البنات متعبات شوي ... لكن منهج الثانوي من زمان عنه وقلت يمكن غيرووه والعالم منحاشين منه فحبيت اتأكد لأني اخترت ثانوي ومتوسط عشان تزيد فرصة النقل بس ابي ا اعرف ايش ميزات الثانوي ؟؟؟ وبالذات المنهج !!!!!

**جـــــودي** · 27-04-2010, 08:27 PM

أعتقد منهج الثانوي فيه تفكير وتطوير للأذهان حتى بالنسبة للمعلمه

وبعدين كشرح أحسه أفضل وأكثر رقي وتطور من المتوسط

يضيف للمعلمه مثل مايضيف للطالبات

وبيد المعلمه إذا تطوره وتستخدم التقنيه فيه وتطلع عن محيط الكتاب لآفاق أوسع

خصوصاً أن الطالبات من هالناحيه بيكونون متجاوبات أكثر

لان محيط تفكير طالبات الثانوي بيكون أوسع وإدراكهن أكبر بعكس المتوسط اللي رح يكون محدود

إلى حد ما ورح تضطرين أنك ماتتجاوزين حدود معينه خوفاً من عدم تقبلهن أو استيعابهن

هذا رأيي

**ffss** · 27-04-2010, 09:02 PM

مشكووووورة على رايك يا بنت الوطن ........
تظني المنهج هو نفسه للسنه الجايه قصدي هذاك احمد العلي باقي نفس المنهج ماعندهم نيه يغيروووه لأني بصراحه ما كنت أهضمه

..... وهذا رايء إلا ان كانه تغير فما ادري منكم نستفيد ...

**العلم شرف1** · 28-04-2010, 12:14 AM

يعتمد على تمكن المعلم من مادته

**جـــــودي** · 29-04-2010, 04:31 PM

والله عاد بالنسبه للمنهج ما أدري

هو في دراسه للتغيير بس متى يطبق بالضبط أي سنه ماعندي فكره!

يا أختي إذا فيه أحمد العلي بالثانوي

منهج ثالث متوسط كله على بعضه علّه وسيء وثقيل دم

والله يكون بالعون

طيب أنتي استخيري والله يقدم لك اللي فيه الخير

**ffss** · 29-04-2010, 04:51 PM

تسلمين يا بنت الوطن الله يسعدك
الله يكتب اللي فيه الخير انا انقل بس وان بغوا ادرس ياباني

: درست !!

**دموع صادقة** · 30-04-2010, 12:30 AM

يعتمد على ميولك ورغبتك عني انا احب منهج الثانوي احس فيه ابداع اكثر بس برضه يعتمد على الطالبات لان مستواه راقي ويعتمد على الفهم بالدرجه الاولى

استخيري وربي يكتب لك الخير اينما كان

**shy-rose** · 01-05-2010, 09:20 PM

يعتمد على رغبة المعلم و ميولة

مناهج الثانوي مازالت كما هي قديمة و مغبرة ,,,,

عن نفسي اشعر بانها لا تضيف لي او لطالباتي شيء بعكس مناهج المتوسط فيها مجال للابداع و الاطلاع .... عدا ان طالبات المرحلة المتوسطة حبوبات و مطيعات

ربما اذا تغيرت مناهج الثانوي يتغير رأيي