هههههههههههههههههههههههههههه
توصيات حلووووووووه
يعطيك العافية
وربي يوفقك
للمقبلين على الزواج وتمشي الحال للمتزوجين
*- أهـم قاعدة أساسية في إستمرار العلاقة الزوجية هي الإحترام المتبادل .. يعني شئ إسمه مكابرة و عنطزه هذا تنسونه طالما ناوين تكملون حياتكم مع بعض .. و الا خذوها من قاصرها و تطلقوا قبل ما تبلشون بعيال مساكين كل ذنبهم إن أهلهم مغرورين (والله البداية المطمئنة أنا بعد)
*- لـك
موب تقعد تتفشخر عليها بشهاداتك و علمك مثل ذاك الدكتور اللي طلق حرمته علشانها ما تعرف نظرية فيثاغورس قايلينه هالرياضيات ما نرجي من وراها خير أصلاً
*- لـكِ
صحيح إن الرجال ما أخذك حبـّا فيك و إنه أخذك حبّـاً في وظيفتك بس موب معنى هذا إنك تقعدين تعايرينه بشهادة الكفاءة اللي معه و على طاري المعاير بأستشهد لك بقصة "ميب" حقيقية و صدقيني "ما" صارت لناس "ما" أعرفهم يقول لك وحدة تزوجت واحد تعرفت عليه من الإنترنت كل ما تهاوشت مع رجلها قالت له : إيه قل إنك غاير مني ليش إن رتبتي "عضو بروفيشينال إنترناشونال" و المنتديات كلهم يدورون علي و إنت توك "عضو مايدري وين الله حاطه فيه" و لا حد يعطيك وجه
*-لك
إذا زوجتك مدرسة إعرف متى يكون عندها حصة فراغ خل عندك ذوق إتصل عليها حسسها إنها على بالك و قل لها انك متصل علشانك مشتاق لها (بس لا تكثر بربسة ترى الغرفة مليانة مدرسات) و بآخر المكالمة قل لها تحاول تعتذر عن باقي الدوام و ترجع البيت تطبخ لأنك الحقيقة عازم زميلك على الغداء
*-لـكِ
لا تعودينه إنك تدقين عليه على طول بسبب و بدون سبب بإسلوب إشتقت لخشتك وينك تأخرت و خلافه لأنه بالشكل هذا ماراح يقدّر إتصالاتك حق قدرها و لا يهتم بالمكالمات و يصير يطنش و تخيّـلي عاد يطنش يرد وإنتي ذيك الحزه (مشتـَـطـّـة) و عندك سالفة ضرورية مثل "نسيت أقول لك ترى الخبز قاضي"
و دائماً..دااااااااائماً ....لو إتصلتي على رجلك وحصل و تهاوشتوا ... لا يجي في بالك إنه سكر السماعة بوجهك إفترضي إن الخط إنقطع بسبب الشبكة التعبانة خليك إنتي العاقلة برضو
*-لك
لا عمرك تدلع مرتك قدام أمك ترى الأمهات حساسات من هالناحية (مع إنه معروف هالدلع شهر العسل و غيره تقشير بصل)...بس موب تروح تصب لمرتك شوربة و تلقـّمها السمبوسة ما بقى إلا تاكل عنها بعد و أمك حلوة اللبن قاعده تتفرج على حشاشة جوفها و هو يأكل مرته اللي توه يعرفها و أمه اللي طول عمرها تدلعه حتى الحبحر ما مدّه لها !!+++
و لا تكثر سواليف عن خواتك قدام مرتك خصوصاً أيام الملكة لأن بعض البنات و يمكن تكون زوجتك منهم تفكيرهم هالكبر (.) تبي تحقد على أخواتك قبل لا تشوفهم من كثر ما تسولف عنهم ... *-لـكِ
إنتبهي تقارنين نفسك بخوات زوجك أو تعلقين عليهم قدامه لأن هذا التصرف بيحسس زوجك أنك تغارين منهم مع إني داري إن هذا اللي حاصل في الواقع بس ترى مافيها شئ لو زوجك ضحك مع خواته تراهم خواته قبل لا تصيرين زوجته و المفروض غلاهم من غلاه يالدبشة
*-لـك
أدري إن طلعة السوق أكره ما عندك بس لا تنسى إن طلعاتكم السوق تتناسب تناسباً طردياً مع تكشخها لك و إذا تبيها كل يوم شكل و لون كل شي بحقه ولو
*-لـكِ
إعرفي متى تقولين لزوجك عن أي مشروع طلعة موب إذا جاك من الدوام يبي يرتاح إستلمتيه إمش نبي نطلع ... أنتي جمعي مشاويرك كلها و إذا شفتيه مرتكز في الصالة يتابع مباراة فريقه ولنفترض إنه نصراوي ، إلبسي سكيرت أزرق و تي شيرت أصفر (تنازلي عن تعصبك الهلالي في سبيل المشاوير ) و شجعي معه و إذا فاز (مع إني ماهقيته) باركي له بالفوز و قولي له يوديك لمشاوريك بهالمناسبة
*-لـك
إذا كنت إنسان طموح و عندك نية تكمل دراستك برا... لا تقعد تتفلسف و تقول أبدرس و أتزوج بعد ماأخلص حرام أمرمط البنت معي في الغربة ...من قال لك إنها مرمطة هالحين على كيفك خليتها مرمطة أصلاً البنت وافقت عليك مخصوص حتى تدرس معك موب علشان سواد عيونك يكون في علمك (<-- من جد قاهرني )
*- لـكِ
ترى أهلك ما زوّجوك حتى تسكنين عندهم !! خفـّي عليهم شوي إحمدي ربك إنك ساكنه في نفس الديره غيرك بنات متغربين مع أزواجهم ما يشوفون أهلهم إلا بالسنة و السنتين مرة (عيني عليهم باردة) و بعدين موب لازم كل ماراح لأهله رحتي معه محرم مثل ماأنتي تروحين لأهلك لحالك .. أحياناً هو بعد لازم يروح لأهله لحاله .. خليه يوسع صدره مع إخوانه لايقولون حرمته حرمته (حطوا الحركات أنتم عاد موب كلش عليّ) من إخوانه و أنتي بذكائك إستغلي فرصة زيارته لأهله و دقيـّها سواليف على التلفون و خذيها نصيحة إذا صار عندك لا تطولين قرق في التلفون حتى مايستغل هالشي لصالحه بعدين تكثر طلعاته و سهراته وإذا قلتي له وراك تطلع و تخليني بيقول وش أسوي إنتي إللي تتركيني و تسولفين مع صديقاتك بالساعات
*-لـك
ماراح تنكسر يدك أو تقلل من هيبتك(من زين هالهيبة الله وأكبر ياإكـّة الشيريا) لو إنك ساعدت حرمك المصون في غسل المواعين و ضف الخلاقين للغسيل زي ماإنتم شريكين في الحياة و شريكين في البيت فمن باب أفق (ما لقينا حجز في الأولى) المفروض شغل البيت تتشاركون فيه بعد إيه وش فيها ؟؟
*-لـكِ
لا تصدقين المسلسلات إذا جابوا لك ممثلة تضيـّق على رجلها و ما تخلي معه ولا قرش حتى ما يعرس عليها ترى كل ذي خرابيط × خرابيط ... الرجال إذا بغى يعرس أعرس و لا شاور ياوخيتي و ترى الشرع محلل له أربع أنتي أهم شي لا تقصرين معه ولا مع أهله حتى ما يلقى له حجة يلومك فيها و الشكوى على الله
*- لـك
إذا صنفت في راسك و لزمت بتعرس على مرتك و لابد..... حط في بالك زوجتك الثانية لازم تكون أقصر من الأولى حتى تخفف من وقع الصدمة عليها
و إذا بغيت تستقدم زوجة من برا البلد إحرص إنك تاخذها بنت نعمة متعودة على الخير و عط أهلك خبر بالموضوع موب تسافر بالأسبوعين والثلاث بحجة العمل و إنت في واقع الأمر تشوف مرتك اللي ماخذها من سنة ممن هب و دب و فجأه تروح تطق على أمك على غفلة و معك مرتك الثانية و إنت مخطط تسكـّنها في الدور الثاني و من ثاني يوم (يجهشون) ربعها و اللي من طينتها ذا المشافيح يزورونها و يصافقون بالبيبان و يدابكون على أمك هالضعـّيفة بلاهم ماقد شافوا دور كامل في حياتهم حدّهم حمـّام و أوضه فوء السطوح يالله لك الحمد و الشكر هذاني قلت لك
واتمنى لكم السعاده الزوجيه !
نقلته لأضفاء البسمه
التعديل الأخير تم بواسطة almaster ; 29-01-2006 الساعة 01:57 PM
هههههههههههههههههههههههههههه
توصيات حلووووووووه
يعطيك العافية
وربي يوفقك
حياك الله دكتور شرفتني بالمرور
و بعدين موب لازم كل ماراح لأهله رحتي معه محرم مثل ماأنتي تروحين لأهلك لحالك ..
أحياناً هو بعد لازم يروح لأهله لحاله ..
خليه يوسع صدره مع إخوانه لايقولون حرمته حرمته
هههههههههههه روووووووووووووعةترى مافيها شئ لو زوجك ضحك مع خواته
تراهم خواته قبل لا تصيرين زوجته و المفروض غلاهم من غلاه يالدبشة
الله يعطيك العافية اخوي حقيقة
موضوع حلوووووو
اسأل الله أن يوفق شباب المسلمين وبناتهم
لما يحبه ويرضاه
واسأل الله لك التوفيق أخي الماستر في الدارين
الماستر
صحيح إن الرجال ما أخذك حبـّا فيك و إنه أخذك حبّـاً في وظيفتك بس موب معنى هذا إنك تقعدين تعايرينه بشهادة الكفاءة اللي معه و على طاري المعاير بأستشهد لك بقصة "ميب" حقيقية و صدقيني "ما" صارت لناس "ما" أعرفهم يقول لك وحدة تزوجت واحد تعرفت عليه من الإنترنت كل ما تهاوشت مع رجلها قالت له : إيه قل إنك غاير مني ليش إن رتبتي "عضو بروفيشينال إنترناشونال" و المنتديات كلهم يدورون علي و إنت توك "عضو مايدري وين الله حاطه فيه" و لا حد يعطيك وجه
يعني اللي ياخذ مراقبه ومشرفتين ومميزه
يصير مااحد قده:D
تسلم يالغالي ولاعدمناك
على قدر أهل العزم تأتي العزائم
وتأتي على قدر الكريم الكرائـم
;;;
وتكبر في عين الصغير صغارها
وتصغر في عين العظيم العظائم
;;;
ههههههههههههههههههه
ماستروه
طلعت حكيم وتنافس دندون الحكيم بتجارب الحياة
ههههههههههههههههههه
يعطيك العافيه
ههههههههههههههههههههههههه ههههههههههههههههههههههه
حلووووووووووووووووووووووه ....
وسعت صدري الله يوسع صدرك بالعافيه اخوووووي الماستر:cool:
لا تحرمنا جديدك......
ميس
ابو لمى
English lover
الغاليه
شرفتوني بالمرور اسعد الله ايامكم
الماستر حلوووووووووة روعة كروعة الانامل التي كتبتها
لكن اروع ما فيها غسيل الصحون ههههههههههههههههههههههههههههههههههههههههههه
يعني العروس راح تشتري مع جهازها مريلتين للبسهن اثناء الغسيل و حدة نسائية و الاخرى رجالية
اشكررررررررررررررررررررررررررررررك من قلبي
يالنسبه لغسيل الصحون مستحيل <<<<من كثر ماغسلتهن
مشكوره اختي صهيل وحياك الله
يعطيك العافية اخوي علي التوصيات
الله يعافيك الوتر .
اذا تبي نتيجه جيده اعكس الوصايا
هههههههههههههههههههههههههههههه
حلووووووووووووووه
يعطيك العافيه يارب
عاد احلى مافيها الزوجه الثانيه هههههههههههههههههههههههههههه
والله صادق حدهم كلهم يعيشون بأوضه وحده هي وماما وتنت ونينه خخخخخخخخخ
قال الرسول صلى الله عليه وسلم :-
(( لا تجعلوا قبري عيدا" وصلوا علي ,, فإن صلاتكم تبلغني حيث كنتم ))
وقال صلى الله عليه وسلم :-
(( البخيــــــــــــــــــــ ــــــــــــــــــــــل من ذكرت عنده فلم يصل علي ))
يعطيك العافية اخوي علي التوصيات
بسكوته
سماسم
حياكم الله نورتو الموضوع
كلام صحيح وماعليه غبااااااااااااااااار
والأجمل انو في قالب هزلي قريب الى النفوس
بارك الله فيك أخونا الماستر
وكتب لك السعاده والراحه
حياك الله سكره
المهم يكون زرع البسمه
المفضلات