المشاركة الأصلية كتبت بواسطة Ocean Heart
السلام عليكم.
من فترة وانا ابحث عن مثل الموقع هذا..
لكم مني الشكر سلفا..
لكن عندي طلب وتعتبر مشكله ماحسبت لها حساب .. وهي اني خريجه لغه انجليزيه.. لكني غير تربويه. فما اعرف عن طرق التدريس اي شي!!! ةللاسف الشديد..
ويتم الاتصال علي لعمل مقابله شخصيه في المدارس الاهليه للمراحل الابتدائيه لكني اتردد وارفض لاني اجهل معظم االخطوات الاساسيه في التدريس ....
فاتمنى التكرم وشرح كيفيه تدريس المرحله الابتدائيه. وكيف ابدأ الشرح والوسايل وغيرها من الاساسيات وهل يتم الشرح باللغه العربيه..
شاكرة لكم ومقدرة وراجيه منكم سرعه الرد...
وعليكم السلام ورحمة الله وبركاته... ؛؛
يا هلا فيك.. .. وإبشري بالي اقدر عليه.. ...
اولا؛ الشرح لازم يكون باللغه الإنجليزيه.... اللهم ماصعب بعد محاولات طبعا منك لشرحه عاد تقولينه بالعربي... مع إن مافي شي صعب لدرجه تخلي المدرس يحكي عربي....
ثانياً؛ الوسائل مهمه كثبر واصلاً تريحك إنتي بالشرح... مثلا عندهم درس عن الألوان فلما يكون في وسيله عنفس الدرس تساعدكي بطرق الشرح المتتاليه والأكثر من كذا تخلي إنتباه الطالبات عالدرس بعكس لو إستخدموا الكتاب من اول الحصه.
ثالثاً؛ مهم كثير مشاركت الطالبات ولو بأسهل الآسئله والتنويع بإختيارهن... وإن وحده جاوبت خطأ ماتجلسيها إلا لما تعرف الإجابه الصحيحه وتكررها.. ..
رابعاً؛ لما تقدمي الكلمات الجديده خليهم يرددوا جماعي وبعدها وحده وحده ... والكلمات الجديده لازم تكون مكتوبه عflash cards .
خامساً؛ مهم تستخدمي الكاسيت أو السيدي بالحصه... مع الكتاب المدرسي.
سادساً؛ مو شرط الوسيله تكون لوحه ممكن أشياء ملموسه للطالبات.. مثل تخليهن يجيبن فواكه الوان ساعه ملابس... عحسب الدرس المراد شرحه.
سابعاً؛ بالنسبه للسبوره طبعا العنوان التاريخ والكلمات الجديده وغذا في سؤال بسيط يكتب ولازم السبوره تتسطر لهن عشان يتعلمن قواعد الكتابه الصحيحه.
وهذا صراحه بعض الأشياء الي جالت بذهني...
إن شاء الله تستفيدي من الي كتبته.... واي سؤال بالخدمه..
والسلام عليكم ورحمة الله وبركاته.
المفضلات