شرح " reborting instructions" ص/55

**عليآء** · 30-04-2011, 10:43 PM

السلآم عليكم ورحمة الله ..
كيف حآل الجميع ؟

بمآ اني معصصبة وحآلتي حالة بدخل بالموضو ع طوول ..

في صفحة 55 " reborting instructions" القآعدة هذي والي تحتهآ ماخشوا مزآجي أببداً .. وش سآلفتهم ؟؟ ..

مافهمت لهم .. وبعدين أنا غايبه فيهم أصلا .. ويوم رحت للمعلمة تفهمني .. فهمتني خرآآبيييط ع الطآير ..
مافهمت شي أبببد .. فيآليت أحد يتكرم يفهمني ويآخذ الأجر من ربي لآن بكرة أختبآري ومابعد ذآكرتهآ .. =(

و شكراً مقدماً

**sweet peach** · 02-05-2011, 01:49 PM

وعليكم السلام ورحمة الله وبركاته

مرررررررحبا بك عزيزتي

القاعدة أمرها هين.. بس الظاهر اني جيت متأخرة
إذا لسه محتاجة الشرح إحنا في الخدمة

و موووووووووفقة إن شاء الله

**عليآء** · 03-05-2011, 05:33 PM

ايوآ حبيبتي معك ..
مرة متأخر بس معليش لسه ماأختبربت ..

تعرفين كانت الأجوآء مرة مش مهيأه للدوآم ..
أنتظرك حبيبتي =)

**عليآء** · 06-05-2011, 03:14 AM

اختبآري يوم السبت وينك =( ؟؟

**sweet peach** · 06-05-2011, 02:11 PM

شوفي يا عسل : قاعدة نقل الكلام لها 3 أقسام رئيسية :

أولا : نقل الجمل ( ويميز الجمل عن غيرها إنها تبدأ بفاعل سواء اسم ظاهر أو ضمير).. ويستخدم معها كلمة Said مع التحويل للزمن الماضي

"English is easy"
He said English WAS easy

وممكن يكون الزمن Future كمان نعاملها بنفس الطريقة
" I will get the full mark"
Alia' said she WOULD get the full mark
ملاحظة : الضمر I في الجملة الثانية حولناه لضمير مناسب للمتكلم اللي هو Alia

ثانياً : نقل الأوامر Instructions (ويميزها انها تبدأ بفعل مباشرة بدون فاعل).. ونستخدم معاها 4 أفعال : told أخبرتني / advised نصحتني / wanted أرادتني / asked ومعناها هنا طلبتني

" Study hard "
She wanted me to study hard
" Don't waste time"
She advised me not to waste time
نلاحظ هنا أننا ننزل الجملة كما هي فقط نضيف كلمة to في الأوامر المثبتة, و not to في النهي

ثالثاً : نقل الأسئلة Questions ... ونستخدم معها كلمة asked وهي نوعين :
WH Q
" What is your name? "
She asked me what my name was
هنا ننزل wh ونحول your إلى my , و is إلى was .. ثم نستبدل أماكن الفعل المساعد والفاعل

Yes / No Q
" Is your name Alia ?"
She asked me IF my name was Alia
(وهنا نستخدم كلمة if لعدم وجود wh )

وإذا لسه في شي مو واضح أنا موجودة
دعواااااااااااااااااتي لك بالتوفيق .. وضروري تبشريني بالنتيجة يا عسل

**KASM** · 06-05-2011, 10:22 PM

السلام عليكم
اولا يعطيك العافيه اختي sweet peach
ثانيا بالنسبه للاخت علياء .. ما يسير تقولين على المعلمه انها شرحت لك خرابيط ع الطاير
مو ذنب المعلمه انك غبتي :( المعلمه يكفيها الشرح بالحصص .. تبونها بعد تعيد كل شوي للي تغيب
الله يهديك بس
و سامحيني بس ما احب هالاسلوب حتى مع خواتي اهاوشهم اذا قالوا شي ع المعلمات :(
و انا اشوف كلنا بالمنتدى خوات و امون :$

**عليآء** · 07-05-2011, 10:27 PM

حبيبتي sweet peach : كم أعشقك <3 ..
الله يوفق ويرزقك من حيث لاتعلمين .. وييسر لك أمورك .. ويغفر ذنوبك يَ رب ..
ماشاء الله شرحك مرررة روعة فهمت من القرآءة الأولى ..
شكري الجزيييل لك .. واسمحي لي أنآديك بـ [ استآذتي =) ...

kasm : معليش والله كنت متحمسة مرررة ..
جد والله المعلمآت حبيآتنا و [ من علمني حرفاً .. كنت له عبداً ..
وكلآمك عييييين الصوآب .. شكري الجزييييل لنصحك <3 ...

**sweet peach** · 07-05-2011, 10:41 PM

لي الشرف أن أكون أستاذة لطالبة نجيبة مثلك

بس بلاش( -صرت له عبداً- ) لسنا عباداً إلا لله تعالى
بوركتِ غاليتي أدباً .. وأخلاقاً .. وعلما
دمتي بتوفيق من الرحمن